Narrativa Galega do Século XX: Fole, Blanco Amor, Cunqueiro e Neira Vilas

Ánxel Fole: O Mestre da Narrativa Rural

Obras Principais de Ánxel Fole

• A luz do candil: 14 relatos nos que uns fidalgos se xuntan unha noite no pazo dun deles e son sorprendidos por unha nevada. Para pasar o tempo, deciden irse contando contos os uns aos outros.
• Terra brava: Volume de contos ambientados na Galicia rural e montañesa.
• Contos da néboa e Historias que ninguén cre: Destacan por estaren ambientados no medio urbano.

Características da Súa Obra

1. Reflicten a realidade galega, especialmente a dureza do mundo rural da montaña, e plasman todo un sistema de crenzas aínda vivas neses lugares nos anos 50.
2. Utiliza os recursos propios da narración oral e popular para narrar.
3. Naturalismo lingüístico, sen fuxir de dialectalismos e vulgarismos.

Eduardo Blanco Amor: A Narrativa Urbana e Social

A súa amizade con Lorca resultou decisiva para que este escribise os seus Seis poemas galegos.

Obras Narrativas Clave

• A esmorga: Narra unhas 24 horas de desenfreada esmorga de tres amigos de ámbitos marxinados.
• Os biosbardos: Volume de contos de aparencia autobiográfica, narrados en primeira persoa por un narrador infantil e ambientados no Ourense de principios do século XX.
• Xente ao lonxe: Novela longa que encerra varias historias. A de Suso, o neno protagonista e narrador, que vai relatando a súa infancia e evolución no seo dunha familia onde se dan contradicións ideolóxicas.

Álvaro Cunqueiro: Maxia, Humor e Intertextualidade

Narrativa Longa (Obras Enfiadas)

Formada por tres obras ás que non se lles poden chamar propiamente novelas, pois son obras compostas a base de enfiar contos dentro delas:

• Merlín e familia: Polo pazo do señor Merlín pasan xentes que buscan nel axuda para os seus problemas. Merlín escóitaos, actúa cos seus poderes sobrenaturais e soluciónalles os problemas.
• As crónicas do sochantre: Cinco defuntos que viaxan nunha carroza pola Bretaña francesa. A ela sobe un músico para tocar no funeral dun nobre e, para entreter a viaxe, as cinco almas en pena van contando como morreron.
• Se o vello Simbad volvese ás illas: O vello mariño Simbad está xubilado, cego e desvariado. No seu desvarío pretende embarcar e pilotar unha nave que está a punto de partir rumbo a lonxanos mares.

Narrativa Breve

Composta por tres volumes de relatos ou semblanzas humorísticas de personaxes galegos tirados dunha realidade que o propio Cunqueiro vía que esmorecía: o galego popular e rural:

• Escola de menciñeiros
• Xente de aquí e acolá
• Os outros feirantes

Características da Obra Cunqueiriana

1. Mestura constante do real co fantástico.
2. Influencia da narración oral no estilo.
3. Presenza do humor no tratamento das situacións e do lirismo no tratamento dos personaxes.
4. Intertextualidade: referencias a múltiples textos literarios e culturas de todo o mundo.

Xosé Neira Vilas: A Memoria da Aldea e a Emigración

Núcleos Temáticos da Súa Obra

1. Galicia Interior

   • Memorias dun neno labrego: Vida nunha aldea galega de posguerra desde a perspectiva do seu protagonista, o neno Balbino. Nel reflíctense os problemas da pobreza, o atraso e o abuso dos poderosos, características dalgunhas zonas da Galicia rural da época.
   • Outras obras: Cartas a Lelo, Aqueles anos de Moncho, Xente no rodicio.

2. Galicia da Emigración

   • Historias de emigrantes e Relatos mariñeiros: Neles aparecen os problemas de adaptación dos emigrantes galegos nas terras americanas, a nostalxia, e o éxito ou fracaso.