Heziketa Fisikoaren Ebaluazioa: Xedeak eta Funtzioak

Ebaluazioaren Xedeak Heziketa Fisikoan

Heziketa Fisiko arloan, heziketa fisikoaren ebaluazioak ondoko funtzioak bete beharko lituzke:

1. Ikaslearen Onura (Errendimendua) Ezagutu

Irakaskuntza-ikaskuntza denboraldi bakoitzeko amaieran ikasleak garatu duen curriculumarekiko onura ezagutzean datza. Ikasleak aldez aurretik pentsaturiko helburuekiko duen gaitasuna ezagutzea besterik ez da, hurrengo irakaskuntza-ikaskuntza denboraldiari ekiteko.

2. Pronostikatu

Parametro konkretu batzuekiko maila ezagutu nahi da pronostikatzerakoan. Heziketa fisikoan pronostikoak 3 modalitate hartzen ditu:

a) Pronostiko Orokorra

Kurtso osorako programatzen den lanaren arabera, kurtso hasieran hartu behar diren datuek ondoko parametroak kontuan edukita:

• Ezaugarri somatikoak
• Egoera fisikoa
• Ikasleak duen betearazpen maila eta garatuko diren ekintzetan esperientzia.
• Aukeratutako ekintzekiko motibazioa eta interesa.

b) Pronostiko Espezifikoa

Unitate didaktiko bakoitzeko egiten den pronostikoa da eta beti praktikara eraman aurretik egiten dena. Pronostiko espezifikoak unitate didaktikoak (gai multzoak) beste izango dira.

c) Ikasleen Puntu Ahulen Pronostikoa

Ikasleen gutxietsiak ezagutzea konponbideak proiektatzeko besterik ez da. Larrea (1967) autoreak heziketarako pronostikoak 6 puntu dituela esaten du:

1. Zailtasunak dituzten ikasleak ezagutu (identifikatu).
2. Zailtasun bakoitzeko zerizana identifikatu.
3. Zailtasuna izatearen arrazoiak edo faktoreak ezagutu.
4. Zailtasuna zuzentzeko plangintza formulatu.
5. Proiektua praktikan jarri.
6. Lortutako emaitzak erabili hurrengoan agertzen diren antzeko zailtasunetan neurriak hartzeko.

3. Irakaskuntza Sistemaren Eraginkortasuna Baloratu

Irakasteko erabiltzen ditugun metodoak egokiak diren edo ez aztertuko dugu.

4. Ikaslearen Ahalbideak Iragarri eta Orientatu

Ikasleen ahalbideak iragartzea haien errendimenduan, ahalmenetan, interesetan, ikasteko zailtasunetan oinarritzen da. Baita pertsonal, sendiko eta giro faktoreetan ere.

5. Ikaslea Motibatu

Lorpen zein akatsen berri ikasleari emanez.

6. Taldekatu

Irakaslearen arazo handienetariko bat ikasle-taldearen heterogenotasuna da. Hau da, zailtasun handiena banakotasunean dago. Ikasleak taldekatzerakoan homogeneotasun irizpidea erabiltzen da. Beraz, talde bakoitzak antzeko maila (abilezi maila) izango du. Homogeneotasunak talde bakoitzeko ikasleen artean ezaugarriarekiko antza izatea eskatzen du. Beste aldetik, betirako taldekatzea ezin daiteke onartu (kurtso osorako). Ikasleen taldekatzea programatutako ekintzen arabera egin behar dugu. Taldekatzea malgua izan behar du. Ebaluazioak taldekatzeko behar beste datu eskaintzen ditu (ikasleen gaitasunen, onuraren, interesen ezagupena).

7. Kalifikazioak Eman

Helburua gurasoei eta ikasleei heziketa garapenari buruzko informazioa ematea da.

8. Ikerketarako Datuak Lortu

Biologikoak, Fisiko-motorrak, Psikologikoak...