Ingurumen Informazioaren Garrantzia eta Hedabideak

Ingurumen Informazioaren Garrantzia eta Eskuragarritasuna

Zergatik da garrantzitsua ingurugiroari buruzko informazioa?

• Informazioa ez da ondasun neutroa; ezinbestekoa da erabakiak hartzeko eta ezagutza taxutzeko.
• Kultura demokratiko eta parte-hartzailea herritarrei ematen zaien informazioaren kantitateak eta kalitateak definitzen du.
• Edozein gatazkaren aurrean gizarteak emango duen erantzuna informazioaren kantitate eta kalitatearen araberakoa izango da.
• Ingurugiroari buruzko informazioa jasotzeak ingurugiroaren babesa hobetzen du, herritarrak ingurugiro-egoeraren partaide bihurtzen baititu eta zaintza areagotu egiten du.

Nork eska dezake ingurumenaren arloko informazioa?

• Agintari edo administrazio eskudunak duen ingurugiroaren arloko informazioa edonork eska dezake.
• Ez da beharrezkoa inolako interesik egiaztatzea (informazioa zergatik eskatzen den ez da zertan azaldu edo arrazoitu behar).

Salbuespenak:

• Defentsari edo estatuaren segurtasunari dagozkion gaiak.
• Jabego intelektualaren edo industrialaren sekretuak.

Ingurumen Informazioa Hedatzeko Baliabideak eta Teknikak

Informazioa Hedatzeko Baliabideak eta Kanalak

Baliabide nagusiak hauek dira: Prentsa, Telebista, Internet eta pertsonen arteko komunikazioa. Azterketan hauek guztiak garatu beharko lirateke.

Komunikaziorako Teknikak

• Banner: On-line marketinean erabiltzen den irudi edo animazioa da, erabiltzailea erakartzeko.
• Banderatxoa: Zabaltzeko mezua xerografiatuta duen olana, informazio laburra emateko.
• Kartela: Tamaina handiko euskarri inprimatua, mezu labur bat eta ikus-efektu handia duena.
• Liburuxkak: Tamaina txikiko euskarria (diptikoa edo triptikoa) non mezu nagusia eta informazio argigarria biltzen diren.
• Audio-podcastak: Aukeratutako ingurumen-informazioa duten audio-grabaketak.
• Irratiko iragarki laburrak.
• Spots (iragarkiak).
• Prentsa-oharrak: Komunikabideei, batez ere kazetariei, zuzendutako dokumentu idatzia da, informazio edo gertaera garrantzitsuak komunikatzeko.
• Albistea: Hedabide batek gertaera baten inguruan egiten duen eduki informatiboa.
• Txostenak eta sintesi-dokumentuak: Ingurumen-egoera bati buruzko azterketa sakona egiten duen dokumentua.