Gizarte Bazterkeria: Lehen Mailako Gizarte Zerbitzuak

Gizarte Bazterkeria: Eguneko Arretarako Zerbitzuak

Lehen mailako gizarte zerbitzuen barruan, eguneko arretarako zerbitzuek gizarte bazterkeria egoeran dauden pertsonei zuzendutako laguntza eskaintzen dute.

Funtzioak

• Zerbitzua behar duten pertsonei harrera egitea.
• Oinarrizko premiei erantzutea, erabiltzaileei babesteko, garbitzeko eta jateko leku bat eskainiz.
• Erabiltzaileei dituzten eskubideei eta eskuragarri dituzten gizarte baliabideei buruzko informazioa ematea, eta egoera normalizatzeko kudeaketak egitera bideratzea.
• Dagokion oinarrizko gizarte zerbitzura bideratzea.
• Eskakizun maila txikiko eta premiaz lortu beharreko zerbitzuak dira, aldi baterako erabilerakoak.

Modalitateak

• Arreta zerbitzuak gizarte larrialdiko zerbitzutzat hartuko dira.
• Jantoki sozialek gosari, bazkari eta afari zerbitzua eskaintzen dute, eta modalitate espezifiko bat dira bazterkeria arriskuan edo bazterkeria egoeran dauden pertsonentzako eguneko arretarako zerbitzuaren barruan.

Prestazioak

• Informazioa.
• Bitartekaritza.
• Hezkuntza arloko eta arlo psikosozialeko esku-hartzea: aktiboki entzutea eta emozioei eustea.

Prestazio Osagarriak

• Mantenua.
• Higiene pertsonala.
• Ikuztegia.

Hartzailearen Adina

18 urtetik gorakoak.

Administrazio Baldintzak

Ez dago baldintza espezifikorik.

Premia Baldintzak

• Bazterkeria egoeran egotea.
• Intentsitate txikiko babesa behar izatea.
• Gaixotasun infekzioso eta kutsakor bat edo gaixotasun psikiatriko bat izanez gero, dagokion tratamendua ez ukatzea.
• Jokabide nahasterik ez izatea.
• Zerbitzuaren berezko zuzkiduren irismenetik eta aukeretatik kanpo dagoen osasun laguntza espezializatu eta iraunkorrik ez behar izatea.

Parte-hartze Ekonomikoa

Dohainik.

Gaueko Harrera Zerbitzuak

Prestazio Teknikoak

• Informazioa.
• Premiaren ebaluazioa.
• Gizarte eta hezkuntza arloan eta arlo psikosozialean esku-hartzea.

Prestazio Osagarriak

• Mantenua.
• Higiene pertsonala.
• Ikuztegia.
• Premiazko oinarrizko arropa.

Hartzaileak

Bazterkeria egoeran dauden 18 urtetik gorako pertsonak.

Administrazio Baldintzak

Ez dago baldintza espezifikorik.

Premia Baldintzak

• Bazterkeria egoeran egon eta 18 urtetik gorako adina edukitzea.
• Gaua emateko toki baten premia izatea.
• Zentroko langileek higiene pertsonalari eta zentroaren higieneari dagokienez emandako jarraibideak betetzeko konpromisoa hartzea.
• Jokabide nahasterik ez izatea, eta zerbitzuaren funtzionamendua edo ohiko bizikidetza larriki eragotz dezaketen edo pertsona berarentzat, beste erabiltzaileentzat eta esku hartu dezaketen profesionalentzat arriskutsuak izan daitezkeen portaerak ez izatea.
• Ospitaleratzea eskatzen duen gaixotasun fisikorik edo psikikorik ez edukitzea.
• Zerbitzuaren berezko horniduren aukeretatik edo hedaduratik kanpoko osasun laguntza espezializatu eta iraunkorrik ez behar izatea.

Parte-hartze Ekonomikoa

Dohainik.

Ostatu Zerbitzuak: Etxebizitza Babestua

Bazterkeria arriskuan dauden pertsonentzako etxebizitza babestuaren ostatu zerbitzuak.

Prestazio Teknikoak

• Jarraipen-balioespena.
• Lagun egite soziala.
• Bitartekaritza.
• Bestelako prestazio teknikoak: tutoretza eta gainbegiratzea.

Prestazio Osagarriak

• Ostatu ematea.
• Mantenua.
• Garbitasuna.

Hartzaileak

• Bazterkeria arriskuan dauden 18-64 urteko pertsonak.
• Eskatzailearekin bizi den ezkontidea edo izatezko bikotekidea (tratu txarrak jasaten dituzten emakumeak izan ezik).
• Bere ardurapean dauden adingabeak eta tutoretzapeko helduak.

Administrazio Baldintzak

• Legeak ezartzen dituen baldintza orokorrak betetzea.
• Eskaera unean herrialde horretako edozein udalerritan urtebete baino gehiago erroldatuta egotea.

Premia Baldintzak

• Bizitzeko toki bat behar izatea, egonaldi luzea edo ertaina.
• Intentsitate txikiko babesa behar izatea.
• Gizarte zerbitzuen sarearen berezko horniduren aukeretatik edo hedaduratik kanpoko osasun laguntza espezializatu eta iraunkorrik ez behar izatea.
• Gaixotasun infekzioso-kutsakor bat edo gaixotasun psikiatriko bat izanez gero, tratamenduari uko ez egitea.

Parte-hartze Ekonomikoa

Baterako ordainketa.