A Vida Cotiá, Relixión e Arte na Antiga Roma: Unha Viaxe pola Civilización Romana

A Sociedade e a Vida Cidadá na Roma Antiga

Como eran as cidades romanas?

A maioría estaban amuralladas, e o seu plano organizábase a partir de dúas rúas principais:

• O Cardo: Dirección Norte-Sur.
• O Decumano: Dirección Leste-Oeste.

No cruzamento destas dúas rúas formábase o Foro (gran praza pública). Alí estaban os edificios máis importantes (o templo, a curia ou Senado, a basílica ou Tribunal de Xustiza) e, ao seu redor, o mercado, tendas e talleres de artesáns.

O Modo de Vida Urbano

Os homes ricos dedicábanse aos seus negocios e os demais homes ían aos seus traballos.

As mulleres adicábanse na súa gran maioría ás tarefas do seu fogar; tamén as había artesás e que tiñan os seus propios negocios.

As tardes eran para o lecer (ir ás termas, ao circo e combates, ao teatro).

Relixión e Cultura Romana

Os Deuses Romanos

Os romanos eran politeístas (crían en varios deuses), e estes eran similares aos deuses gregos.

O Cristianismo no Imperio Romano

Apareceu en Palestina, predicado por Xesús de Nazaret.

Os principios básicos do cristianismo son:

• Monoteísmo (amor ao próximo)
• Vida despois da morte (ceo ou inferno)

Os cristiáns foron perseguidos por non render culto ao emperador; reuníanse en segredo nas catacumbas.

O cristianismo foi declarado relixión oficial do Imperio Romano co Edicto de Tesalónica no 380 d.C.

Cultura Romana: Legado e Desenvolvemento

• Difusión do latín (lingua oficial do Imperio).
• Desenvolvemento do Dereito Romano (leis escritas para regular as relacións entre as persoas e destas co Estado).
• O calendario (cos nomes dos meses e dos días igual que agora).
• Figuras destacadas: médicos (Galeno), filósofos (Séneca), literatos (Virxilio) e historiadores (Xulio César).

A Arte Romana: Arquitectura

Características da Arquitectura Romana

Os romanos nas súas construcións procuraban que fosen prácticas, é dicir, que fosen útiles para a poboación.

• Materiais construtivos: ladrillo, pedra, mármore e bronce.
• Soportes: muros e columnas.
• Cobertas: planas e abovedadas.

A Arte Romana: Escultura, Pintura e Mosaico

A Escultura Romana

• Copiaron modelos gregos. As esculturas estaban feitas en mármore e bronce.
• Introduciron a elaboración de retratos de corpo enteiro, bustos e estatuas ecuestres.
• Decoraban os edificios con relevos (representaban acontecementos da historia de Roma, escenas relixiosas e da vida cotiá).

A Pintura Decorativa e o Mosaico

• As pinturas decoraban as paredes das casas e dos edificios; representaban escenas da vida cotiá.
• Os mosaicos eran pezas de cores que decoraban o chan das casas ricas (debuxos xeométricos, escenas cotiás, animais…).
• As teselas son as pezas pequenas que compoñen os mosaicos.