Elementos e tipos clave do texto narrativo: partes, narrador, personaxes e tempo

¿Que é un texto narrativo?

Un texto narrativo é aquel que conta sucesos, reais ou imaxinarios, que lles suceden a uns personaxes nun espazo e nun tempo determinado. Ex: novela, cómic, lenda.

¿Que grandes tipos de textos narrativos hai?

• Orais
• Escritos
• Non literario: Narra feitos reais.
• Literarios: Narra feitos ficticios ou imaxinarios.

Sinala as 3 partes típicas dos textos narrativos e explícaas.

• Introdución: Situación inicial, presentación dos personaxes, o lugar e o tempo nos que se desenvolve a acción.
• Nó: Complicación da acción, introdúcese o conflito que hai que resolver. É a parte central do relato e a máis extensa.
• Desenlace: Situación final, resolución do conflito, consecuencias da acción. Pode ser aberto ou pechado.

Enumera os elementos propios da narración.

• Personaxes
• Espazo
• Acción
• Tempo
• Narrador

¿Que dous tipos de final hai? Explícaos.

• Final pechado: O conflito resólvese, a acción queda perfectamente pechada e non hai posibilidade de continuación.
• Final aberto: A trama queda sen resolver e o lector ou lectora debe imaxinar como se soluciona o conflito suscitado, a narración pode continuar con novos episodios.

Fai un esquema cos tipos de narrador.

• Narrador interno: É un personaxe da historia que conta, adoita expresarse en primeira persoa. Hai dous tipos:
  • Eu-protagonista: Conta os feitos que el mesmo realiza.
  • Eu-testemuña: Conta os feitos que presencia e observa.
• Narrador externo: Non participa na acción, conta os feitos que lles suceden aos personaxes, adoita expresarse en terceira persoa. Hai dous tipos:
  • Narrador omnisciente: Sábeo todo sobre os personaxes.
  • Narrador obxectivo: Limítase a contar o que oe ou ve.

¿En que se distingue o tempo externo do interno?

• Tempo externo: O momento concreto no que sucede a historia.
• Tempo interno: O tempo que transcorre desde que comeza a acción ata o final da narración.

Define os seguintes conceptos.

• Novela: É unha narración ficticia en prosa extensa protagonizada por uns personaxes nun espazo e nun tempo determinado.
• Conto: É un relato en prosa de pouca extensión, protagonizado por un grupo reducido de personaxes e cun argumento sinxelo.
• Conto popular: De autoría descoñecida e transmisión oral.
• Conto tradicional: De autoría coñecida e transmisión escrita.
• Fábula: É unha narración, en prosa ou en verso, protagonizada por animais que actúan coma se fosen persoas, adoita rematar cunha moralexa.
• Lenda: É unha narración de orixe popular que se presenta coma unha historia real e pretende explicar feitos sobrenaturais.
• Microrrelato: É unha narración literaria moi curta que condensa en poucas palabras unha historia.
• Novela curta: Sitúase entre o conto e a novela, ten os mesmos elementos ca novela, mais, tendo en conta a menor extensión, estes están menos desenvolvidos.

Sinala todos os tipos de personaxes e defíneos.

• Personaxes principais: Están presentes ao longo da narración.
• Personaxes secundarios: Acompañan o protagonista ou aparecen ocasionalmente.
• Protagonista: Personaxe clave da historia.
• Antagonista: Opónse ao protagonista para impedirlle acadar os seus obxectivos.

¿En que se distingue o tema do argumento?

• Tema: Asunto ou idea en torno á que xira a historia. Pode enunciarse nunha palabra ou nunha frase breve. Ex: o amor. De que trata.
• Argumento: Síntese cronolóxica da historia, é dicir, o resumo das accións que realizan os personaxes dispostos na orde temporal na que suceden. O que se conta.