Migrazioak Espainian: XIX. mendetik gaur egun arte

Kanpoko migrazioak

Ozeanoz bestaldeko migrazioak XIX. mendearen erdialdetik I. Mundu Gerrara (1914)

1853tik aurrera, emigrazioari oztopoak kendu zizkioten, eta Amerikako herriek populazioa erakartzeko politikak egin zituzten.

• Sorlekua: Galizia, Asturias eta Kanariak.
• Jomuga: Argentina, Kuba eta Brasil.
• Arrazoiak:
  • Inguru atzeratuak.
  • Biztanle-hazkunde handiko guneak.
  • Nekazaritza-egitura (lurraren jabetzaren banaketa).
  • Kualifikazio gutxiko gizonak.

Bi Mundu Gerren arteko migrazioak

1914-1945 bitartean moteldu egin ziren, ezegonkortasunagatik (bi mundu-gerrak, gerra zibila) eta 1929ko krisiagatik: Hego Amerikako herriek urteko kuotak ezarri zituzten.

Gerra Zibila eta gerraostean:

• Garraiobide gutxi.
• Atzerrira joateko zailtasunak.
• Nazioarteko blokeoa (1949 arte).
• Politika populazionista.

1945-1960 bitarteko migrazioa

Itsasoz bestaldeko joera berreskuratu egin zen.

• Arrazoiak: NBEk 1949an nazioarteko isolamendua bertan behera utzi eta EEBBen jarrera-aldaketa.
• Sorlekua: Galizia eta Kanariak.
• Jomuga: Venezuela (petrolioa), Argentina eta Brasil.
• Profila: Amerikako herriek, ekonomia bultzatu nahian, prestakuntza handiagoko immigranteak behar zituzten. Hori dela eta, joerak behera egin zuen.

Europarako migrazioa (1950-1973)

Espainiari begira, hazkunde demografikoa eman zen. Nekazaritza mekanizatu egin zen eta eskulana soberan zegoen. Egonkortze-planek arrakastarik ez, eta langabezia igo zen. 1964 eta 1968 bitartean, garapen-planak eman eta egoera hobetu zen; horrela, industrializazioa bultzatu zen, beraz, kanpora jende gutxiago irten zen.

Ameriketarako migrazioa moteldu egin zen.

• Sorlekua: Andaluzia, Galizia.
• Profila: Prestakuntza gutxiko gizonak.

Kanpoko migrazioak gaur egun

1975etik aurrera, petrolio-krisia dela eta, oso urria da.

• Urtaroko nekazariak: Andaluzia, Levante eta Galiziakoak.
• Eraikuntzan lan egitera.
• Gero eta gehiago goi-teknikoak industrian eta zerbitzuetan lan egitera; hauek eskulan kualifikatua dira.

Kanpoko migrazioaren ondorioak

Ondorio demografikoak

Biztanleria gutxitzea, landa-eremuetan batez ere.

Ondorio ekonomikoak

• Langabezia leundu egin zen toki batzuetan.
• Emigranteek bidalitako dibisei esker:
  • Espainiako garapen ekonomikoa finantzatu zen.
  • Merkataritzako defizita murriztu zen.

Gizartean izandako ondorioak (atzerrian)

• Arroztea, integrazio-arazoak.
• Bizi-baldintza kaskarrak sufritu behar.
• Prestakuntza hobetu gabe bueltatu.

Atzerriko inmigrazioa

Gaur egungo inmigrazioa

Ezaugarriak egoera legalaren arabera

2012. urtean, populazio atzerritarra 5,7 milioi baino gehiago zen. 2005eko zentsuaren arabera, Espainiako %8,46 atzerritarrak ziren. 2012an, populazioaren %12 atzerritarrak ziren Espainian.

Egoerari erreparatuz gero:

• Nazionalizatuak (urte batzuk herrialdean pasa ostean): Zuzenbide osoko espainiarrak.
• Legezko inmigranteak: Egoitza-baimena, bere nazionalitatea mantendu arren (5,7 milioi).
• Legez kanpoko atzerritarrak: Kalkulatzen da ia 500.000 izan daitezkeela.

