Modernización da Sociedade Galega no 1° Terzo do S.XX

No 1° terzo do s.XX, xorden unha serie de cambios que provocaran a modernización da sociedade galega.

Agricultura e Industria

-A agricultura inicia un proceso de certa renovación:

• Desaparición da fidalguía (xa empezara a decaer no século XIX) como consecuencia do sistema foral.
• A redención, como produto da capacidade organizativa do campesiñado (agrarismo).

-Importante evolución da industria conserveira e naval.

Fenómenos Migratorios

-Fenómenos migratorios: cara ao exterior e no interior (incremento do nº de habitantes urbanos).

Ideas Nacionalistas

-Consolidación das ideas nacionalistas onde xogará un papel importante:

Irmandades da Fala

- Asociacións culturais creadas en 1916 polos irmáns Vilar Ponte.

-A partir da defensa da lingua desenvolveron un ideario reivindicativo político e nacionalista.

• Autonomía integral para Galicia (lexislativa, xudicial e tributaria).
• Cooficialidade entre galego e castelán no noso país.

-O traballo cultural das Irmandades plamouse na creación de editoriais como Lar, Nós; revistas e xornais como A nosa Terra (voceiro das Irmandades); compañias teatrais como o Conservatorio Nazonal de Arte Dramático; e institucións científicas como o Seminario de Estudos Galegos.

Xeración Nós

-1º definición teórica do nacionalismo.

-Trata de demostrar a existencia de Galicia como pobo diferenciado, creador e conservador dunha cultura propia ó longo da historia.

• Na formación do Partido Galeguista.

Seminario de Estudos Galego

-Institución formada por estudantes e profesores da Universidade de Santiago que formaban parte das Irmandades.

• Estudar e divulgar o patrimonio cultural galego.
• Formar investigadores.
• Utilizar o galego no ámbito científico.

Partido Galeguista

-Nace en 1931, froito da xuntanza de diversos grupos nacionalistas, como intento de sintetizar achegas do grupo Nós e o programa de acción das vellas Irmandades.

-O seu obxectivo fundamental era a consecución da autodeterminación política para Galicia.

-O seu principal labor era a elaboración do Estatuto de Autonomía, cuxo texto foi aprobado en en referendo o 28 de xuño de 1936 e levado ante as cortes republicanas o 15 de xullo.

-Non obstante, 3 días despois a sublevación militar que deu orixe á Guerra Civil impediu a ratificación do mesmo polas Cortes.

-En plena contenda en 1938, o Estatuto tomou estado parlamentario grazas á teima de Castelao, entre outros.

-Agora ben o estatuto xamais chegou a ter efectos prácticos ao estar Galicia en mans das tropas franquistas.