Polilaborantza

1. Nekazaritzarako, abeltzaintzarako eta basogintzarako espazioak Espainia hezean

Iberiar penintsularen iparraldea eta ipar-mendebaldea hartzen ditu. Bertako ingurune fisikoak erliebe gorabeheratsua du. Urte osoan klima ozeaniko euritsu da nagusi.

A. Nekazaritza-egiturak ezaugarri hauek ditu:

- Biztanleria, tradizioz oso ugaria izan dena, gaur egun urria eta zahartua da. Populatze nagusia sakabanatu tartekatua da.

- Ustiategiak minifundistak dira. Nekazariek lursail txikiak dituzte.

- Lurzoruaren erabilera nagusiak abeltzaintzara bideratzen dira.

B. Nekazaritzak azalera txikia hartzen du.
Lehorreko nekazaritza da, prezipitazioak oso erregularrak direlako.

- Iraganean polilaborantza egiten zen. Barazkiak eta frutak lantzen ziren baratze txikietan, etxeen ondoan, familiak kontsumitzeko eta artoa, patata, fruta-arbolak eta mahatsondoa

- Kalitate txarragoa zuten lurretan garagarra edo oloa lantzen zen, eta familiaren ekonomia osatzeko abereak hazten ziren.

- Gaur egun, nekazaritza baratzeko laborantzetan eta bazka-laborantzetan espezializatu da.

C. Abeltzaintza nekazaritza-jarduerarik garrantzitsuena da.

Galizian familia-ustiategi txikia eta ertaina dira nagusi. Bizkaiko itsasoaren fatxadan, ustiategiak tamainari eta ekipamenduei dagokienez modernizatu dira, baina ustiategi txikietan abeltzaintza ere oso hedatuta dago.

Behi-aziendak dira nagusi. Haragirako behiak txahalak ekoiztera bideratzen dira eta esnerako behiak esnea eta eratorriak ekoiztera.

D.Baso-ustiapena beste jarduera garrantzitsu bat da. Altzariaren industriara edo paper-orea lortzera bideratzen da.