Hóckey Sala, Hóckey Patíns e Floorball: Regras e Historia

Hóckey Sala

Naceu en Gran Bretaña durante a Segunda Guerra Mundial. Algúns clubs alemáns e austríacos organizaron adestramentos en sala para ocupar o longo período invernal. Posteriormente, montaron algunhas competicións, adaptando as regras do hóckey herba.

Xogadores

• Dous defensas
• Un centrocampista
• Dous dianteiros
• Un porteiro

Duración

Dous tempos de 20 minutos con 5 minutos de descanso.

Gol

Márcase no interior da área.

Stick

A parte anterior é curva e máis delgada que a do hóckey herba.

Formas de agarre

A man esquerda na parte superior e a dereita na metade do stick.

Campo de xogo

Ten as dimensións do campo de balonmán (40 m de longo x 20 m de ancho). As liñas laterais están bordeadas por unha banda, xeralmente de madeira.

Hóckey Patíns

Baseado no hóckey sobre xeo, comezou empregando o disco plano "puck". Samaranch influíu na substitución do disco pola bola esférica. Portugal e España foron grandes dominadoras no historial de campionatos europeos e mundiais. Nos últimos anos, Arxentina e Italia conquistaron dous mundiais cada unha.

Xogadores

Catro xogadores e un porteiro.

Duración

Dous tempos de 25 minutos cun descanso de 5 minutos.

Gol

Pódese marcar dende calquera parte da pista.

Stick

A parte inferior é plana polos dous lados.

Formas de agarre

Na parte superior do stick, indistintamente coa man esquerda ou dereita.

Campo de xogo

De 40 m de longo e 20 m de ancho, pechado por valados protectores dun metro de alto. Pódese pasar por detrás da portería.

Floorball ou Uni-Hóckey

Orixe sueca.

Terreo de xogo

Recomendado: 40 m x 20 m. A área de portería ten unha dimensión de 5 m x 4 m. Os sticks son de plástico duro e a bola tamén é de plástico, con buratos.

Xogadores

Cada equipo ten un máximo de 17 xogadores por partido, dos cales 6 están no terreo de xogo.

Duración

Tres tempos de 20 minutos, cun descanso de 5 minutos.

Saque inicial

Para dar comezo ao partido, o árbitro deixa caer a bola entre dous xogadores cos sticks preparados para tomar posesión da mesma unha vez que esta dea un pequeno rebote no chan. Os demais xogadores deben estar a un mínimo de 3 metros.

Saque de falta

• Efectúase no lugar onde tivo lugar a falta.
• Non se pode dirixir a bola directamente a gol.
• A bola non pode estar a menos de 3 m da portería.

Penalti

• Efectuarase dende un punto situado a 7 m da liña de gol.
• Se o lanzamento é transformado en gol, sacarase dende o medio do campo (os xogadores nos seus respectivos terreos).
• Se se falla un lanzamento de penalti, sacarase a 3 m da portería na prolongación da liña de gol.

Prohibicións

• Levantar o stick por riba dos xeonllos para atrapar unha bola ou tratar de xogala.
• Parar a bola coa cabeza ou coa man.
• Pasar a bola co pé (facer pases).
• Xogar a bola dende a posición de tombados no chan.
• Os xogadores non poden meter ningunha parte do seu corpo na zona ou área de gol.
• Empuxar o adversario.
• Trabar e inmobilizar o stick do adversario.
• Se cando se golpea a bola, a folla do stick móvese por riba da cabeza, en dirección cara adiante.
• Lanzar o stick (penalti).
• Golpear o stick do adversario co noso.
• Mover a portería.

Permitido

• Dirixir e golpear a bola con ambos lados do stick.
• Parar a bola co stick, co pé e co peito.
• Dirixir a bola co pé cara ao propio stick.
• Xogar co bordillo que rodea o terreo de xogo.
• Quitarlle a bola ao adversario.