Komunitate-garapena: Faseak, erronkak eta hezitzailearen rola

Sarrera: Komunitate-garapenaren ikuspegia

Proiektu honen helburua azalduko da. Kasu honen analisia egiteko, komunitate-garapenaren ikuspegia erabiliko dut. Horretarako, komunitate-garapenaren faseei erreparatuko diet: analisia, diagnostikoa, diseinua, esku-hartzea eta ebaluazioa. Analisi honen bidez, proiektuaren garapenean izandako gabeziak eta indarguneak identifikatuko ditut, eta, bide batez, hobekuntza-proposamenak egingo ditut.

Proiektuaren garapen-faseak

1. Analisi-fasea

Fase honetan, komunitatearen errealitatea ulertzen da: arazoa, testuingurua, aktoreak, tentsioak eta beharrak.

• Egon daitezkeen arazoak: Gardentasun falta, informazio-iturri bakarrean oinarritzea eta komunitatea kontuan ez hartzea.
• Irtenbide posibleak: Metodologia mistoak, kale-bisitak, elkarrizketak, bilera irekiak eta informazioaren gardentasuna.

2. Diagnostiko-fasea

Komunitatearen errealitatea sakonean ulertzeko datuak biltzea (triangulazioa: kuantitatiboa + kualitatiboa), interpretatzea eta arazoa kokatzea da helburua.

• Arazoak: Diagnostiko eskasa edo partziala, errepresentazio eskasa eta datuen interpretazio teknokratiko hutsa.
• Irtenbide posibleak: Instrumentu mistoak, kale-behaketa, talde-eztabaidak, auzo-bisitak, elkarrizketak, informazioa hizkuntza desberdinetan eta komunitatearen "ahots guztiak" jasotzea.

3. Diseinu-fasea

Identifikatutako beharretan oinarrituta, soluzio parte-hartzaileak diseinatzea.

• Arazoak: Administrazioak bere kabuz diseinatzea, parte-hartze sinbolikoa, rol profesionalik ez egotea (Gizarte Hezitzailea) eta botere-banaketa ez onartzea.
• Irtenbide posibleak: Gazteekin design thinking tailer parte-hartzaileak, erabaki partekatuak eta gardentasun osoa.

4. Esku-hartze fasea

Diseinatutakoa martxan jartzea, koordinatzea eta komunitatearekin batera prozesua gidatzea.

• Arazoak: Lan teknikoekin hastea komunitatea informatu gabe, erabiltzaileei ez egokitzea (lokalak ixtea...) eta segimendurik gabeko esku-hartzea.
• Irtenbide posibleak: Harreman etengabea komunitatearekin, arazoak gertatu ahala elkarlaneko erabakiak hartzea eta autogestio txikiak sustatzea (guneen zaintza, kartelak, talde eragileak).

5. Ebaluazio-fasea

Prozesu osoaren inguruko balorazioa egitea. Ez da bukaerako checklist bat bakarrik, prozesu jarraitua baizik.

• Arazoak: Gogobetetze-inkesta sinple bat (ebaluazio sinbolikoa), neurri bakarretan oinarritzea (kuantitatiboa) eta feedbacka komunitatera ez itzultzea.
• Irtenbide posibleak: Ebaluazio parte-hartzailea, komunitate-topaketak eta emaitzak publiko egitea.

Ondorioak eta Gizarte Hezitzailearen rola

Laburbilduz, proiektuan agertzen diren arazoei irtenbide integralak eman behar zaizkie, gizarte-hezitzailearen rola azpimarratuz.

Gizarte Hezitzailearen eginkizunak:

• Pertsonaren autonomiara eta sustapenera bideratutako hezkuntza-prozesuak sortzea eta laguntzea.
• Hezkuntza-prozesuak sortzea eta laguntzea, pertsonaren eta gizarte-sarearen arteko harremana sustatzeko.
• Sistemaren elementuen arteko bitartekaritza egitea.
• Herritarren eskubideak defendatzea eta betebeharrak gogoraraztea.
• Parte-hartze aktiboa sustatzea.