Enpresaren banaketa
Enviado por Chuletator online y clasificado en Economía
Escrito el en vasco con un tamaño de 7,41 KB
Multinazionala zer da:
Ekoizpen-ahalmen handia duten merkataritza-sozietateak dira, edo merkatu berrien bila dabiltzan enpresen kontzentrazioen edo bat-egiteen bidez sortutakoak. Merkatu horietan dagoen premia zenbat eta handiagoa izan, orduan eta interesgarriagoak izango zaizkie enpresa horiei bertan kokatzeko. Merkatu horiek ez daude enpresaren jatorrizko herrialdean bertan.
Ezaugarriak:
Multzo osoaren emaitzei esker, elkar konpentsatzen dira eta oreka lortzen dute.
Punta-puntako teknologia dute. Hori dela-eta, etengabe hazten dira, eta, apurka apurka, merkatua bereganatu eta enpresa txikiagoak xurgatzen dituzte.
Haien egituran, enpresa nagusia taldeak jarraitu beharreko estrategia zehazteaz arduratzen da, eta plangintza- eta kontrol-jarduerak egiten ditu; fililialak, berriz, taldeko ekoizpen-jarduerez arduratzen dira, enpresa nagusiak adierazitako irizpideei jarraituz.
Oso handiak direnez, merkaturatzen dituzten ondasun eta zerbitzuetan eskala-ekonomiak lortzeko aukera dute.
Halaber, tamainari esker, berebiziko garrantzia izaten dute jarduten duten sektorean.
Enpresa nagusiak filialen gaineko zuzeneko kontrola izan dezake, edo zeharkadakoak, haien kapital sozialean partaidetza izanda.
ETE zer da: Langileen kopuruaren arabera enpresa txiki edo ertainak dira.
Ezaugarriak:
Enpresa-prestakuntza urria dute: Enpresaburuak enpresa-ezagutza tekniko urriak ditu, eta sarritan, enpresaren kudeaketa egitean eskuratu ditu.
Finantza-ahalmen urria: Finantza-merkatuetara heltzeko zailtasunak izaten dituzte. Izan ere, familia-enpresa gisa sortu dira, hasteko baliabide gutxirekin, eta, horregatik zila egiten zaie hazi ahal izateko autofinantziazioa sortzea.
Langileen kualifikazioa eta prestakuntza teknikoa, eta zaharkitze teknologikoa: Langileen birziklapenaren eta enpresaren teknologiaren bizkortasuna ez da berdina. Hori izan daiteke zuzendaritzaren aurreikuspen faltagatik edo egokitzeko behar adina baliabide ekonomikorik ez izateagatik.
Antolaketa malgua: Enpresako langileen artean erraz komunikatzeko aukera langileen kopurua txikia delako. Horri esker, komunikaziorako eta lan-talde on bat sortzeko aukera dago, horren ondorioz, erabakiak hartzea errazten da, malgutasun handiagoa dagoeta alde horregatik. Izan ere, aginte-maila gutxi daude, enpresaburuak edo enpresako zuzendariak botere osoa baitu, eta, horren ondorioz, erabakiak bizkor har daitezke, bitarteko askorik tartean egon gabe.
Langileen integrazioa: Langileak enpresan integratuta daude, ardurak hartzen dituzte bere gain, horren ondorioz, erabakiak bizkor har daitezke, bitarteko askorik tartean egon gabe.
Merkatu interstizialetan garatzea: Enpresa handiek merkatuetan utzitako hutsuneak baliatzen dituzte enpresa txiki eta ertainek, enpresa handiak produktu batean espezizializatu eta eskala-ekonomikoak izateko aukera ematen duten eskoizpen-mailak lortzen saitazen baitira. Zenbait alderditan, enpresa txiki eta ertainek enpresa handiek baino hobeto jardun dezakete; adibidez, produktua merkaturatzen, bezeroarekin harreman hurbilagoa izaten baitute.
Eenplegu-sortzaileak: Enpresa txiki eta ertainek lan-baliabide gehiago dituzte kapital-baliabide baino; beraz, tamaina handiko enpresek baino enplegu gehiago sortzen dute, agian, lehen aipatu bezala, kapitalean inbertizeko behar adina finantziazio ez dutelako. Proportzioan, enplegu gehiago sortzen dute.