Inmigranteak erakartzeko zergatiak

Espainiaren partetik

• 1995etik garapen ekonomikoa dela eta, eskulana behar da.
• Afrikatik hurbiltasuna: Europaren ataria.
• Hegoamerikarekin dauden lotura historiko-kulturalak.
• Klimak Ipar Europako pertsonak erakartzen ditu.

Immigrante atzerritarren partetik

Jatorria

1996. urtea arte, Europarrak ziren gehienak. Ordutik hona:

• Hegoamerikatik (Ekuador, Kolonbia).
• Afrikatik: Maroko.
• Asiatik (Txina, Pakistan).

Jomuga

Hiri-zentro handiak eta zerbitzu askorekiko lekuak:

• Katalunia.
• Madril.
• Andaluzia.
• Valentzia.
• Balearrak eta Kanariak.

Inmigrantearen profila

Europar Batasunekoa (EB)

• Jubilatuak: Erosteko ahalmen handikoak.
• Tituludunak: Kalitatezko lanek erakarrita.

Europaz kanpokoa

• Arrazoi ekonomikoak.
• Arrazoi politikoak.
• Gehienbat: prestakuntza gutxikoak, lana egiten dute nekazaritzan, zerbitzuetan, meagintzan, arrantzan eta eraikuntzan.

Inmigrazioaren ondorioak

Ondorio demografikoak

Espainiako populazioaren gaztetzea; izan ere, gehienak gazteak dira, lan egiteko adinean. Gazte horiek umeak izango dituzte, beraz, gerora begira ere gaztetzeak jarraituko du, hauen jaiotze-tasak ez direlako, gainera, baxuak.

Ondorio ekonomikoak

• Eskulana: lan gogorrak egiten dituzte immigranteek, besteek nahi ez dituztenak askotan.
• Eskulan merkea: BPGren hazkundera laguntzen du, Segurantza Sozialean kotizatzean diru-sarrera da sistema publikorako, hots, pentsioetarako.
• Etorkinek pentsioen ordainketan parte hartzen dute.
• Etxeko zerbitzuan ere dihardute, emakume espainiarren etxetik kanpoko lana ahalbideratuz.
• Produktibitate baxua eta teknologia-garapena moteltzea leporatzen zaie.

Ondorio kulturalak

• Kultura-aniztasuna.
• Aberasteko aukera: ohitura, hizkuntza, erlijio, bizimodu desberdinak nahastean.

Ondorio sozialak

• Arrazismoa eta xenofobia: Bertakoen beldurra euren lanpostuak ea galduko dituzten.
• Soldata baxuen errua etorkinei botatzea, eurek lan asko soldata baxuengatik egiten baitute (lan-esplotazioa).
• Erlazio faltsuaren sorrera: inmigrazioa/delinkuentzia.
• Inmigranteek dituzten arazoak:
  • Lan-baldintza oso gogorrak.
  • Auzo marjinalak (etxebizitza-arazoa).
• Inmigranteen trafikoa.
• Prostituzioa.
• Drogen trafikoa.

Inmigrazio-politika espainiarra

Lege-markoa: Europar Batasuneko "babesa" eta Inmigrazio Legea eta "Ley de Extranjeria".

Inmigrazioarekiko EBko politika (1999):

• Amankomuneko babesa, bisatua eta inmigrazio klandestinoaren kontra herrikideen arteko elkarlana eta informazio-trukea.
• Lanerako baldintzak.
• Herriratze-prozesua.

"Ley de Extranjeria":

• Herrian sartzea, egonaldi mota.
• Egonaldi: Espainian atzerritar baten egonaldia, 90 egun gehienez.
• Bizileku-baimena: 5 urte baino gutxiagokoa, behin betikoa izan daiteke.
• Eskubide eta betebeharrak.
• Lan egiteko baldintzak eta herritartze-prozesua.