Dinámica de la Tierra: atmósfera, hidrosfera y litosfera explicadas

Dinámica de la Tierra: energía y cambios en sus capas

A Terra experimenta continuos cambios nas súas 3 capas (atmosfera, hidrosfera e xeosfera) debido a 3 enerxías:

• Calor interno da Terra (enerxía xeotérmica): quenta o manto e deforma a codia → dinámica da xeosfera.
• Gravidade terrestre: atrae a materia e determina o fluxo da auga → dinámica da hidrosfera.
• Enerxía solar: quenta a auga e o aire da superficie → dinámica da hidrosfera e da atmosfera.

Circulación del aire y fenómenos atmosféricos

A enerxía do sol afecta a circulación do aire na troposfera (capa máis baixa da atmosfera) e orixina:

• Ventos: desprazamento das masas de aire.
• Borrascas: por ascenso de masas de aire quente. Baixa presión atmosférica.
• Anticiclóns: por descenso de masas de aire frío. Alta presión atmosférica.

Diferencia entre tiempo y clima

Cómpre diferenciar os conceptos de tempo e clima:

• Tempo: refírese ao tempo atmosférico nun lugar concreto e nun tempo determinado.
• Clima: refírese ao comportamento característico do tempo atmosférico durante un período de varios anos e nunha rexión máis ampla.

El ciclo del agua

A enerxía solar e a gravidade orixinan o ciclo da auga ou ciclo hidrolóxico, que consta de 4 etapas:

• Evaporación da auga (líquida → gas): a auga procede da superficie terrestre (mares, ríos…) e da transpiración dos seres vivos.
• Condensación: o vapor de auga arrefríase e condénsase en gotiñas → formación de nubes.
• Precipitación: as gotas caen por gravidade, en forma de chuvia, neve ou granizo.
• Circulación da auga: ben pola superficie (escorrentía superficial) ou ben incorporándose ás augas subterráneas (infiltración).

Dinámica de la geosfera y tectónica de placas

A dinámica da xeosfera é debida á enerxía interna da Terra ou enerxía xeotérmica. A estrutura interna da Terra (xeosfera) está formada polo núcleo interno (sólido), o núcleo externo (líquido), o manto (semirríxido) e a codia (ríxida). A parte ríxida do manto (xusto debaixo da codia) e a codia constitúen a litosfera.

4.1 Tectónica de placas

A litosfera terrestre non é continua, senón que está fracturada en placas. Hai 7 grandes placas litosféricas: Pacífica, Norteamericana, Africana, Suramericana, Euroasiática, Australiana e Antártica.