1876ko uztailaren 21eko legea
Enviado por Chuletator online y clasificado en Historia
Escrito el en vasco con un tamaño de 5,9 KB
1876KO UZTAILAREN 21EKO LEGEA
KOKAPENA:
Testua Foruen
Deuseztapenari buruzkoa da. Legea denez gero izaera juridiko-politikoa du.
Gorteek aprobatua da eta Alfontso XII.Ak berretsia, benetako autorea den
Antonio Canovas del Castillok sinatzen duelarik. Publikoa da, jende
Guztiarentzat idatzia , baina bereziki hiru lurraldeetako biztanleei (Araba,
Bizkaia eta Gipuzkoa) Nafarroa, lurralde forala denez, zeharka aipatzen badu
Ere. Bigarren gerra karlistaren amaieran eta Berrezarketaren aldiaren hasieran
Egina.
ANALISIA:
Testuan
Foruetatik geratzen ziren bi
Eskuduntza nagusien deuseztapena agertzen da: zerbitzu militarrera
Joatearen derrigortasuna eta zerga sistema.
Neurri hau hartzeko testuan
Agertzen den justifikazioa espainiar guztien artean egon behar lukeen
Berdintasun juridikoa da. Berez, bigarren gerra karlistaren amaieran ematen den
Ondorioa da.
Ohiko
Sarreraren ondoren (oraindik Erregearen Jainkozko aipamena egiten da),
Lehenengo hiru artikuluetan bi eskuduntza horien deuseztatzea adierazten da:
Hiru lurraldetakoek beste guztiek bezala zergak ordaindu beharko dituzte, zuten
Salbuespena ezabatuz, eta soldadu kupoa aurkeztu beharko dute.
Laugarren
Artikuluan foruen aldaketa prozedurak aipatzen dira, hiru lurraldeen interesa
Gordetzearren (1839ko urriaren 25eko legean bezala) eta haien onespenarekin
(Foruak aldatzeko prozedura aldatuz: lehen Batzar Nagusiek egiten zuten.
Oraingoan, Espainiako Gobernuak). Horretarako aurreko arau harmonizatzaileak
Aipatzen ditu: 1837koa legea
Foru Aldundiak ezabatzen dituena, 1841ekoa
Nafarroako Hitzartutako Legea eta 1841ko urriko 29 dekretua, muga-zergak aldatu,Foru
Aldundiak eta Batzar Nagusiak deuseztatu eta udalak eta justizia
Administrazioaren uniformizazioa ezartzen dutenak. Azken bi arau hauek Esparteroren
Erregeordetzaren garaikoak dira.
TESTUINGURUA:
Testua
Berrezarketaren hasierako urteetako legea da, urte berean idatzi zen 1876ko
Konstituzioaren ondorengoa, historiaren aldi berri honen ezaugarri
Garrantzitsua izango dena. Aldi berean bigarren gerra karlistaren amaieraren
Ondorio zuzena da legean bertan gatazka hau aipatzen baita, alde liberalean
Borrokatu dutenei Armadan parte hartzeaz eta hamar urtez zergak ordaintzeaz salbuetsiz.
Euskal herriko
Eta beste zenbait guneetako bigarren altxamendu karlista seiurteko
Demokratikoko aldian gertatu zen(1868-1874) eta karlisten porrotarekin bukatu
Zen, Karlos VII.Aren tronurako nahia zapuztua geratu zelarik.
XIX. Mendean
Euskal lurraldeetan egin ziren altxamendu karlistek lotura zuzena izan zuten, besteak
Beste, foruen sistemaren defentsarekin.
Lehen gerra
Karlista 1833 eta 1839 artean eman zen Fernando VII.A oinordetzako gatazkaren
Inguruan. Bergaran emandako Besarkadari 1839ko urriaren 25eko legeak jarraitu
Zion. Bertan Foruak batasun konstituzionalaren pean jartzen ziren eta,
Kontraesanetan egonez gero, foruak aldatzeko aukera berresten zen. Aurretik,
Testuan aipatzen den 1837ko legea atera zen, Aldundiak deuseztatzen zituena.
Esparteroren garaian 1841an Nafarroako
Hitzartutako Legea onartu zen, bertako progresisten ordezkariek onetsi zituztena.
Legean Nafarroaren erreinu izatearen aipamena baztertzen zen eta muga-zergen
Kokalekuak aldatzen ziren. Urriko 29ko dekretuan Araba, Bizkaia eta Gipuzkoako
Muga zergak itsasertzera eramaten ziren Foru Aldundiak eta Batzar Nagusiak
Deuseztatu eta administrazioa, udal eta justicia administrazioan uniformizazioa
Ezartzen zen.
Aintzinako Foruen
Defentsari dagokienez hiru talde sortu ziren euskal lurraldeetan bi gerra
Karlisten inguruan: foruzaleak (karlistak), foruzale liberal moderatuak eta
Liberal progresistak, foruak moldatzearen aldekoak.
Esparteroren
Erregeordetzaren ostean gobernu liberal ezberdinek aldaketak egin izan zituzten
Foruen ordenamenduan: Moderatuen aldian Foru Aldundiak eta Batzar Orokorrak berrezarri
Zituzten.
Hurrengo
Hamarkadetan karlistek saiakera berriak egin zituzten armetan altxatzeko baina
Nagusia 1872an izan zen. Isabel II.Ak Espainiatik alde eginda, erregerik gabeko
Monarkia batean, aldi ezegonkorra zen 1868ko iraultzaren ondoren. Monarkia
Iraunaraziz Amadeo I.A Saboiakoa ezarri zuten erregetzan.
Altxamendu
Karlistak Karlos VII.A hartu zuen gidaritzat. Erlijio eta Foruen defentsa
Eginez arrakasta izan zuen euskal lurraldeetan. Lehen gerrillen aldia (besteak beste Santa Kruz
Apaizak burutua) bake prozesu batean amaitu zen 1872an bertan: Amorebietako Konbenioa. Baina
Berehala ekin zitzaion beste altxamendu bati. Gerrilletatik benetako Armada
Batera igaro zen eta Bilboko setioa egin zen. Oraingoan ere porrota izan zuten
Karlistek eta hauen errendizioarekin amaitu zen gerra 1876an. Karlos VII.A
Erbesteratu zen.
Gerraren
Amaierako urte berean testuan aipatu legea idatzi zuen Berrezarketaren
Sistemaren ideologo nagusia zen Canovas del Castillok Foruen eskuduntza
Nagusiak deuseztatuz.
Hortik aurrera
Zerga sistema berria ezarriko zen: Kontzertu
Ekonomikoa (Nafarroako Konbenio ekonomikoaren antzerakoa). Honen arabera
Aldundiek jasotzen zituzten zergak baina diru kopuru finko bat Gobernu
Zentralari ematen zioten, “kupo” izenekoa.
GARRANTZIA:
Aipatu bezala
Testuaren garrantzia, gerraren amaierako ondorio bezala kontsideratzea da. Karlismoaren
Porrotak lurraldeen Foru sistema osoaren aldaketa suposatu zuen. Canovas-en
Asmoa Espainia osoan sistema liberal kontserbadore eta homogeneoa ezartzea zen
Eta karlistak garaituta lan horri ekingo zion. Beste aldetik, kontzertu ekonomikoa lege honen ondorio
Zuzena izango zen: zerga sistema berriaren ezartzea, gaur egun arte iraun duena.
Azkenik, aipatu behar da foruen deuseztapena Bizkaian urte gutxitan sortuko den
Nazionalismoaren iturrietako bat izango dela.