Xestión Financeira e Fiscal para Empresas: Fontes, Impostos e Documentación Comercial

A Financiación

As fontes de financiamento son os medios que empregan as empresas para obter fondos ou recursos financeiros que lles permitan levar a cabo os seus investimentos e a súa actividade habitual.

Clasificación

Segundo a titularidade

Financiación propia: Recursos que pertencen á empresa e non deben ser devoltos (capital, reservas, provisións, etc.).

Financiación allea: Débedas que a empresa debe devolver (préstamos, créditos, factoring, etc.).

Segundo a procedencia

Interna: Recursos xerados pola empresa coa súa actividade (reservas, amortizacións, provisións).

Externa: Recursos obtidos de fontes externas (capital, subvencións, préstamos).

Segundo o prazo de devolución

Curto prazo: Recursos que permanecen na empresa ou deben ser devoltos en menos dun ano (préstamos C/P, créditos, etc.).

Longo prazo: Recursos que permanecen na empresa ou deben ser devoltos en máis dun ano (préstamos L/P, empréstitos, leasing, etc.).

Segundo o tipo de investimento

Espontánea: Recursos que non precisan negociación previa (salarios pendentes, tributos).

Negociada: Recursos obtidos mediante negociación e contratación (préstamos, leasing, factoring).

Financiación Propia

Interna

Autofinanciación de mantemento (para manter a capacidade produtiva):

• Provisións: Recursos reservados para futuros pagos incertos.
• Amortizacións: Cantidade aforrada para substituír bens inmobilizados ao final da súa vida útil.

Autofinanciación de enriquecemento (para ampliar a capacidade produtiva):

• Reservas: Beneficios non distribuídos.

Vantaxes da autofinanciación:

• Dá independencia á empresa.
• Evita burocracia e xuros.
• É a principal fonte de fondos para PEMES.

Inconvenientes da autofinanciación:

• Pode levar moito tempo conseguila.
• Prexudica aos socios (menos dividendos).
• Pode usarse en investimentos pouco rendibles.

Propia externa

Aportacións dos propietarios:

• Capital: Aportacións dos socios ao fundar a empresa.
• Ampliacións de capital: Novas achegas dos socios.

Subvencións: Axudas públicas para emprendedores e PEMES.

Outras fontes:

• Sociedades de capital risco: Compran accións dunha empresa con intención de vendelas máis caras no futuro.
• Business Angels: Inversores que, ademais de capital, achegan coñecementos e contactos.
• Crowdfunding: Micromecenado onde moitos pequenos investidores achegan diñeiro a unha empresa.

Depreciación e Amortización

A depreciación é a perda de valor dos activos. A empresa debe destinar anualmente unha cantidade (amortización) para renovalos.

Tipos de depreciación:

• Física: Polo paso do tempo (ex: oxidación).
• Funcional: Polo uso continuado (desgaste, rotura).
• Económica: Obsolescencia tecnolóxica ou baixa demanda do produto.

Financiamento Alleo

A longo prazo:

• Préstamos bancarios L/P: Diñeiro concedido para investimentos, devolto en máis dun ano con xuros.
• Empréstitos: Emisión de títulos-valores adquiridos por particulares ou empresas, con compromiso de devolución máis intereses (obrigacións, bonos).
• Renting: Alugueiro de equipos sen opción de compra, con mantemento incluído.
• Leasing: Arrendamento con opción de compra ao final do contrato.
  • Leasing financeiro: Sen mantemento incluído, con período mínimo de contratación.
  • Leasing operativo: Inclúe mantemento.

A curto prazo:

• Préstamos bancarios C/P: Para investimentos con devolución nun ano ou menos.
• Créditos bancarios C/P: Diñeiro dispoñible para diversos gastos (salarios, provedores).
• Tarxeta de crédito: Diñeiro usado e devolto no mes seguinte, con comisións e xuros.
• Liña de crédito: Conta bancaria con crédito dispoñible por un ano, suxeita a xuros e comisións.
• Créditos comerciais: Atraso no pago a provedores (30-90 días), sen xuros pero podendo perder descontos por pronto pago.
• Desconto de efectos comerciais: Anticipo de pagos futuros por unha entidade financeira, con desconto de comisións e xuros.
• Factoring: Venda de efectos comerciais a outra empresa (factor), que asume o risco de impago.
• Confirming: A entidade financeira garante os pagos dunha empresa aos seus provedores, cobrando xuros.

