Os Eoas de Pondal e a obra de Manuel Curros Enríquez

Os Eoas de Eduardo Pondal

Existen probas documentais de que Pondal traballaba xa no que máis tarde, por volta de 1858, serían Os Eoas. O poeta faleceu sen que esta obra chegase a ver a luz. En Os Eoas atopamos, daquela, un verdadeiro compendio do mundo poético pondaliano posto ao servizo dun proxecto sintetizador. A través do heroe e da súa incomparable fazaña, Pondal une nun todo Galicia, España, Iberia e a vocación universalista de espallar o cristianismo na extensión dun novo continente. Os Eoas configúrase como unha verdadeira epopea fundacional.

Manuel Curros Enríquez

Aires da miña terra: caracterización e contidos

Poeta comprometido coa causa dos asoballados, sempre en defensa dos ideais progresistas e galeguistas. Curros cría con firmeza na función social do poeta: a obriga dos intelectuais consiste en permanecer ao lado do pobo.

A contraposición entre o atraso e o progreso configura un aspecto característico da obra currosiana. De aí a súa aposta decidida polo progreso material, toda vez que con el terán que chegar a luz e mais a liberdade. Curros amosa ao longo da súa obra unha actitude decididamente anticlerical, pois para el, a Igrexa permanecía completamente á marxe dos sufrimentos e penalidades do pobo.

Non é frecuente en Curros a temática costumista. De feito, o poeta chega a botar man dun motivo folclórico apenas para introducir un ambiente que logo trata dende unha perspectiva social. Ao longo da obra rexístrase un pequeno conxunto de textos de carácter intimista; non obstante, non deixan de xurdir en Curros as referencias contra a inxustiza.

O Divino Sainete

Constitúe un texto fundamental tanto na obra de Curros coma no conxunto das letras galegas. A liña argumental iníciase unha noite de Nadal, cando Curros se encontra en Madrid co espírito de Francisco Añón.

Curros configura un texto que camiña decontado na dirección da sátira e da farsa. A intención do poeta foi a de construír unha obra que significase un decidido ataque contra:

• Carlistas
• Frades corruptos
• Antropófagos
• Personaxes con nomes e apelidos