Ikastetxearen Antolakuntza eta Hezkuntza Proiektua

gaia: Ikastetxearen antolakuntza eta proiektuak

Ikastetxearen dokumentu nagusiak:

• Hezkuntza Proiektua
• Tutoretza Plana
• Aniztasun Plana
• Proiektu Linguistikoa
• Harrera Plana
• Elkarbizitza Plana

Ikastetxeko Hezkuntza Proiektua (IHP)

Ikastetxeko Hezkuntza Proiektuak, ikastetxeak bere autonomiatik abiatuta egindako hezkuntza-aukera eta jardun-ildo nagusiak jasotzen dituen proposamen integrala zehaztuko du. Hezkuntza-komunitateak ikastetxean egingo duen esku-hartzea koherentziaz zuzentzeko erreferentzia izango da.

IHP-aren osagaiak:

• Ikastetxearen nortasunari gorputza ematen dioten ezaugarriak eta balioak.
• Hezkuntza-helburuak.
• Ikasleek eskuratu beharreko oinarrizko konpetentziak.
• Hizkuntzaren, curriculumaren eta antolakuntzaren arloko irizpideak, estrategia-lerro nagusiak eta lehentasunak, guztiak ikastetxearen ingurunearen araberakoak.

Kontzeptuak: Partaidetza, erabilera eta xedea, jatorri eta baldintzatzaileak, elementu edo atalak.

Prozesuen araberako antolakuntza

Prozesua: Ekintza eta akzio multzo antolatu eta erlazionatuak dira, helburuak eta hobekuntza jarraia ahalbidetzen dituztenak.

Prozesuak eskolaren oinarrizko helburuaren arabera antolatzen dira:

• Prozesu eragileak: Hezkuntzarekin erlazionatuak (ikaskuntza eta irakaskuntza).
• Prozesu estrategikoak: Planifikazioarekin erlazionatuak (zuzendaritza eta estrategiak).
• Euskarri-prozesuak: Zerbitzuekin erlazionatuak (komunikazioa eta zerbitzuak).
• Hobekuntza-prozesuak: Hobekuntza jarraiarekin erlazionatuak (kalitatea eta hobekuntza jarraia).

Funtzioen araberako antolakuntza

Eskolako pertsona garrantzitsuen taldeak (poterearen arabera) eratzen diren antolakundea da.

• Gobernu-organoak: Eskola Kontseilua, Zuzendaritza Taldea, Zuzendaria, Klaustroa.
• Koordinazio-organoak: Departamentuak, irakaslegoa, tutoretza.

Lidergo motak

1. Ez-lidergoa: Lidergo-formarik onena lidergo posible minimoa dela pentsatzen du.
2. Lidergo transakzionala:
   • Salbuespenekiko zuzendaritza: Bakarrik parte hartzen du ez badira asetzen ezarritako estandarrak edo ezer ondo ez badabil.
   • Gertakizunagatiko zuzendaritza: Sariak ematen ditu aurrez hitzartutako errendimendu-graduen arabera egindako ahaleginaren truke.
3. Lidergo transformazionala: Optimismoa eta segurtasuna transmititzen ditu.