Fontes de Financiamento Espontáneas:

• Salarios pendentes de pago: Retrasar o pago dos soldos.
• Pagos a Facenda: Uso do diñeiro recadado de impostos ata o momento da súa liquidación.
• Descubertos en conta: Gastar máis do que hai na conta bancaria, pagando altos xuros.

Gastos e Investimentos

Os gastos son os desembolsos económicos en bens ou servizos necesarios para o funcionamento da empresa. Caracterízanse por ser consumidos de forma inmediata, normalmente nun prazo inferior a un ano.

Exemplos de Gastos

• Gastos de constitución (trámites legais para crear a empresa).
• Salarios (pago aos traballadores).
• Alugueiros (pago por locais ou instalacións).
• Subministracións (auga, luz, teléfono, internet).
• Materias primas (materiais necesarios para a produción).

Gastos Iniciais

• Gastos de constitución (notaría, rexistro mercantil).
• Gastos de lanzamento (publicidade, márketing inicial).
• Stock inicial de materias primas.
• Seguro anual.
• Comisións bancarias.

As investimentos son desembolsos en bens ou servizos que non se consumen de maneira inmediata. Forman parte do patrimonio da empresa e úsanse durante un período prolongado, normalmente máis dun ano.

Exemplos de Investimentos

• Compra do local (onde se desenvolverá a actividade).
• Instalacións (electricidade, fontanería, climatización).
• Equipos informáticos (ordenadores, servidores, software).
• Marcas e patentes (propiedade intelectual da empresa).
• Vehículos (coches, furgonetas, camións para a actividade empresarial).
• Mobles e mobiliario (mesas, cadeiras, estanterías).

Obrigas Fiscais da Empresa

A seguridade social en España finánciase a través das cotizacións dos traballadores e das empresas. Estes pagamentos garanten que as persoas teñan acceso a prestacións sociais en determinadas situacións nas que non poden traballar, como a xubilación, a invalidez ou o desemprego.

• Os traballadores aportan un 6,35% do seu soldo bruto á seguridade social.
• As empresas aportan entre un 31,4% e un 37,5% do soldo bruto de cada traballador.

Este diñeiro recadado serve para financiar prestacións sociais como:

• Asistencia sanitaria.
• Pensións de xubilación.
• Pensións por invalidez.
• Axudas por viuvez e orfandade.
• Prestacións por desemprego.

Deste xeito, a seguridade social garante que as persoas reciban unha axuda económica cando non poidan traballar por diversas razóns.

Os Impostos

Os impostos son tributos obrigatorios que os cidadáns e as empresas deben pagar ao Estado para financiar os servizos públicos. En España, os impostos páganse segundo a capacidade económica de cada persoa ou empresa, tendo en conta os seguintes factores:

• Os ingresos, como os soldos ou os beneficios empresariais.
• A riqueza, como as propiedades ou os terreos que posúe unha persoa.
• Os gastos, como a compra de bens ou servizos.

Os impostos clasifícanse en dous tipos principais: impostos directos e impostos indirectos.

Os Impostos Directos

Son aqueles que afectan directamente os ingresos ou a riqueza dunha persoa ou empresa.

O IRPF

É un imposto que grava os ingresos de cada individuo. Todas as persoas que obteñan ingresos deben pagar este imposto, aínda que a porcentaxe varía segundo o nivel de renda.

As empresas son as encargadas de descontar este imposto do salario dos seus traballadores todos os meses e ingresalo ao Estado.

Por exemplo, unha persoa cun soldo bruto de 2.500 euros ao mes terá unha retención aproximada do 18%, o que supón un desconto mensual de 450 euros.

O IRPF é progresivo, é dicir, canta máis renda ten unha persoa, maior porcentaxe ten que pagar.

O Imposto de Sociedades

É o tributo que grava os beneficios das empresas.

• O tipo xeral do imposto é do 25% sobre os beneficios obtidos pola empresa.
• Existen tipos reducidos para determinados casos:
  • 15% para empresas de nova creación.
  • 10% para entidades sen fins lucrativos.
  • 1% para sociedades e fondos de investimento.

Este imposto é de carácter directo, xa que grava os beneficios das empresas como unha manifestación da súa capacidade económica.

O Imposto de Actividades Económicas

Grava a realización de actividades empresariais, profesionais ou artísticas no territorio nacional.

• É un imposto local, xestionado polos Concellos.
• Non se paga durante os dous primeiros anos de actividade.
• Tampouco teñen que pagalo aquelas empresas con vendas inferiores a 1.000.000 de euros, aínda que deben darse de alta igualmente.

Os Impostos Indirectos

Son aqueles que se aplican sobre o consumo de bens e servizos. Ao contrario dos impostos directos, estes non dependen dos ingresos ou da riqueza dunha persoa, senón do que gasta.

