Ospitaleko Isolamendu Protokoloak eta Esku Higienea

Isolamendu neurrien gida eta protokoloak

Aire bidezko isolamendua

• Pazientearen gela: Banakakoa, presio negatiboa, 6-12 aire-aldaketa orduko, HEPA iragazkidun airea kanporatzea.
• Eskularruak: Ez.
• Mantala: Ez.
• Arnas babesa: Partikula-arnasgailua (FFP3) osasun-langileentzat eta pazientearen laguntzaileentzat.
• Eskuen higienea: Disoluzio hidroalkoholikoa, xaboi higienikoa.
• Pazientearen higienea: Xaboi higienikoa.
• Pazientearen leku-aldaketa: Ezinbestekoak direnak bakarrik; gaixoari maskara kirurgikoa jarri eta helmugako zerbitzuari aldez aurretik jakinarazi.
• Hondakinak: Poltsa gorria.
• Ekipo esklusiboa: Ez.
• Bisitak: Bisitak mugatu, FFP3 maskara erabili, eta eskuak gelan garbitu bisita egin aurretik eta amaitzean.

Tanta bidezko isolamendua

• Pazientearen gela: Banakakoa.
• Eskularruak: Ez.
• Mantala: Ez.
• Arnas babesa: Maskara kirurgikoa.
• Eskuen higienea: Disoluzio hidroalkoholikoa, xaboi higienikoa.
• Pazientearen higienea: Xaboi higienikoa.
• Pazientearen leku-aldaketa: Maskara kirurgikoa jarri eta helmugako zerbitzuari aldez aurretik jakinarazi.
• Hondakinak: Poltsa beltza.
• Ekipo esklusiboa: Bai.
• Bisitak: Bisitak mugatu, maskara kirurgikoa erabili, eta eskuak gelan garbitu bisita egin aurretik eta amaitzean.

Kontaktu bidezko isolamendua

• Pazientearen gela: Banakakoa.
• Eskularruak: Bai.
• Mantala: Bai.
• Arnas babesa: Maskara kirurgikoa (arnas infekzioa, larruazaleko lezio zabalak baditu edo pazientearekin kontaktu hurbil eta luzea izango bada).
• Eskuen higienea: Disoluzio hidroalkoholikoa, xaboi higienikoa.
• Pazientearen higienea: Xaboi higienikoa.
• Pazientearen leku-aldaketa: Ezinbestekoak direnak bakarrik; pazienteari mantala jarri eta helmugako zerbitzuari aldez aurretik jakinarazi.
• Hondakinak: Poltsa beltza.
• Ekipo esklusiboa: Bai.
• Bisitak: Bisitak mugatu; eskuetako higienea egin pazientearekin kontaktua izan ondoren eta logelatik irten aurretik; bata eta eskularruak erabili zaintzan parte hartuz gero.

Babes-isolamendua (Babeslea)

• Pazientearen gela: Presio positiboa, 12 aire-berritze orduko eta aire iragaziaren ekarpena (HEPA).
• Eskularruak: Ez (paziente-prozeduretan izan ezik).
• Mantala: Ez.
• Arnas babesa: Maskara kirurgikoa.
• Eskuen higienea: Disoluzio hidroalkoholikoa, xaboi higienikoa.
• Pazientearen higienea: Xaboi higienikoa.
• Pazientearen leku-aldaketa: Ezinbestekoak direnak bakarrik; jarri pazienteari partikula-arnasgailua (FFP3).
• Hondakinak: Poltsa beltza.
• Ekipo esklusiboa: Bai.
• Bisitak: Bisitak mugatu; maskara kirurgikoa erabili eta eskuak garbitu gelara sartu aurretik eta gelatik irten ondoren.

1. Isolamendu-arau orokorrak

1. Gaixoaren gela itxita egon behar da eta isolamendu mota ongi identifikatuta adierazi.
2. Gelan sartu eta irtetzerakoan eskuak garbitu.
3. Isolamendu motaren arabera, gelan sartzerakoan neurri egokiak ezarri (maskara, eskularruak, amantala).
4. Poltsa bikoitzaren teknika erabili isolatutako gelako materiala botatzeko; pazienteari alta eman arte, materiala (fonendoskopioa, termometroa...) gelan geratuko da.
5. Jatorduetarako erabili eta botatzeko materialak erabili (edota berrerabili aurretik desinfektatuko direla ziurtatu).
6. Gaixoaren isolamendu psikologikoa saihestu.
7. Pazienteak izango dituen bisitak kontrolatu; hau da, bisitariek ere beharrezkoak diren arauak betetzen dituztela ziurtatu.
8. Pazientearen gelaren garbiketa oso zorrotza izango da, bai ingresuak dirauen bitartean eta baita alta eman ondoren ere (zenbait ospitaletan birritan garbitzen da).
9. Isolatuta dauden pazienteak gelan bertan egongo dira; ez dira garraiatuko derrigorrezkoa ez bada.

2. Esku-garbiketa motak

Esku-garbiketa higienikoa

• Garbiketaren iraupena: 1 minutu.
• Eskuen eta besoen kokapena: Eskuak ukondotik behera.
• Lehortzea: Paperezko zapiekin.
• Beharrezko elementuak: Xaboi higienikoa.

Esku-garbiketa kirurgikoa

• Garbiketaren iraupena: 5 minutu.
• Eskuen eta besoen kokapena: Eskuak ukondoa baino gorago.
• Lehortzea: Zapi esterilekin.
• Beharrezko elementuak: Xaboi antiseptikoa (pobidona, klorhexidina, belakiak, eskuila).

3. Noiz egin behar da esku-garbiketa higienikoa eta kirurgikoa?

Esku-garbiketa higienikoa (E.G.H.)

• Lanaldia hasi eta bukatzerakoan.
• Bainugelara joan aurretik eta ondoren.
• Zerbait jan aurretik eta ondoren.
• Kutsatutako materiala ukitu ondoren.
• Ospitaleko edozein jarduera burutu aurretik eta ondoren (nahiz eta eskularruak erabili): sendagaiak prestatu eta eman, edozein material manipulatu, sendaketak egin, zundak jarri eta pazienteaz edozein modutan arduratu.
• Edozein arrazoirengatik eskuak zikintzen direnean.

Esku-garbiketa kirurgikoa (E.G.K.)

• Ebakuntza bat egin aurretik.
• Zainketa berezietako gelara sartu aurretik.
• Asepsia handia behar duten egoeretan.

4. Babes-hesiak jartzeko ordena egokia

1. Esku-garbiketa higienikoa.
2. Kaltzak jartzea.
3. Txanoa jartzea.
4. Maskara jartzea.
5. Babes-betaurrekoak eta aurpegi-estalkia jartzea.
6. Esku-garbiketa kirurgikoa.
7. Amantala edo bata jartzea.
8. Eskularru esterilak jartzea.