As Grandes Reformas da II República Española

As Grandes Reformas da II República

Esta composición está composta por tres documentos de fonte primaria con carácter xurídico, político e económico, respectivamente. Pertencen á primeira metade do século XX e tratan sobre as grandes reformas da II República.

Contexto da II República

España defínese como unha república de traballadores de toda clase e como un Estado Integral. Posteriormente, fórmase o Goberno Provisional, que ten como obxectivo prioritario convocar eleccións xerais a Cortes Constituíntes. Tras o triunfo das forzas de esquerda, iníciase un período reformista.

Prodúcese a aprobación da Constitución de 1931, moi progresista, que recolle dereitos e liberdades como a libre asociación, reunión e sindicación, así como dereitos sociais relativos á familia, educación e traballo. Tras a súa aprobación, Alcalá Zamora é elixido presidente da República e Manuel Azaña presidente do Goberno.

Este será un período reformista, que ten como obxectivos democratizar a vida política española, a modernización xeral e mellorar o nivel de vida da poboación.

Reforma Militar

O primeiro documento fai referencia á reforma do exército. En 1931, presentaba grandes deficiencias, tanto na estrutura, debido a un exceso de oficiais, como no equipamento, escaso e obsoleto. A necesidade de reformas era evidente dende 1898.

Esta reforma tiña como obxectivos a eliminación do poder político dos militares, a redución do número de oficiais, corpos e unidades, e o aumento da eficacia.

Puntos Fundamentais da Lei de Azaña:

• Esixíase que todos os mandos xurasen fidelidade á República.
• Suprimíase a Lei de Xurisdicións.
• Establecíase o dereito de retiros, que permitía aos oficiais pasar á reserva, como se pode ver no artigo 1 do primeiro documento, ou retirarse voluntariamente cun soldo íntegro, como se pode ver no artigo 2.
• Producíase unha reorganización xeral das unidades do exército.
• Suprimíase a Academia Militar de Zaragoza.

Como consecuencia, produciuse un malestar entre os militares, que se xuntou coa súa preocupación pola creación de autonomías, interpretadas como separatismo. Creouse a Garda de Asalto, forza armada leal á República para controlar as manifestacións e asegurar a orde pública nas cidades.

Reforma Educativa

O segundo documento fai referencia á reforma educativa. Os seus obxectivos eran diminuír as elevadas taxas de analfabetismo, mellorar o nivel cultural da poboación, modificar a mentalidade xeral e formar cidadáns libres e responsables que levasen a cabo a modernización do país.

Na Constitución recollíase unha ensinanza obrigatoria, gratuíta e laica. O Ministerio de Instrución Pública deseñou un ambicioso programa de escolarización.

Medidas da Reforma Educativa:

• Creáronse numerosas escolas e mellorouse a formación de mestres.
• Creáronse novos centros de investigación.
• Recoñeceuse o dereito ao uso das linguas de España na ensinanza.

Tamén apareceron novas experiencias como as Misións Pedagóxicas, como se pode ver no segundo documento, e A Barraca.

Reforma Agraria

Por último, o terceiro documento fai referencia á reforma agraria. A maioría da poboación eran obreiros e agricultores ou traballadores agrícolas. A distribución da propiedade da terra non cambiara significativamente desde as desamortizacións do século XIX.