O IVE

É un dos impostos máis importantes en España e aplícase a case todas as compras de bens e servizos.

• É un imposto indirecto e proporcional, é dicir, todos os consumidores pagan a mesma porcentaxe independentemente dos seus ingresos.
• O consumidor final é quen realmente paga este imposto, aínda que son as empresas as encargadas de recadalo e ingresalo ao Estado.

O IVE aplícase sobre o prezo dos produtos e servizos e pode ter diferentes tipos segundo o produto:

• 21% para a maioría dos bens e servizos.
• 10% para produtos de primeira necesidade, como alimentos.
• 4% para produtos e servizos básicos, como o pan ou os medicamentos.

Os Impostos Especiais

Aplícanse sobre bens específicos que o Estado considera escasos ou prexudiciais para a sociedade.

O obxectivo destes impostos é desincentivar o consumo destes produtos, facendo que sexan máis caros.

Algunhas categorías de bens suxeitos a impostos especiais son:

• Tabaco.
• Alcohol.
• Carburantes, como a gasolina e o diésel.

Os Documentos de Compravenda

Son aqueles que acreditan a compra ou venda dun ben ou servizo. Serven para rexistrar a transacción entre comprador e vendedor, asegurando que ambas as partes cumpran co acordado.

A Solicitude de Compra

É o primeiro paso dentro do proceso de compravenda.

Trátase dun documento a través do cal un comprador expresa a súa intención de adquirir un ben ou contratar un servizo.

Esta solicitude pode realizarse de diferentes formas:

• Verbalmente, a través dunha conversa directa entre comprador e vendedor.
• Por escrito, utilizando diversos medios como:
  • Formularios de solicitude.
  • Correos electrónicos.
  • Aplicacións ou plataformas dixitais.

A súa función principal é deixar constancia da intención de compra e dos detalles específicos da mesma.

O Albarán

É un documento que xustifica a entrega dunha mercancía ao seu destinatario. Serve tanto para o comprador como para o vendedor:

• Para o comprador, permite verificar que os produtos recibidos coinciden coa súa solicitude ou pedido.
• Para o vendedor, funciona como xustificante de que a mercancía foi entregada ao comprador.

Este documento adoita incluír tres copias:

1. Unha para o comprador.
2. Outra para o transportista.
3. Outra para o vendedor.

Cabe destacar que o uso do albarán non é obrigatorio, polo que en moitas ocasións a mercadoría entrégase directamente coa factura correspondente.

A Factura

É o documento mercantil que acredita legalmente unha compravenda ou a prestación dun servizo. É obrigatoria para empresarios e profesionais, que deben expedila e entregala aos seus clientes.

Ademais, están obrigados a conservar as facturas durante un período de 4 anos por razóns fiscais e contables.

Partes dunha Factura

Toda factura debe incluír os seguintes elementos obrigatorios:

• Número e serie da factura (para a súa identificación).
• Data de expedición da factura.
• Datos do vendedor e comprador, incluíndo:
  1. Nome ou razón social.
  2. NIF (Número de Identificación Fiscal).
  3. Domicilio fiscal.
• Descrición dos artigos ou servizos prestados.
• Base impoñible, que representa o prezo sen impostos e descontando posibles rebaixas.
• Porcentaxe do IVE aplicado á base impoñible.
• Cota resultante do IVE, é dicir, o importe do imposto a pagar.
• Importe total, que inclúe a base impoñible máis os impostos correspondentes.

Tipos de Facturas

Existen diferentes tipos de facturas en función da súa finalidade e estrutura:

Factura Completa

Tamén chamada factura ordinaria, é a factura estándar que contén todos os datos mencionados anteriormente.

Factura Simplificada

Trátase dunha factura máis breve, que pode empregarse en casos concretos, como:

• Compras que non superen os 400 € (IVE incluído).
• Facturas rectificativas.

Factura Recapitulativa

Este tipo de factura inclúe varias operacións realizadas para un mesmo cliente en diferentes datas dentro dun mesmo mes natural.

Factura Rectificativa

Expídese cando hai que corrixir un erro nunha factura anterior, como pode ser:

• Un erro no importe.
• Un dato incorrecto sobre o cliente ou vendedor.
• A aplicación incorrecta do IVE.

Factura Electrónica

É unha factura emitida e recibida en formato electrónico, con validez legal igual á dunha factura en papel.

A factura electrónica é obrigatoria en determinados ámbitos, como as relacións co sector público ou para empresas que operan en sectores regulados.