Larruazalaren Tratamenduak: Deshidratazioa eta Larruazal Koipetsua

Deshidratazio Sakonaren Tratamendua

Larruazalaren Beharrak:

• Sakoneko hidratazioa
• Babesa
• Larruazala zahartzeari aurrea hartzeko edo larruazala zahartu izanari aurre egiteko tratamendua

Larruazala Prestatzea

• Larruazal lehorrak garbitzeko esneaz garbitu behar da, gai emoliente eta hidratatzaileez. Ez da kosmetiko detergenterik erabili behar.
• Tonikoek eta lainoztatu egiten diren produktuek usain landareen ur destilatuaz egindakoak izan behar dute.
• Esfoliazioak ere suabea izan behar du, peeling entzimatikoa, ezkatatu egiten ari diren zelula korneoak kentzeko. Kontzentrazio txikiko alfahidroxiazidoak ere erabil daitezke, hidratatzaileak baitira.

Tratamenduaren Muina

• Azaleko deshidratazioa tratatzeko kosmetikoez gain, AHA bidezko tratamenduak ere egin behar dira, maizago eta kontzentrazio handiagoak.
• Erabiltzen ditugun produktuak kolagenoetan, elastinatan, olio dermofilotan, E eta F bitaminan aberatsak izan behar dute.
• Hidratatzaileak eta erregeneratzaileak izan behar dute guztiek.
• Anpulu ionizagarriak eta kremak erabiltzen dira gehien.
• Teknikei dagokienez, diatermia kapazitiboak eta ionizazioak osagai aktiboak errazago sartzea eragiten dute eta maiztasun handiko zeharkako masajea egin daiteke, estimulatzailea dela eta.
• Galbanizazioa hidratatzailea da eta gainera, eragin trofikoa ere du eta suspergarria ere bada.
• Masajea oso egokia da deshidratazio sakona ere tratatzeko.

Tratamendua Amaitzea

• Maskararik egokienak kolagenozkoak dira edo hersketa teknikekin batera erabiltzen diren maskara hidratatzaileak.

Profesionalen Aholkularitza

• Azaleko deshidratazioa tratatzeko gomendioez gain, ura eta edari isotonikoak hartzeko ere gomendatu behar da eta dieta orekatua egiteko (fruta, berdura, zumo asko).

Larruazal Koipetsurako Protokoloa

Larruazalaren Beharrak:

• Gehiegizko gantza kentzea
• Hiperkeratosia murriztea
• Sebo fluxua erregulatzea
• Germenen kutsadurari aurre hartzea

Larruazalaren Prestaketa

• Higieneak astringentea izan behar du neurri batean, narritadurak eta errebote efekturik eragin ez dezan.
• Larruazal koipetsuetarako esne garbigarriak erabiliko ditugu (hamameli estraktua).
• Esfoliazioa ezinbestekoa da, larruazal mota horretan hiperkeratosia agertzen baita. Brossagea erabil daiteke (aknea edo narritadura orokorra duen eremuetan eskuila pasa gabe).
• Esfoliatazaileak fisikoak edo kimikoak izan daitezke.
• Lainoztatzeko: hamamelia, kamamila edota esentzia olio antiseptikoak, larruazalak aknea izateko joera duenean: eukaliptoa, te arbola, erromeroa, limoia.
• Oso garrantzitsua aknearen konplikazioak sahiesteko: asepsia.

Tratamenduaren Muina

• Larruazal horiek ez dute bestelako larruazal premiarik izaten. Horregatik, ez da beharrezkoa teknika elektroestetikoak erabiltzea.
• Sebo jariaketa erregulatzeko kosmetikoak erabiliko dira: tioxolona, zisteina, karboximetilzisteina, estraktuak.
• Manipulazioak ez dira oso estimulatzaileak izango. Egokienak masaje arina.
• Hiperkeratosia murrizteko tratamendua egin daiteke.

Tratamenduaren Amaitzea

• Buztinezko edo kaolinezko maskara astringente samarrak, substantzia aktiboekin (sufrederibatuak) edo estraktuekin: santiago belarra, hamamelia.
• Lainoztatzeko: hamamelia eta kamamila.
• Toniko eta substantzia antiseptikoak: estraktuak (limoia, milorria, menda, ahabia).
• Babes krema, eguzki iragazkiarekin.

Aholkularitza Profesionala

• Eguneroko higienea.
• Substantzia garbigarriegiak eta koipegabetzaileegiak saihestu egin behar dira.