Musikoterapia eta Ongizate Terapeutikoak

Musikoterapia

Musika soinuaz dago eginda. Soinua entzute-sentsazioa sortzen duen edozein bibrazioari deitzen zaio. Soinuen pertzepzioan zenbait agente parte hartzen dute: foku igorlea, transmisio-bidea, belarria eta burmuina (estimulua interpretatzen duena).

Intentsitatea

Onda akustikoen anplitudeen neurria da. Bibrazio-anplitude handiagoak intentsitate edo bolumen handiagoa dakar, soinu leuna eta soinu gogorra bereizten dituena.

Tonalitatea edo Altuera

Musika-instrumentu batek denbora-unitatean igortzen dituen uhin bibrakorren kantitatea da. Behe-soinuetan eta goi-soinuetan banatzen ditu: behe-soinuek gure buruan barneratzen laguntzen digute (soinuak erritmo geldoa badu), goi-soinuek mugimendua eta aktibazioa sortzen dute pertsonan.

Tinbrea edo Kalitatea

Armonikoengatik dator kokatuta; hauek bigarren mailako bibrazioak dira, soinu basikoari laguntzen diotenak.

Iraupena

Soinu edo nota baten iraunkortasuna denboran, bere altuera, intentsitatea eta tinbrea mantenduz.

Musikaren Eragina Organismoan

Fisiologikoki

• Arnasketa, pultsua eta arterien presioa erregulatu, bizkortu edo geldotu.
• Burmuineko uhinak bizkortu edo erregulatzen ditu.
• Giharren tonua handitu edo txikitzen du.
• Gorputz fisikoaren orekan eta malgutasunean du eragina.
• Immunitate-sistema erregulatzen du.

Emozionalki

Ikusi da musikak gogo-aldartean aldaketak sortzen dituela, baita emozioak adierazteko erraztasuna ematen duela ere.

Kognitibo Mailan

Musikak burmuinaren aktibazioa sortzen du maila desberdinetan; memorian du eragina, pasatako esperientziak gogora ekartzen ditu, irudimena, lengoaia eta arreta estimulatzen ditu.

Gizarte Mailan

• Integrazio soziala errazten du.
• Harreman sozialak hobetzen ditu.
• Talde-sentimendua eta denen arteko lotura errazten du.
• Bakoitzaren adierazpena errazten du.
• Besteekin elkarrizketa eta komunikazioa hobetzen du.

Melodia edo Doinua

Melodia soinuen eta isiltasunen arteko konposizio koherentea da. Melodia mota desberdinek eragin desberdina dute pertsonengan, eta kabinan mota bat edo beste aukeratuko dugu egin behar den tratamenduaren arabera:

• Profesionalak bezeroari galdetuko dio zein musika motari buruz duen zaletasuna.
• Profesionalak musika mota desberdinak izan behar ditu.
• Melodia lasaigarriak erabiliko dira.
• Erdiko bolumena edo baxua gomendatzen da.
• Musika instrumentala edo naturaren soinuak erabiltzen dira, letrarik gabe.

Pindak

Zer dira Pindak?

Landarez osatutako zakuei deitzen zaie pindak, eta hauekin egiten da masajea. Tailandia eta Txinatik datorkigu.

Indikazioak

• Estresaren aurkako tratamenduetan.
• Zirkulazioa suspertzeko tratamenduetan.
• Biguntasunaren aurkako tratamenduetan.
• Gantza pilatuta ezabatzeko tratamenduetan.

Kontraindikazioak

• Zauri irekiak.
• Sukarra dagoenean.
• Erredurak.
• Tumoreak.
• Erabilitako olio esentzial eta landareekiko alergia dutenak.

Harri Beroak

Motak

Harri Metamorfikoak

Erreka, baso eta lakuetan dute jatorria.

Basaltozko Harriak

Sumendietatik datozenak, tenperatura hobeto mantentzen dute eta eraginkorragoak dira.

Indikazioak

• Loezina, estresa, antsietatea.
• Arazo zirkulatorioak.
• Azal lehorra, biguntasuna edo kontrakturak.
• Gorputza eta burua orekatzen ditu.
• Tentsio nerbiosoa gutxitzen du.
• Giharren tonua hobetzen du.
• Itzulerako zirkulazioa estimulatzen du.
• Azala oxigenatu eta exfoliatzen du.

Kontraindikazioak

• Orokorrak.
• Tronboflebitisa (beroa aplikatzen denez).

Bibrazio Instrumentuak

Efektu Nagusiak

Giharren erlaxazioa eta odol-zirkulazioa estimulatzea.

Tibeteko Kaikuak

Metal desberdinen aleazioaz osatuta daude: urrea, zilarra, merkurioa, eztainua, beruna, kobrea eta burdina.

Indikazioak

• Zirkulazio-arazoentzako masajeetan.
• Estresaren kontrako masajeetan.
• Obesitatearen aurkako edota likidoen pilaketaren aurkako tratamenduetan.
• Azalaren tonua eta elastikotasuna hobetu nahi dugunean.
• Tonalitatea erdikoa da, eta horrek bezeroa bere buruan barneratzen laguntzen dio.

Kontraindikazioak

• Edozein masajearen kontraindikazio orokorrak.
• Bibrazioei buruz dauden kontraindikazioak (adibidez, entzumen-arazoak).