Ahozko Komunikazioa: Trebetasunak eta Paralengoaia

Ahozko Komunikazioa: Jatortasuna eta Enpatia

Hizketan gabiltzanean, funtsezkoa da jatortasuna, interesa eta enpatia erakustea.

Saiatu:

• Agurtzen eta gure burua jator aurkezten.
• Hizketan ari garela, begietara begiratzen.
• Hirugarren pertsonei goraipamenak egiten, bidezkoa denean, lausenguetan erori gabe, pertsona horretaz sentitzen edo ezagutzen ditugun alderdi onak nabarmenduz.
• Mintzakideak eta biok bizi dugun egoera komun horretaz iruzkinak edo galderak egiten.
• Mintzakideaz ezagutzen dugunari buruzko iruzkinak edo galderak egiten.

Saihestu:

• Ironiaz edo topiko kaltegarrien bidez mintzatzea.
• Inoren gainean era laidotsuan agertzea.
• Esaldietan dogmatiko gertatzea.
• Hizketari hasiera emateko iruzkin pertsonalegiak aukeratzea.
• Ahapeka edo ozenkiegi jardutea.
• Postura desegokiak agertzea.

Komunikazio eraginkorrerako gakoak

• Hizketan ari garela, aditzea (entzute aktiboa).
• Mesedez eskatzean, beldurrik ez izan.
• Eskaerei uko egitean, eman azalpenak.
• Kritikei erantzutean, erabili arrazoibidea eta sen ona.
• Beste norbait onartzean edo arbuiatzean, erakutsi irmotasuna.
• Ezagutzen ez duguna onartzea: dena jakiterik ez dago.
• Gure akatsak aitortzean, gizatasuna eta umiltasuna erakutsi.
• Goraipamenak jasotzean, lasaitasuna mantendu.
• Hizketari amaiera emateko, joan zuzen harira.

Ez-ahozko hizkuntzaren garrantzia

• % 55: Ikusmena (gorputz hizkuntza).
• % 38: Belarrietatik datorrena (ahotsaren tonua, etab.).
• % 7: Hitzak.

Paralengoaia

Mezua nola esaten den da. Hitz berberak era guztiz desberdinean esan daitezke, emozio edo esanahi desberdinak adieraziz.

Osagai garrantzitsuenak: bolumena, tonua, abiadura, barre egitea, negar egitea, hotsak (u, mm, o…).

Komunikazio paralinguistiko hobea lortzeko aholkuak

• Ahotsaren bolumena: Aldatu bolumena entzulearen arreta erakartzeko. Ez egin berba oso ozen, ezta oso baxu ere.
• Tonua: Erabili tonu egokiak entzuleen interesa pizteko.
• Hitz-jarioa: Saihestu isiltasun-une gehiegiak, errepikapenak eta zentzurik gabeko hitzak.
• Argitasuna: Mezua trabarik gabe irits dakion, argi hitz egiten saiatu behar da.
• Abiadura eta erritmoa: Muturrak saihestu behar dira: ez hitz egin oso mantso, ezta oso azkar ere.
• Etenaldiak: Egokia da hitzaldiaren aurretik, ideia garrantzitsuen ondoren eta ekitaldia bukatu aurretik etenaldi bat egitea.