Biztanleria piramidearen iruzkina

ADIN PIRAMIDEA

Biztanleriaren piramide  honek EAEko biztanleriak 2008. Urtean  sexuaren eta adinaren arabera duen egitura erakusten duen eta modu berean ia ehun urtetan zehar demografian ondorioak izan dituzten gertaerak ere azter daitezken grafikoa da.

Piramide honek erraboil forma dauka, duen formagatik, esan daiteke populazio erregresiboa dela, honek esan nahi du gero eta jende gutxiago jaiotzen dela. Piramide  forma hau bere Trantsizio Demografikoa amaitu eta Erregimen Demografiko Modernoa duen gizarteari dagokio. Ikus daiteke gizarte honek zahar multzo oso nabaria duela bizi itxaropena hainbeste handitu delako eta, alderantziz gazteen multzoa murrizkorra dela, nahiz eta azken urteotan immigrazioari esker  hazkunde txikia izan. Iruzkina egiteko sexuaren araberako analisia, adinaren araberako analisia eta konklusioen atala jorratuko ditugu.

Sexuaren araberako analisia: Lehenengo kohortean ikus daiteke (0-4 urte bitartean) gizonezkoena emakumezkoena baino pixka handiagoa dela. Kalkulatzen badugu gizonezko-indizea aterako zaigun %105 dela, hau da 100 emakume bakoitzeko 105 gizon jaiotzen direla.

Piramidearen erdialdeko eremuan bi sexuen zifrak berdindu egiten dira; gizonezkoen barrak zertxobait kanporantzago ageri dira immigranteen etorrera medio ( askotan gizonezkoak). Beraz, hasierako desproportzio hori zertxobait konpentsatzen da ( gizonezkoen hilkortasun tasa handiagoa baita).

Goiko segmentuetan (adineko pertsonak) emakumezkoak gehiago dira. Alde batetik, bizi itxaropena handiagoa daukate ( biologikoki sendoagoak) eta bestetik, tradizionalki gizonezkoek arrisku handiagoko lanak, bizimodu desberdina, ohitura desberdina (tabakoa, edaria…), gerren parte hartze handiagoa,...Etab eduki dute.

Adinaren araberako analisia: 0-4 kohortean jarraitzen dioten kohorteak baino zertxobait handiagoa da. Juxtu krisi aurreko immigrazioarekin lotu behar da; hauek ugalkortasun tasa handiagoa daukate.

5-24 kohorteetan hurrengo segmentu hauetan ikusten da biztanleriaren murrizketa zerbait konstantea dela. Jaiotze-tasen beherakadarekin lotu behar dugu. 1980.Hamarkadako krisia (bertan jaiotako pertsonak barneratzen dira segmentu hauetan).

25-44 kohorteetan garapeneko urteetan jaio zirenak kokatzen dira hemen. Diktaduraren zabalkuntza, egonkortze-planak, industriaren garapena, ekonomiaren modernizazioa, heriotza jaitsi eta jaiotzak “animatu” egin ziren (“baby boom” fenomenoa).

45-59 kohorteetan biztanleriaren hazkundea motelagoa da, gerra osteko garaia da.

60-75 kohorteetan motzagoa da bi sexuetan, gerra zibileko belaunaldia da eta.

7tik gorako kohorteetan bi efektiboetan murrizketa ikusten da. Era berean, emakumezkoak gehiago direla nabari da arrazoi biologikoak media, bizi itxaropen altuagoa dutelako.

Konklusioa: Frogatuta gelditzen da piramide erregresibo baten aurrean kokatzen garela, herrialde garatu bati dagokiona.

Etorkizunean pentsio finantziazio arazoak, populazio aktiboaren murrizketa, osasun gastua, immigrazio beharra,...Etab gerta daiteke, beraz, erronka handi baten aurrean aurkitzen da Espainia eta arazoari aurre egiteko familientzako laguntzak sustatu beharra, immigranteen erakarpen plana,...