Exocad: procedemento completo para o deseño de restauracións dentais con paso a paso

Orde de traballo

Para empezar, imos cubrir a folla de traballo cos datos que nos pide. En notas faremos constar aquilo que nos pareza importante.

Escanado da oclusión

En "escanado da oclusión" poñeremos: dous modelos en oclusión (para modelos ocluídos montados en articulador ou non) ou un só modelo.

Posteriormente seleccionaremos o dente que queremos deseñar. Vainos aparecer unha ventá onde teremos que elixir dentro das opcións que nos propón o software Exocad:

Coroas e cofias

• Coroa anatómica: coroa a volume total sobre implantes ou sobre tocos.
• Cofia anatómica: para facer estruturas para cerámica.
• Coroa prensada: deseña unha coroa a volume total pero dividida en dúas partes: oclusal e resto.
• Cofia: un casquillo a volume mínimo.
• Coroa provisional: sería para os dentes sen tallar. Exocad fai un tallado inferior ao que fará posteriormente o clínico, e deseñamos un provisional.

Tipos de póntico

• Póntico anatómico = Coroa anatómica
• Póntico reducido = Cofia anatómica
• Póntico prensado = Coroa prensada
• Póntico provisional = Coroa provisional

Incrustacións e carillas

• Incrustación / Onlay: para facer incrustacións a volume total.
• Onlay de grosor mínimo: unha restauración para despois cargar con cerámica.
• Carilla.

Copias dixitais

Permítenos facer un deseño para fresar en cera, ou ben escanar unha estrutura encerada e usar estas pezas para o noso traballo (non usaríamos as que nos propón Exocad).

• Encerado anatómico = Coroa anatómica
• Encerado reducido = Cofia anatómica
• Rest e Rec Estéticos
• Encerado póntico = Póntico anatómico / póntico reducido

Ataches e dispositivos

Ataches

• Pilar de barra: cando deseñamos as barras naqueles elementos onde hai implantes.
• Segmento de barra: cando deseñamos as barras en elementos onde non hai implantes.
• Atache Coroa telescópica.

Dispositivos removibles

• Férula de descarga (dente ausente).
• Dentadura completa.
• Esqueléticas parciais.
• Offset substructure: estrutura que vai encima dunha barra.
• Dentadura restante.

Antagonista (con só poñer un é suficiente; así o software xa sabe que hai antagonista).

Dente adxacente: á restauración que esteamos realizando.

Dente ausente.

Material

Temos dúas opcións principais para fabricación:

• 3/4 eixos
• 5 eixos / láser / impresión 3D

Aceptar / Copiar

Coa tecla Control + botón esquerdo do rato podemos copiar os deseños dente a dente. Coa tecla Shift / Maiúscula + botón esquerdo podemos copiar deseños de tramos.

Marco os dentes da seguinte forma:

• Dente adxacente: para os dentes remanentes que están ao lado dos que vou realizar. Deste xeito o software saberá que ten que colocar a estrutura de acordo con eses dentes.
• No resto dos dentes da arcada da estrutura podo poñer antagonista ou dente adxacente.
• Na outra arcada podo marcar só un dente ou todos, iso si, como antagonista. A mordida tamén se vai considerar antagonista.

No caso de que o traballo sexa unha ponte temos que unir os elementos con conectores.

Gardar — Escanear / Deseñar — Fabricar

Gardar – escanar / deseñar

• Fabricar, se temos unha fresadora.
• Creador de modelos: no caso de que nos envíen impresións escaneadas intraorais e queremos fabricar o modelo.
• Dentalshare: permite enlazar centro de produción co noso laboratorio.
• Copiar: toda a folla de traballo con escanados e deseños.
• Imprimir a orde de traballo. Impresión da folla de traballo.

DESEÑO

Cargar os arquivos dos modelos. Primeiro o do que imos realizar (a estrutura) e despois o antagonista.

1. Recoñecer a liña de marxe

Se non quedou ben, modificámola. Tamén podemos poñer points e sacalos. Imos recoñecendo o colo. Se fai falta, modificámolo.

