Materialen Ezaugarriak eta Eraikuntza Prozesuak
Enviado por Chuletator online y clasificado en Tecnología Industrial
Escrito el en 
vasco con un tamaño de 2,57 KB
Materialen Ezaugarriak eta Erabilerak
Poliuretano-aparra
Poliuretano-aparraren erabilerak: Beroaren nahiz zaraten isolatzaile eta betegarri gisa erabiltzen da, bai eta iragazgaitzeko ere.
Artelazkia
Artelazkiaren ezaugarriak eta erabilerak: Hezetasunarekiko erresistentzia izateaz gain, beroaren eroale txarra da. Barnealdean gelaxkak edo hutsuneak dituenez, zaraten isolatzaile ona da. Merkatuan hainbat formatan aurki daiteke; esate baterako, pikor, plaka edo biribilki gisa. Zoruak eta hormak estaltzeko erabiltzen da.
Pintaketa Teknikak
Pintaketa teknikak: Base batean disolbatutako pigmentuetatik abiatuta egiten dira. Hainbat formatako, lodieratako eta neurritako brotxekin eman daitezke, bai eta arrabolak eta pistolak erabiliz ere.
Zeramika
Zeramika lortzeko prozesua: Buztina beste material batzuekin nahastuta lortzen dira zeramikazko materialak; esaterako, harearekin eta metal-oxidoekin nahastuta. Nahasketa xehatu egiten da, eta ura nahasten zaio. Ondoren, moldeatu egiten da, nahi den forma emateko. Bukatzeko, lehortu eta labean sartzen da egos dadin.
Granitoa
Granitoaren ezaugarriak eta erabilerak: Hezetasunarekiko erresistentea da, eta talkekiko erresistentzia handia du. Gainera, marradurei ondo eusten die, eta garbitzeko erraza da. Sukaldeko gainekoetan, zoruetan eta fatxadetan erabiltzen da.
Eraikuntza Prozesuak
Egitura Eraikitzea
Egitura eraikitzeko prozesua: Eraikinaren arabera, egitura zutabeen edo hormen gainean eutsiko da. Zutabeak altzairuzkoak edo hormigoi armatuzkoak izan daitezke. Zutabeen eta hormen gainean habeak eta forjatuak kokatzen dira. Forjatuak egitean, kontuan hartu behar dira eskailerak eta igogailua pasatzeko zuloak.
Zimenduak
Zimenduak zergatik egiten dira: Zimenduek eraikinari eusten diote. Hormigoiz egin ohi dira.
Igeltsua
Igeltsuaren erabilerak: Igeltsua erabiltzen da, esate baterako, eraikinetako barne-banaketako adreiluak lotzeko eta tabikeak egiteko, eta tabikeen gainazalak estaltzeko. Elementu aurrefabrikatuak egiteko ere erabiltzen da igeltsua; besteak beste, plakak, panelak eta moldurak.
Beira Bikoitza
Beira bikoitza leihoetan zergatik jartzen da: Kolpeekiko erresistentzia, beroarekiko eta zaratekiko isolamendua duelako.
Hormigoi Armatua
Hormigoi armatua nola egiten da: Altzairuzko barrez indartzen dira hormigoizko zutabeak eta habeak.