Léxico Galego e Análise da Obra de Celso Emilio Ferreiro

Léxico Galego Tradicional e Folclórico

A continuación, preséntanse algúns termos do léxico galego tradicional e folclórico, xunto coa súa definición:

• Romaxe: Festa popular arredor dunha ermida ou santuario.
• Estadea: Procesión de almas en pena que percorre de noite os camiños para recoller a alma das persoas que morren ou para anunciarlles a súa morte.
• Advocación: Denominación das correspondentes imaxes dos santuarios e días nos que se veneran.
• Mortallas: Vestidura branca que certos penitentes levan en cumprimento dun voto.
• Meigallo: Acto realizado por unha meiga ou calquera outro ser con poderes supostamente sobrenaturais que ten efectos malignos sobre unha persoa ou cousa.
• Tangaraño: Raquitismo que sofren algúns nas pernas, supostamente causado por un diaño ou trasno maligno.

Conectores e Expresións en Galego

Os conectores son elementos lingüísticos que serven para unir ideas e establecer relacións entre elas. Aquí tes unha clasificación:

Conectores de Espazo

• enfronte
• diante
• detrás
• arriba
• abaixo
• ao fondo
• á dereita
• no centro
• á esquerda
• por arriba

Conectores de Tempo

Relacións de Anterioridade

• antes (de/de que)
• pouco antes
• moito antes
• anteriormente
• con anterioridade

Relacións de Simultaneidade

• agora
• actualmente
• mentres
• mentres que
• durante
• mentres tanto
• asemade
• naquel momento
• de súpeto...

Relacións de Posterioridade

• despois
• enseguida
• máis tarde
• máis adiante
• a continuación
• deseguido
• así que...

Conectores de Reiteración

• sempre que
• cada vez que

Outras Expresións Temporais

• ás veces
• á mañá
• polo serán
• á véspera
• de noite

Análise da Obra de Celso Emilio Ferreiro

A Concepción Poética de Celso Emilio Ferreiro

Celso Emilio Ferreiro avogaba por unha poesía cívica, comprometida e de denuncia dos males sociais e das inxustizas que tiña que padecer o pobo galego. A liña social é, polo tanto, a dirección fundamental da literatura deste autor. Para Celso Emilio, a misión da súa obra poética era a de expresar a época que lle tocou vivir e as relacións do ser humano coas circunstancias históricas e sociais. A poética de Celso Emilio está totalmente centrada no seu compromiso social. A importancia que se lle concede á estética é mínima, polo que nas súas composicións predomina o verso libre e a métrica variada como instrumentos para expresar e divulgar as súas ideas e pensamentos.

Impacto da Emigración na Obra de Celso Emilio

Tras ser obrigado a combater no bando franquista, ser privado da súa liberdade e exercer de militar como soldado, Celso Emilio decidiu emigrar a Venezuela e pasar así a engrosar os listados de galegos emigrados. Chegado a Caracas, Celso Emilio Ferreiro atopouse cun sector de galegos desideoloxizados e desglosados que unicamente buscaban o seu enriquecemento persoal. Celso Emilio agardaba atopar unha comunidade de galegos fortemente vencellada, cunha densa actividade cultural e, sobre todo, con ideas políticas comprometidas. Cando chegou a Caracas, a decepción non puido ser maior. Froito desta mala experiencia xorde Viaxe ao País dos Ananos, obra na que se satiriza a situación vivida na emigración. A decepcionante experiencia vivida en Caracas marca o resto dos seus traballos, tinguidos dunha maior intención satírica. Proba diso son as Cantigas de Escarnio e Maldicir, que relatan desde unha perspectiva crítica e con afán de denuncia a situación vivida na emigración do poeta.

A Repercusión da Poesía de Celso Emilio

Nunha época de censura, medo, terror, fame e morte, Celso Emilio elixiuse como unha das primeiras persoas en denunciar a situación política e social dunha España en decadencia. A súa obra mestra Longa Noite de Pedra abriu os ollos a numerosos mozos con ansias de liberdade e de cambio que andaban á procura dunha nova situación para o pobo. A universalidade da súa poesía vai máis alá do momento concreto que se vivía en Galicia tras o 36, xa que recolle e é aplicable a todas aquelas situacións de inxustiza no mundo.

Características da Poesía de Celso Emilio

• É unha poesía social e cívica.
• Concédeselle pouca ou nula importancia aos aspectos estéticos e formais.
• Emprego de grandes doses de crítica, sátira e sarcasmo.
• Tres liñas temáticas básicas: social, intimista e irónica.
• Emprego dunha linguaxe coloquial (chea de vulgarismos e castelanismos, valéndose dun estilo directo e claro).
• Métrica variada con predominio do verso libre.