A Modernización da Narrativa Galega: Irmandades da Fala e a Traxectoria de Ramón Cabanillas

Coleccións de Novela Curta na Modernización da Narrativa Galega

As Irmandades da Fala crearon editoras, conformaron un público cada vez máis amplo e fomentaron o cultivo dos xéneros menos desenvolvidos ata entón. Naceron así unha serie de coleccións literarias:

• Terra Nosa: Naceu na Coruña en 1919, vinculada ao xornal El Noroeste/Céltiga. Publicou obras moi significativas, como Saudade.
• Lar: Revista quincenal que foi a máis importante destas coleccións. Naceu en 1924 da man de Leandro Carré e Ánxel Casal. Constitúe o principal antecedente da Editorial Nós.

O Teatro das Irmandades da Fala

As Irmandades consideraron que o teatro era un dos ámbitos onde o galego debía gañar a batalla do prestixio social. Os problemas foron varios: a carencia de compañías teatrais dispostas a representar en galego, a desvalorización da lingua, etc.

A partir de 1916, observouse un notable avance:

• Aumentou o número de obras e autores, e os textos responderon a maiores niveis de esixencia formal.
• Os membros das Irmandades da Fala escribiron obras orixinais e realizaron traducións.
• Fundaron pequenos grupos teatrais.
• Ampliaros os círculos de espectadores.
• Levaron adiante intentos renovadores das postas en escena.
• Algunhas editoras fixeron un esforzo por ofrecer obras de xénero teatral.

Ramón Cabanillas: Figura Central da Literatura Galega

Ramón Cabanillas naceu en Cambados en 1876. En 1910 marchou a Cuba e, cando regresou, participou na creación das Irmandades da Fala. Representou o galego dentro da RAE. Na súa obra incorporou temática relixiosa, o mito artúrico, etc., demostrando un perfecto dominio da lingua.

Etapas da Obra de Cabanillas

Etapa Pregaleguista (1910-1915)

Na emigración en Cuba, publicou os seus primeiros libros: No desterro, Visión galega e Vento Mareiro. Estas obras expresan a nostalxia do desterrado e denuncian os males do foro e a miseria dos labregos.

Etapa Galeguista (1916-1920)

Corresponde á obra Da Terra asoballada e a un bo número de poemas que engrosan a segunda edición de Vento Mareiro. Nesta etapa, Cabanillas chamou aos galegos para que recuperasen o seu orgullo nacional.

Etapa Mítico-Saudosista (1921-1930)

Neste período, levou a cabo unha reconstrución do pasado nacional desde unha perspectiva saudosista. Na Noite estrelecida está composto por tres longos poemas narrativos. Nesta época, escribiu con Antón Villar Ponte a obra teatral O Mariscal e tamén deu a coñecer O bendito San Amaro con ilustracións de Castelao.

Etapa da Posguerra (1939-1959)

Pasou dez anos en silencio e volveu a ter un papel simbólico fundamental na recuperación cultural galega da posguerra. Dúas obras que mostran o seu labor como estudoso da literatura popular son Antífona da cantiga e Versos de alleas terras e tempos idos.