Xeografía Económica: Terciarización, Turismo e Industria en España

Diferenzas rexionais na terciarización

• Nas rexións con maiores ingresos: os servizos teñen un gran peso; máis dun 75% dos traballadores de varios países de Europa Occidental están empregados en actividades do sector terciario.
• Nas rexións con menor grao de desenvolvemento: especialmente en América Latina, a terciarización é máis intensiva e vén provocada polo rápido aumento da vida urbana.
• Nos países pobres: o crecemento dos servizos explícase pola existencia de grupos sociais cunha elevada capacidade de consumo; os servizos convértense nun sector de refuxio, tratándose de empregos mal pagados e pouco produtivos.
• Nas rexións máis pobres do mundo: o número de empregados no sector terciario é inferior ao 25%; porén, a porcentaxe é maior se se inclúen os millóns de persoas que traballan na economía informal, a cal non está regulada pola lei.

A localización dos servizos

• Actividades financeiras e servizos avanzados ás empresas: tenden a concentrarse nas grandes metrópoles e, dentro delas, nos chamados distritos de negocios.
• Administración pública e servizos sociais básicos: son os que están máis dispersos polo territorio, xa que case todos os municipios contan con algunha actividade deste tipo (concellos, escolas, centros médicos...).
• O comercio e os servizos á poboación: necesitan localizarse preto dos seus clientes, polo que se reparten segundo a densidade de poboación e a súa capacidade de consumo.

A expansión do turismo

A expansión desta actividade débese a múltiples factores determinantes:

• O aumento do nivel de vida e do tempo libre.
• As melloras no transporte e nas comunicacións.
• A ampliación da oferta de aloxamentos.
• A accesibilidade xeográfica.
• A seguridade e estabilidade política.
• O valor do patrimonio natural e patrimonio cultural.
• Unha poboación receptiva ao visitante.

Industria española: unha actividade con historia

Durante o século XIX, España comezou unha tímida participación na Revolución Industrial, proceso que se iniciou aquí moito máis tarde ca no Reino Unido. Porén, a mediados do século XX este atraso compensouse en parte grazas a un desenvolvemento industrial moi localizado nas grandes cidades. Nos últimos anos, a mundialización da economía fomentou a competencia doutros países que ofrecen menores custos laborais.

Importancia e orixe do turismo en España

• Recursos naturais e medio físico: España conta cunha grande cantidade e variedade de costas e praias.
• Mellora dos dereitos laborais: nos países desenvolvidos, avances sociais como as vacacións pagadas favoreceron o aumento do tempo libre dispoñible para o lecer.
• Desenvolvemento dun tecido empresarial turístico: a chegada masiva de visitantes puido ser atendida grazas á consolidación dun sector económico moi dinámico.
• Apoio das administracións públicas: realizouse un grande investimento en infraestruturas fundamentais para o desenvolvemento do sector, tales como estradas, aeroportos ou paseos marítimos.