Harri mota nagusiak eta haien ezaugarri geologikoak

Kareharriak

• Harri sedimentario karbonatatuak.
• Batez ere kaltzio karbonatoz (kaltzita) osatuak.
• Orokorrean estratifikaturik agertzen dira; harri zurrunak dira.
• Meteorizazio fisikoari ondo eusten diote, baina ez hain ondo meteorizazio kimikoari. Disolba daitezke (karstifikazioa).
• Kasu hauetan nahiko iragazkorrak bihurtzen dira, akuiferoak eratuz.
• Euskal Herrian ohikoa da, eta oso forma bereziak dituen modelatua agertzen da: karsta.

Margak

• Harri sedimentario mistoak (karbonatatuak eta detritikoak).
• Kaltzio karbonatoz eta lutitaz osatuak.
• Harri bigunak dira eta ur-korronteek erraz higatzen dituzte.
• Iragazgaitzak dira.

Lutitak

• Harri sedimentario detritikoak.
• Konpaktaturiko buztin eta limozko partikulez osatuak.
• Oso harri bigunak dira. Ur-korronteek erraz higatzen dituzte.
• Iragazgaitzak dira.

Hareharriak

• Harri sedimentario detritikoak.
• Itsatsitako hareazko partikulez (silizeoak edo beste edozein izaeratakoak) osatuak.
• Orokorrean estratifikaturik agertzen dira; harri zurrunak dira eta ongi eusten diote higadurari.
• Granuluen arteko porotasuna izaten dute eta halakoetan nahiko iragazkorrak izaten dira.
• Oso zatituak agertzen badira, iragazkortasuna handitu eta higadurarekiko erresistentzia murriztu egiten da.

Konglomeratu eta Bretxak

• Harri sedimentario detritikoak.
• Edozein izaeratako graba tamainako kantu zementatuez osatuak.
• Estratifikaturik edo modu masiboan ager daitezke eta ongi eusten diote higadurari.
• Iragazgaitzak dira.

Ebaporitak (igeltsuak, gatzak edo halitak, eta abar)

• Harri sedimentario kimikoak.
• Erraz disolbatzen diren gatzez (igeltsua, gatz arrunta, etab.) osatuak.
• Harri zurrunak dira, baina urak erraz disolbatu eta aldatzen ditu.
• Iragazgaitzak dira.

Granitoak

• Harri igneo plutonikoak.
• Silikato kristalez osatuak (kuartzoa, feldespatoa eta mikak).
• Harri masibo eta zurrunak dira.
• Meteorizazio fisikoari ongi eusten diote, nahiz eta meteorizazio kimikoak motelki aldatzen dituen, bola-egiturazko paisaiak agertzen direlarik.
• Iragazgaitzak dira, baina zartadura ugari badituzte, urak erraz zirkulatuko du zartadura horietatik zehar.

Basaltoak

• Harri igneo bolkanikoak.
• Silikato bitreoz edo gutxi kristalizatutako silikatoz osatuak.
• Harri zurrunak dira eta ongi eusten diote higadurari.

Eskistoak

• Harri metamorfikoak.
• Ehundura eskistosodun silikatoz osatuak batez ere (egitura arbelkara edo hosto-ehundura erakusten dute).
• Harri nahiko zurrunak dira, baina ehundura dela eta ez dute higadura ongi jasaten.

Marmolak

• Harri metamorfikoak.
• Karbonatoen (batez ere kareharrien) berkristalizazioaren ondorioz eratuak.
• Harri zurrunak dira, estratifikatuak ala masiboak.
• Meteorizazio fisikoari ongi eusten diote, baina disoluzio kimikoaren ondorioz (karstifikazioa) aldatu egiten dira.

Arbelak

• Metamorfismo leuna jasan duten harriak.
• Leunki metamorfizaturiko lutitez osatuak, hosto-ehundura (edo arbelkara) agertzen dute.
• Iragazgaitzak direla esan daiteke.
• Baina ehundura hori dela eta, ez dute ondo jasaten meteorizazio fisikoa.