Orixe e Composición do Universo: Do Big Bang aos Buratos Negros

A orixe do universo: O Big Bang

A mediados do século XX, os científicos obtiveron datos que demostraban que o universo xurdira dunha enorme explosión hai 13.700 millóns de anos. Nese momento, a materia e a enerxía estiveron concentradas nun punto de densidade infinita, o que deu lugar á Gran Explosión (Big Bang), da que resultou o noso universo.

Estrutura e compoñentes do cosmos

O universo é un inmenso baleiro no que hai millóns de corpos. Algúns deles poden verse a simple vista ou coa axuda de telescopios, mentres que outra parte, a materia escura, non podemos observala directamente.

Obxectos estelares fascinantes

• Cuásares: Son centenares de miles de millóns de veces máis brillantes que as estrelas. Posiblemente, son buratos negros que emiten intensa radiación cando capturan estrelas ou gas interestelar.
• Púlsares: Os estudos indican que un púlsar é unha estrela de neutróns pequena que xira a gran velocidade. O máis coñecido está na nebulosa do Cangrexo. A súa densidade é tan grande que, neles, a materia do tamaño dunha bola de bolígrafo ten unha masa de cerca de 100.000 toneladas. Emiten unha gran cantidade de enerxía.

Os buratos negros

Son concentracións de materia de altísima densidade; o seu campo gravitatorio é tan grande que nin sequera a luz pode escapar del. Se non nos envían luz, sabemos que existen pola radiación (sobre todo, raios X) emitida pola materia ao acelerar xusto antes de caer no gran pozo gravitatorio.

O caso de Saxitario A*

Ten unha masa de 3 millóns de soles. O paradoxo é que, cantos máis corpos caian nel, maior será a súa masa e, polo tanto, a súa atracción gravitatoria increméntase. O seu punto de non retorno, ou distancia mínima de seguridade, é de 7,7 millóns de quilómetros.

Composición do universo

• 75% Hidróxeno
• 20% Helio
• 5% Demais elementos

A materia escura

O gas e o po no universo parecen estar suxeitos a atraccións gravitacionais moito maiores ca as causadas pola materia que podemos detectar. Isto significa que hai un novo tipo de materia que non emite radiación: a materia escura, que supón o 90% do total do universo. Unha proba indirecta é a atracción das galaxias debido a unha atracción gravitatoria.

Evidencias da teoría do Big Bang

A teoría baséase en acontecementos físicos como:

• A expansión do universo (Efecto Doppler).
• Cantidades relativas de hidróxeno e helio.
• A existencia da radiación térmica cosmolóxica (radiación cósmica de fondo).