Etika eta Moralari buruzko Kontroleko Galderak

Jarraian, etikari eta moralari buruzko funtsezko kontzeptuak berrikusteko galdera-erantzun zerrenda aurkezten da:

1. Zein da uste osoaren etiken planteamendu orokorra? Arau moralak ondorioen gainetik jartzen dituzte.
2. Zein dira kontzientzia moralaren funtzioak? Balioak eta arau moralak hierarkizatu, epai praktikoak eman eta ebaluazio morala egin.
3. Nire ekintza baten ondorioa ezagutzen ez badut, norena da ekintza horren erantzukizuna? Ondorioa aurreikus badaiteke, nirea; bestela, ez.
4. Zer dio determinismo zientifikoak? Naturaren legeek askatasuna ukatzen digutela.
5. Zer da amorala izatea? Kontzientzia moralik ez izatea.
6. Zer da ekintza mistoa? Kalte bat saihestearren, nahita egindakoa.
7. Zer dio hedonismoak? Zoriontasuna ez dela bilatu behar, jokabide moral zuzenaren ondorioa baita.
8. Zein da ekintzaren prozedura? Aukerak imajinatzea, hautatzea eta justifikatzea.
9. Zein da etikaren eta moralaren arteko ezberdintasuna? Etika morala aztertzen duen filosofiaren atala dela.
10. Noiz esaten dugu ekintza bat behartutakoa izan dela? Ekintzaren subjektuak beste inolako aukerarik izan ez duenean.
11. Zein egoeratan falta zaio pertsona bati beti kanpo askatasuna? Diktadura baten menpe bizitzean.
12. Zer egiten dute balio moralek, besteak beste? Pertsona gizatiarrago bilakatzen dute.
13. Zein ezaugarri dago helburu baten ezaugarrien artean? Eskuragarria izan behar du.
14. Zein da zoriontasunaren iturri bakarra lasaitasuna dela dioen teoria etikoa? Estoizismoa.
15. Zer da epai praktiko morala? Kontzientzia moralak kasu konkretuan ematen duen agindua.
16. Zer da jokabide ona izateko ezinbestekoa? Ezagutza.
17. Zein da autonomia morala duen pertsonaren erabakien eta ekintzen eragilea? Bere buruarekin eta besteekin harturiko konpromisoa.
18. Zein da erantzukizunaren etiken planteamendu orokorra? Ondorioak arau moralen gainetik jartzen dituzte.
19. Zer esan nahi du pertsona baten maila morala heteronomoa dela? Besteek berarekin izandako jokabidearen arabera jokatzen duela.
20. Nolako ikuspegian oinarritzen dira Giza Eskubideak? Objektibismo moralean.
21. Zer pentsatzen du determinista batek? Dena lotua dagoela eta ez dagoela inolako askatasunik.
22. Zein dira motibazio primarioak? Gure dimentsio biologikotik deribatzen direnak.
23. Zein da zoriontasuna norbere gaitasunen garapenean oinarritzen dela dioen teoria etikoa? Eudemonismoa.
24. Zein egoeratan du pertsona batek barne askatasuna galtzeko arrisku handia? Drogamenpekotasunean.
25. Zertan datza kontzientzia planetarioa? Hurrengo belaunaldiei utziko diegun munduaren baldintzen erantzukizuna denok gure gain hartzean.
26. Nagorek bere anai txikiari lagundu dio etxeko lanak egiten, badakielako amari oso ongi irudituko zaiola. Hortaz, zein estadio moraletan kokatuko zenuke Nagore? Heteronomia moralean, 4. edo 5. estadioan.
27. Gutako bakoitza nolako pertsona izango den norbere eskuetan al dago? Neurri batean behintzat, bai, buruturiko ekintzek laguntzen baitute izaera mota bat zehazten.
28. Zer da kontzientzia morala? Zer dagoen ondo eta zer gaizki bereizten duten printzipioez jabetzeko gaitasuna.
29. Zer suposatzen du erantzule izateak? Ondorioak norbere gain hartzea.
30. Zer gertatzen da ekintza misto batean? Subjektuak nolabaiteko erantzukizuna du.