Konkurtsoa: Eskaera, Deklarazioa eta Administrazioa

Kaudimen-gabezia ez da soilik egoera ekonomiko batean oinarritzen, baizik eta legeak aurreikusten dituen kaudimen-gabezia presuntzio batzuetan:

• Zordunaren kontrako enbargua exekutatzea eta zorra ordaintzeko ondasun nahikorik ez izatea.
• Zordunak oro har obligazioak ordaintzeari uzten dionean.
• Zordunak bere ondasunen altxamendua edo likidazio ruinosoa egitea.
• Oro har, zenbait obligazio mota betetzeari utzi izanak (adibidez: zergak, Gizarte Segurantza kuotak, langileen soldatak eta ordainsariak) konkurtso izaera aurreko 3 hilabetetan.

Konkurtso Eskaera

Deklarazio judizialik gabe eta, gainera, epaileak ez du konkurtsoa ofizioz deklaratzen; legitimatuta dagoen .... Konkurtso bat hasteko, bi modu daude:

Borondatezko Konkurtsoa

Zordunak eskatzen duen konkurtsoa da. Gainera, zordunak konkurtsoa eskatzeko obligazioa du. Horretarako, 2 hilabete ditu bere kaudimen-gabezia egoera ezagutu zuenetik edo ezagutu behar zuenetik. Obligazio hau betetzen ez badu, ondorio zorrotzak ezartzen dizkio legeak:

• Aurretik ezin izango du hitzarmenerako proposamenik aurkeztu.
• Konkurtsoa errudun bezala kalifikatuko da, eta sozietate anonimo eta erantzukizun mugatuko administratzaileek sozietatearen zorren gaineko erantzukizun solidarioa izango dute.

Derrigorrezko Konkurtsoa

Hartzekodun batek eskatzen duen konkurtsoa da. Hartzekodun egoera frogatu beharko du, eta baita ere bere eskaera oinarritzen den kaudimen-gabeziaren presuntzioa adierazi.

Konkurtso Deklarazioa

Konkurtso zuzenbidea neurri handi batean zuzenbide prozesala da. Epailea merkataritzakoa izango da, hain zuzen ere, zordunak bere interes nagusiak dituen lurraldeari dagokiona. Konkurtso deklarazioa auto baten bidez egiten da. Auto honek, hartzekodunen deklarazioaz gain, beste datu batzuk barneratu behar ditu: besteak beste, konkurtsoa borondatezkoa edo derrigorrezkoa den; konkurtsoko administratzaileen izendapena; zordunaren gaineko efektuak, hau da, bere ondasunak kudeatzeko gaitasuna murrizten den ala ez. Hartzekodunek deialdian beren kredituen existentzia administratzaileei jakinarazi diezaiekete, konkurtsoaren deklarazioari emandako publizitatearen bidez. Auto hau erregistro publiko batean inskribatuko da, hain zuzen ere, “resoluciones concursales” izeneko erregistro publikoan. BOEan ere argitaratuko da. Gainera, enpresa baldin bada, merkataritza-erregistroan inskribatu beharko da.

Konkurtsoaren Administrazioa

Zordunak bere ondasunak kudeatzeko ahalmena mugatua izango du. Egintza hauek burutzeko, epaileak konkurtsoaren administrazioa izendatzen du. Haien funtzioen artean, ondorengoak daude:

• Zorduna ordezkatzea.
• Masa aktiboaren inbentarioa eta txostena egitea.
• Hartzekodunen zerrenda egitea.
• Hartzekodunen kreditua aztertu eta hauek zerrendan sartu edo ez erabaki.
• Likidazio-plana aztertu…

Funtzio horien artean, azpimarratu behar da administratzaileek egin behar duten txostena, prozeduraren 1. zatia amaitu eta 2. zatia hasi ahal izateko.

Prozesua

• Masa aktiboa eta pasiboa zehaztu.
• Hitzarmena edo likidazioa exekutatzea.

Orokorrean, administrazio konkurtsala pertsona batek osatzen du (abokatua edo ekonomista dena). Epaileak izendatzen du konkurtsoa deklaratzen duen autoan. Hala ere, konkurtsoa konplexua denean, 3 administratzailek osatu dezakete.

Administratzaileak epailearen kontrolpean daude. Gainera, haien lana ordaindu egiten da, konkurtsoaren bolumen ekonomikoaren eta konplexutasunaren arabera. Epaileak zehaztuko du ordainsariaren kopurua, erregelamenduz araututa dauden irizpide batzuen arabera. Ordainketa hau masa aktiboaren kontrako kreditu bat da, eta ondorioz, beste hartzekodunen aurretik ordainduko zaie administratzaileei.