Maialen Etxebarriaren Herritarren Kexak eta Proposamenak

Udalaren aisialdirako eskaintzari buruzko iritzia

Bilbon, 2025eko apirilaren 22an,

Ni, Maialen Etxebarria, herriko bizilaguna nauzu, eta parte-hartze aktiboa izan dudana herriko ekintzetan azken urteotan. Betidanik interesa piztu didate udalak eskaintzen dituen aisialdiko ekintzek, aukera paregabeak direlako esperientzia berriak bizitzeko eta jende berria ezagutzeko. Urtero eskaintza gogoz begiratzen dut, eta ahal dudan guztietan izena ematen dut gustuko dudan zerbait topatzen dudanean. Aurten, adibidez, bi jardueratan parte hartu dut: argazkilaritza ikastaro batean eta sukaldaritza tailer batean. Biak oso aberasgarriak eta motibatzaileak izan dira niretzat, eta, horregatik, zuen proposamen berrien inguruko iritzia ematea gustura hartu dut.

Antolaketa eta esperientzia orokorra

Lehenik eta behin, eskaintzaren antolaketa oso ona iruditu zait. Jarduerak garaiz hasi eta bukatu dira, irakasleek profesionaltasun handia erakutsi dute, eta parte-hartzaileok giro atsegin eta errespetutsuan aritu gara. Material guztiak eskuragarri izan ditugu eta espazioak ere egokiak izan dira.

Argazkilaritza ikastaroaren balorazioa

Bigarrenik, eskaintzatik gehien gustatu zaidana argazkilaritza ikastaroa izan da. Teknikak praktikan jartzeko aukera izan genuen hirian barrena ibilaldiak eginez, eta horrek asko lagundu dit ikasteko prozesuan motibatuta egoten. Irakasleak jarrera irekia eta gertukoa izan zuen, eta horrek taldearen dinamika oso positiboa bihurtu zuen.

Etorkizuneko proposamenak

Amaitzeko, datorren urterako proposatuko nuke naturarekin eta osasunarekin lotutako jarduera gehiago gehitzea, hala nola:

• Mendi-ibilaldi gidatuak
• Yoga parkean
• Elikadura osasuntsuari buruzko tailerrak

Jarduera hauek interesgarriak izateaz gain, ongizate fisiko eta mentalerako onuragarriak izan daitezke, eta herritarren artean bizitza osasungarriaren aldeko kontzientzia sustatu.

Eskerrik asko zuen lana eta arretagatik. Espero dut nire iritzia baliagarria izatea datorren urteko eskaintza prestatzerakoan.

Maialen Etxebarria

Udal Kiroldegiaren egoerari buruzko kexa

Bilbon, 2025eko maiatzaren 8an

Jaun/Andre hori:

Ni, Maialen Etxebarria, udal polikiroldegiko erabiltzailea nauzu, eta zuri bideratzen natzaizu, azken aldian izan ditudan arazoen inguruko kexa azaldu nahian. Izan ere, azken hilabeteetan polikiroldegiko instalazioen erabilera zaildu egin da nabarmen.

Mantentze-lan eskasa eta segurtasun arriskuak

Lehenik eta behin, polikiroldegiko mantentze-lana oso eskasa da. Instalazio batzuk ez dute funtzionatzen eta konponketak ez dira garaiz egiten. Hori dela eta, erabiltzaile askok ezin dituzte zerbitzuak normaltasunez erabili. Adibidez, gimnasioa erabiltzen dudanean makina asko ez dabiltza ondo edo erabat apurtuta daude. Hori ez da arazo estetiko hutsa, segurtasunerako arriskutsua izan baitaiteke.

Baliabide zaharkituak eta istripuak

Bestalde, baliabideak zaharkituta daude. Bai gimnasioan, bai igerilekuan erabiltzen den ekipamendua aspaldikoa da eta ez da egokitu gaur egungo beharretara. Aldagelak zahar daude, dutxetako ura askotan hotza ateratzen da eta zoruak irristakorrak dira. Hori dela eta, duela gutxi, igerilekuaren inguruan istripu bat gertatu zen: erabiltzaile bat erori egin zen, lurra bustita eta seinalerik gabe zegoelako.

Horrelako gertaerek agerian uzten dute instalazioen egoera larriari lehenbailehen aurre egin behar zaiola. Osasuna eta ongizatea sustatu nahi badira, ezinbestekoa da espazio horiek baldintza egokietan egotea. Egungo egoera ez da herritarrek merezi dutena.

Horregatik, eskaera egiten dizuet berrikuspen tekniko sakon bat egin dezazuen, mantentze-lanak planifikatu eta baliabide berriak erosteko inbertsioa azter dezazuen. Horrez gain, gomendagarria litzateke erabiltzaileekin elkarrizketa irekiak egitea, haien beharrak zuzenean jasotzeko.