2. Eixe de vista previa

Marcar “dirección de vista” para que nos marque o eixo de entrada que lle indicamos. Buscar o eixe de inserción da ponte. As retencións dentro de cada pilar deben quedar dentro da liña verde se é posible. Prememos en dirección de vista – eixe de inserción e damos a aceptar para que quede posto.

Debemos ter en conta o espazo para o cemento de 0,08 mm.

3. Marxe e compensación

Non aliviar áreas retentivas (así a estrutura adáptase ao muñón), salvo no caso dos pilares personalizados. Prememos seguinte e imos seguindo as indicacións do programa.

4. Seleccionar copia ou espello

Seleccionar se corresponde a copia ou espello da peza.

5. Exocad xera as pezas

Posicionamento dos dentes. Podo mover, rotar e escalar. Neste paso podo cambiar a orde dos dentes.

6. Biblioteca dental

Neste paso podemos cambiar a biblioteca dental. Colocaremos as pezas en posición ideal. En libre podo poñer e sacar material. En anatomía podo mover partes dos dentes.

7. Libre, anatomía, adaptación

Póntico: non adaptar neste paso a enxiva no póntico. Adaptaremos no seguinte paso despois de reducir. Eu reduzo 0,4 mm se quero que quede sitio para a cerámica; se quero que o metal vaia encima da enxiva a distancia será 0.

Oclusal

• Recortar interferencias – estático: recorta interferencias entre os dentes só en oclusión. (dínámico non, xa que senón saca volume segundo todos os movementos da prótese; só se usa en rehabilitacións).
• Recortar interseccións – partes a volume total: 0,1 mm.
• Adaptar mantendo a forma: non se usa.

Contactos

• Recortar interseccións – adxacentes: 0,0 mm.
• Adaptar mantendo a forma: non se usa.

Se temos que mover un dente do seu sitio segundo o colo da peza, pasarémolo a póntico. Para que non o deforme, podemos usar a seguinte ferramenta (tanto en tocos como en implantes): modelos de librería a póntico.

8. Contracción. Profundidade.

A redución ideal sería para posteriores 1,2 mm, e anteriores 0,8 mm. Pero isto non sempre é posible. A redución máis habitual é de 0,7 mm. En circonio 0,5 mm. Despois aplicarase a redución a toda a nosa estrutura.

Temos varias posibilidades:

• Reducir todo (é o normal).
• Non reducir nada (cando queremos facer provisionais, etc.).
• Banda lingual (omitir áreas determinadas – banda lingual 1 mm de altura; marcar parte lingual).

Ás veces contraemos menos do 100% por lingual. Se quero partes do dente que non se reduzan: marco reducir todo – co botón Maiúscula + rato pinto as partes que non quero reducir – aplicar.

Despois de decidir o que reduzo, prememos en USAR para ver o que se reduciría (por se é suficiente).

Adapto o póntico á enxiva: 0,4 mm (adaptación — distancia desexada 0,4 mm — adaptar á enxiva — seguinte). Ou ben saco cera na zona da banda lingual. Adapto contactos. Atraer cara os adxacentes os dentes que deseño, para que se peguen ben.

Os colos dos dentes débense deixar todos á mesma altura, tanto pilares coma pónticos. Os pónticos en vestibular deixareinos un pouco metidos cara dentro. Premo en seguinte. O perfil de emerxencia sairá en forma de tubo ata a saída da enxiva.

9. Conectores

Os conectores terán como mínimo 9 mm. Orientarémolos cara a dentro, aínda que apareza un vulto por palatino, que despois de sinterizado sacaremos no laboratorio.

Usaremos o conector redondo para arcadas superiores e o triangular para as inferiores e para implantes. Unha vez que temos a ponte terminada prememos en "deseño libre de restauracións" para redondear e suavizar os conectores e despois prememos en seguinte.

No caso dos conectores para monolítico de circonio ou PMMA usamos o conector +. Usar sección transversal. Desta forma os dentes quedan pegados e cunhas unións correctas.

Saír de modo experto.

Crear unha carpeta para os traballos a enviar e arrastrar aí o arquivo CAD.