Brexit-aren kronologia: Erresuma Batua eta EBren arteko bidea

Brexit-aren hasiera: David Cameronen promesa

2013an, David Cameron Erresuma Batuko lehen ministroak (Alderdi Kontserbadorea) esan zuen herrialdeak EBn jarraitzeari buruzko erreferenduma deituko zuela 2015eko hauteskunde orokorretan berriz hautatzen bazuten. Helburua Erresuma Batuaren eta Europar Batasunaren arteko harremanetan erreforma-plan bat negoziatzea zen. Funtsean, botere handiagoa, malgutasun ekonomikoa eta eurotik kanpoko estatuak gainerakoen modu berean tratatzea zen asmoa, Cameronen hitzetan.

UKIPen gorakada eta 2015eko hauteskundeak

2014an, UKIPek, Europar Batasunaren eta immigrazioaren aurkako alderdiak, Europako hauteskundeak irabazi zituen Erresuma Batuan. Alderdi Kontserbadoreko sektore batek ez zuen konfiantzarik Europar Batasunean erakunde politiko, ekonomiko eta sozial gisa. 2015ean, David Cameronen Alderdi Kontserbadoreak gehiengo osoz irabazi zituen hauteskunde orokorrak.

2016ko erreferenduma eta Brexit-aren garaipena

2016an, Erresuma Batuak hainbat erreforma adostu zituen EBrekin, eta erreforma horiek indarrean sartuko ziren herrialdeak organismo kontinentalaren barruan jarraituz gero. Akordioa lortu ostean, Cameronek ekainaren 23rako deitu zuen erreferenduma, Erresuma Batuak EBn jarraitu edo bertatik atera behar zuen erabakitzeko.

Erreferendumaren emaitzak

Ustekabean, erreferenduma irabazi zuten EB uztearen aldekoek. Brexit-arekin Erresuma Batuak «kontrola berreskuratuko» zuela zioen mezuak irabazi zuen. Emaitzetan adin-arrakala nabarmena ikusi zen:

• Gazte gehienak EBn jarraitzearen alde agertu ziren.
• Adineko gehienak, ordea, EBn jarraitzearen aurka agertu ziren.

Lidergo aldaketa eta irteera-akordioak

Porrotaren ondoren, Cameron lehen ministroak dimisioa eman zuen eta Theresa Mayk ordezkatu zuen. EBn geratzearen alde bozkatu zuen arren, irteera «arrakastatsua» agindu zuen Mayk. Hala ere, Mayren irteera-planak porrot latza izan zuen. Ondorioz, kontserbadoreek lider berria hautatu zuten 2019an: Boris Johnson, eta lehen ministro izendatu zuten.

Urriaren 31ko irteera-eguna inolaz ere ez zuela atzeratuko agindu zuen Johnsonek hainbat aldiz hurrengo asteetan. Parlamentuak bozkatu zuen akordiorik gabeko Brexit bat ez zuela inolaz ere onartuko, oso kaltegarria izango litzatekeelako Erresuma Batuarentzat. Azkenik, Brexit-erako akordio berri bat adostu zuen Ipar Irlandarekin. Brexit-aren data 2020ko urtarrilaren 31ra arte atzeratu zuten, eta hori izan zen behin betiko data.