Feminismoa: Definizioa, Korronte Nagusiak eta Garapen Historikoa

Emakumeen Mugimendua eta Feminismoa: Oinarriak eta Korronteak

Patriarkatuaren aurka: Feminismoaren oinarriak

Feminismoak bi sexuen arteko berdintasun soziala defendatzen du, patriarkatua eta sexismoa baztertuz. Mugimendu honen lehen fasean, feminismoa batez ere moralaren eta sexualitatearen inguruko gaietan oinarritu zen. Bestalde, boto eskubidea aldarrikatu zuten eta lortu ere bai, 1918ko abenduaren 14ko hauteskunde orokorretan. Ondoren, bigarren fasea, 60ko hamarkadan hasi eta gaur egun jarraitzen duena da.

Feminismoaren Oinarrizko Printzipioak

Feminismoaren printzipio orokorrak honako hauek dira:

1. Aldaketaren garrantzia: Ideia feministak praktikara eramateko nahia. Egungo egoerarekiko kritika eta gizon eta emakumeen arteko berdintasunaren defentsa.
2. Gizakiaren garapenaz dugun ulermena aldatu beharra: Sexuaren araberako ezaugarrien bereizketarik ez egitea, baizik eta guztiok ezaugarri guztiak garatzeko aukera izatea.
3. Generoaren estratifikazioa ezabatzea.
4. Indarkeria sexualaren amaiera.
5. Askatasun eta autonomia sexualean aurrera egitea.

Feminismoaren Aniztasuna eta Aldagaiak

Feminismoaren ezaugarri nagusietako bat zatiketa eta heterogenotasuna dira.

Herrialdeen Araberako Aldaketak

Herrialdeen araberako aldaketak nabariak dira: Estatu Batuetan publikoagoa da. Europan ez da hain publikoa eta estatuen arabera aldatzen da. Herrialde batzuetan ezkerreko mugimenduekin erlazionatuta egon da. Espainian eta Portugalen, erregimen autoritarioengatik eta kultura katolikoarengatik, motelago garatu da.

Bereizketa Ideologiko Nagusiak

Feminismoaren barruan hainbat bereizketa ideologiko daude:

Feminismo Liberala

Ideia garrantzitsuena indibiduo bakoitzaren askatasuna defendatzea da. Eskubideen berdintasuna defendatzen dute. Ez dute uste emakume guztiak bildu behar direnik politika bat aldatzeko, baizik eta modu indibidualean, pixkanaka, generoaren inguruan kulturak ekarritako pentsamenduak aldatu behar direla.

Feminismo Sozialista

Jatorria teoria marxistan du. Uste dute familia burgesa berregituratu behar dela eta etxeko lanak eta haurren zaintza modu kolektiboan banatu behar direla. Horretarako ekonomia zentralizatu bat behar dela diote. Emakume zein gizonek beren askatasun-helburuak modu kolektiboan jarraitzea defendatzen dute.

Feminismo Radikala

Haien helburua patriarkatua boteretik kentzea da. Uste dute liberalak eta sozialistak ez direla nahiko. Barruan pentsamendu ezberdinak daude, adibidez:

• Teknologia berrien aldekoak (in vitro, adibidez), familia, emakume, gizonezko eta haur hitzen esanahia aldatu nahi dutenak.
• Teknologia berrien aurkakoak (in vitro, adibidez), emakumearen garrantzia kendu eta haurdunaldiaren balioa azpimarratzen dutenak.

Beste Korronte eta Ikuspegi Batzuk

Feminismoaren barruan beste korronte batzuk ere badaude:

Feminismo Psikoanalitikoa

Freuden teorietan oinarritua (identitate sexualen eraketa prozesua). Generoa, txikitatik kodifikatzen da erabiltzen dugun lengoaian.

Feminismo Beltza

Gatazka postkolonialen taldeekin erlazionatuta dago. Klase ezberdintasunak ere aztertzen ditu.

Feminismo Postmodernoa

Emakumearen karakterizazio unibertsalista guztiak zalantzan jartzen dituzte, baita kategoria unibertsalistak ere (klasea eta arraza, adibidez).

Emakumeen Nazioarteko Mugimendua

Feminismoaren korronte garrantzitsuenak mendebaldekoak dira. Hala ere, beste lekuetako emakumeek beste behar batzuk dituzte, eta horiek ere kontuan hartu behar dira mugimendu internazionalaren barruan.