22. TESTUA:

Antonio Añoveros Bilboko gotzainaren sermoia (1974-02-24)

SARRERA

• Dokumentu erlijioso baten lagina. Izaera politikoa du, Euskal Herriko berezko izaeraren defentsa eta haren zapalketaren salaketa egiten duen neurrian.  

• Egilea: Antonio Añoveros Ataun iruñearra. Elizgizon katolikoa, apaiz Iruñea eta Tafallan lan egin ondoren, gotzain izan zena Bilbon.

• Sermoi edo homilia bat da.

• 1974ko otsailekoa. Franko gaixo azken urteetan, bere osteko bilakaera da espekulazio gai nagusia.

• Bizkaiko elizbarrutiko kristauei zuzendua. Espainia osoan eragin sakona izango du.

ANALISIA

• Gaia: Euskal Herriko berezko izaeraren defentsa eta haren zapalketaren salaketa.

• Oinarrizko ideiak hauek lirateke:

• Euskal gatazkaren aipamena sarreran.

• Euskal gatazkaren azalpena: zenbaiten ustez zapalduta dagoen herria da, bestetzuentzat berriz aurrekoa faltsua da eta beraz baieztapen haren ondoriozko edozein jokabide salagarria.

• Euskal Herriaren nortasun kultural eta erlijioso propioaren aldarrikapena

• Euskal Herriak izaera propioari eutsi eta garatzeko duen eskubidearen defentsa. Laugarren paragrafoan hori gauzatu dadin dauden zailtasunak adierazten dira. Euskararen zapalketa.

• Egoera onbideratu dadin Elizak duen konpromisoaren agerpena.

IRUZKINA

(Aipatu beharreko puntuak: erregimenarekiko oposizioaz, frankismoaren gabezia demokratikoak, nazioarteko egoera).

• Frankoren osasunez pattal oso. Erregimena norabide politiko zehatza erabaki ezinik, barne tentsio larriek astinduta. Krisi ekonomiko gogorrak aurreko urteetako oparoaldia ere zapuztu dute.

• Oposizioa egunetik egunera indartsuago, nola antolamenduz, hala babes sozialez.

• Euskal nazionalismoaren errebindikapen kultural eta politikoa Euskal Herriko sektore sozial oso zabalek modu konprometituan defendatzen dute. Ikastolak indartzen ari dira,  

ONDORIOAK

• Euskal kulturaren eta hizkuntzaren defentsa egitea, nork eta gotzain batek, Carrero Blanco ETAk hil eta bi hilabete eskasera, muturrekoa zen erregimenaren zaleentzat.

• Bilboko alkatesatik hasita, elementu frankistek erantzun gogorra eskatzen zuten, batez ere eskuin muturrekoek, bunkerrekoek.

• Ministro hainbatek bilkurak egin zituzten Arias Navarroren gobernuak bere kanporaketa erabaki (Añoveros eta bere bikarioarena, Ubieto monsignorea, baina gero atzera egin zuen.

• Paulo VI.A eta nuntzioak elkartasuna adierazi zioten. Neurri gogor batek (desterrua) Elizarekin harremanen haustura ekar zezakeen, eta Frankok askotan erakutsi zuen zuhurtziaz hori ekidin zuen.