Laser Terapia Estetikan: Mota, Eragin eta Aplikazioak

Laserren eta Ehunen Arteko Interakzioa

Erradiazio elektromagnetikoen barneratze-gaitasuna uhin-luzeraren mende dago nagusiki. Laserrak xurgatzeko gaitasuna, berriz, ehunen ezaugarrien mende dago: dentsitatearen, osaera kimikoaren eta kolorearen mende. Edozein objektuk duen kolorea objektu horretan argiak erasotzen duenean islatzen dituen erradiazio elektromagnetikoen mendekoa da. Hala, objektu gorri bat gorri ikusten dugu, argiak erasotzen dionean uhin gorriak islatzen dituelako eta beste uhin guztiak xurgatzen dituelako. Laserra argi-izpi bat da, eta, argi-izpia denez, deskribatu dugun fenomeno hori betetzen du. Larruazala aberatsa da pigmentuetan eta kromoforoetan, eta kromoforo bakoitzak xurgatze-banda berezi bat du zenbait uhin-luzeratarako. Larruazalak hainbat xurgatze-espektrotako pigmentu edo kromoforoak ditu. Laser jakin batean xurgatze-maila bere kromoforo espezifikoan dagoen kontzentrazioaren araberakoa da, neurri handi batean.

Laserraren Eraginak Organismoan

Maila terapeutikoan, laserraren potentziaren mende daude, batez ere. "Soft" laserrek edo potentzia baxuko laserrek ez dute tenperatura-igoerarik eragiten, eta haien energia-xurgatzeak bioestimulazio-eragina du zeluletan. "Power" laserrek edo potentzia handiko laserrek, aldiz, ehunetan sortzen duten beroari zor dizkiote dituzten eraginak.

Soft Laserren Eragin Nagusiak

Ehunek laser-argia xurgatzen dutenean, lehen aldaketa edo ondorio batzuk agertzen dira, eta aldaketa horiek dira albo-ondorio edo eragin terapeutikoen erantzule.

Albo Ondorioak eta Eragin Terapeutikoak

• Mikrozirkulazioa estimulatzen da.
• Ehun-trofismoa estimulatzen da.
• Eragin analgesikoa du.
• Hanturen eta edemen aurkako eragina du.

Power Laserren Eragin Nagusiak

Potentzia handiko laserraren funtsezko eragina termikoa da: ehunen beroketa, desnaturalizaziotik eta koagulaziotik hasi, koagulazio-nekrosiarekin jarraitu eta ehun-egituren baporizazio eta suntsitzeraino.

Fototermolisi Selektiboa

Teoria horretatik funtsezko bi printzipio eratortzen dira: helburu den egituran dagoen kromoforoak gehien xurgatuko duen uhin-luzera eta inguruko egituretan dauden beste kromoforoek gutxien xurgatuko duten uhin-luzera erabili behar da lesio bakoitzean. Laserrak eragiten duen beroa tratamenduaren helburu den egituran kokatzeari dagokio. Erlaxazio termikorako denbora kontzeptua aipatu behar da hemen: ehun batek ematen duen denbora tenperatura %50 jaisteko.

Soft Laserraren Erabilera Estetikan

• Larruazalaren zahartzea eta zimurrak
• Aknea
• Depilazio elektrikoaren ondoren
• Zelulitisa
• Biguntasuna
• Ildaskak
• Trauma eta kirurgia ondoko orbainak
• Alopezia

Power Laserraren Erabilera Estetikan

• Garatxoak
• Neboak
• Telangiektasiak
• Angiomak
• Kuperosia
• Lesio pigmentatuak tratatzeko
• Tatuaiak kentzeko
• Depilazioa

Soft Laser Terapiaren Kontraindikazioak

1. Paziente neoplastikoetan, minbizi-prozesuetan erabiltzea kontraindikatuta dago.
2. Bakterio-prozesu akutuetan.
3. Gainazalean dauden guruin endokrinoetan.
4. Fotosentikortasuna eragiten duen botikaren bat hartzen ari diren pertsonekin arretaz erabili behar da laserra.
5. Haurdun dauden emakumeekin.
6. Taupada-markagailua duten pertsonak, epileptikoak direnak, distiroidismoa dutenak edo edozein bihotz-arritmia dutenak.
7. Mastopatia fibrokistikoa gaiztotu eta minbizi-prozesu bilaka daiteke laserraren eraginpean (bularreko minbizia).