Besterik gabe, espero dut konponbide bat aurkitzea.

Maialen Etxebarria

Gazteen osasun mentalaren inguruko kezka

Bilbon, 2025eko maiatzaren 8an

Zuzendari hori:

Ni, Maialen Etxebarria, zuri bideratzen natzaizu nire semearen egoerak eragindako kezkagatik. Azken hilabeteetan, gero eta gehiago nabaritu dut aldaketa emozionalak dituela: triste dago, ez du lagunekin hitz egin nahi eta bere ikasketetan ere beherakada nabarmena eduki du. Psikologo batekin kontsultatu ondoren, depresioa eta antsietate sintomak dituela esan digute.

Osasun mentalaren garrantzia nerabeengan

Lehenik eta behin, uste dut osasun mentala zaintzea ezinbestekoa dela, batez ere, nerabeen artean. Gure seme-alabek espazio seguruak behar dituzte beren sentimenduak adierazteko, eta horretarako ikastola funtsezko gunea izan daiteke. Gurasook beldurra eta ziurgabetasuna sentitzen dugu, eta gure kezkak partekatzeko aukera izatea lagungarria izango litzateke.

Eskolan proposatutako ekintzak

Horrez gain, eskolan hainbat ekintza proposatuko nituzke, adibidez:

• Tailerrak
• Orientazio-saioak
• Laguntza psikologikoa eskaintzea

Ekintza horiek ikasleen ongizatea sustatzeko baliagarriak izan daitezke, eta haien arteko enpatia eta ulermena sendatzeko ere bai. Halaber, irakasleek eta tutoreek formakuntza jasotzea garrantzitsua iruditzen zait, ikasleen seinaleak garaiz antzemateko eta behar duten laguntza egokiena eskaintzeko prest egon daitezen.

Prebentzioa eta eguneroko arreta

Amaitzeko, eskolak rol aktiboagoa izan beharko luke ikasleen ongizate emozionala sustatzeko. Ez da nahikoa arazoak agertzen direnean erreakzionatzea; prebentzioa eta eguneroko arreta dira gakoak. Horretarako, funtsezkoa litzateke ikasleen arteko elkarrizketa eta enpatia lantzen dituzten jarduerak bultzatzea, giro osasungarri eta irekia sortzeko.

Eskertuko nuke zuen aldetik neurriak hartzea eta egoera honi aurre egiteko lankidetza sustatzea.

Maialen Etxebarria

Ikasle zaratatsuen arazoa alokairuko etxebizitzetan

Bilbon, 2025eko maiatzaren 2an.

Alkate hori:

Ni, Maialen Etxebarria, gutun hau idaztea erabaki dut gure eraikinean azken urteetan bizi dugun egoera onartezina dela eta. Gure komunitatean hainbat etxebizitza alokairuan ematen dira ikasleei, eta, zoritxarrez, ikasle horietako batzuek ez dituzte oinarrizko bizikidetza arauak errespetatzen.

Ikasleen jokabide desegokiaren eragina

Lehenik eta behin, azken urteetan, gure eraikinean gero eta gehiago dira ikasleei alokatzen zaizkien etxebizitzak. Hori bera ez litzateke arazoa izan behar, baina, zoritxarrez, ikasle horietako askoren jokabidea desegokia da eta gure eguneroko bizitzan eragin kaltegarria izaten ari da. Ohikoa bihurtu da:

• Gauetan zarata handia izatea
• Festak goizaldera arte luzatzea
• Eskaileretan oihuak entzutea
• Batzuetan edukiontzietan eta patioan zaborra pilatuta uztea

Bizilagunen ongizatean eragina

Bigarrenik, eraikin honetan familia ugari bizi gara: haur txikiak dituzten gurasoak, adineko pertsonak eta lanera goiz jaiki behar dugun langileak. Gure bizimodua lasaitasunean oinarritzen da, baina gauero festa, zarata eta jarrera desegokien ondorioz, atseden hartzea ezinezkoa bihurtu zaigu. Salaketa ugari egin ditugu jabeengana, baina egoerak ez du hobera egin. Horregatik, udaletxera idaztea erabaki dugu, arazo honi irtenbide bat emateko neurriak har ditzazuen eskatzeko.

Udalari egindako eskaerak

Hirugarrenik, eskaera hau egiten dugu komunitatearen ongizatea bermatzeko. Horretarako, mugak jarri beharko lirateke alokairuko etxebizitzen erabilerari dagokionez, adibidez:

• Gehieneko zarata maila gaueko ordutegian ezartzea
• Ikasle talde handientzako kontrol zorrotzagoak ezartzea

Ondorioa

Amaitzeko, eskertuko genizueke gure egoera kontuan hartzea eta ahalik eta lasterren neurriak hartzea, gure bizilagunen lasaitasuna eta bizikidetza bermatzeko.

Maialen Etxebarria