Espainiako Klima Motak: Azterketa Sakona

Espainiako Klima Motak

Espainiako klima motak

1. Klima Ozeanikoa

• Iberiar penintsularen iparralde osoa hartzen du: Kantauri itsasoaren ertzeko eskualdeak eta Galizia.
• Prezipitazioak ugariak, erregularrak eta leunak dira.
• Urteko prezipitazioak, guztira, 800 mm-tik gorakoak izaten dira, eta urtean 150 egunetan baino gehiago egiten du euria.
• Urteko prezipitazioek banaketa erregularra dute, fronte polarreko depresioen eraginpean baitaude. Neguan eta udazkenean ematen dira prezipitazio ugarieneko sasoiak, eta udan urrienak (Azoreetako antizikloia).
• Prezipitazioak modu leunean erortzen dira.
• Kostaldean, tenperatura-bitartea txikia (itsasoaren eragina) da, eta barnealdean, moderatua.
• Kostaldean, udak freskoak izaten dira, eta neguak, berriz, moderatuak.
• Barnealdean, neguak hotzak dira eta udak kostaldean baino beroagoak.

2. Klima Mediterraneo

• Espainiaren zati handiena hartzen du: klima ozeanikoko zonatik hegoaldera, Balear uharteak, Ceuta eta Melilla.
• Prezipitazioak moderatuak edo urriak dira, irregularrak eta ekaiztsuak.
• Urteko prezipitazioak, guztira, 800 mm-tik beherakoak izaten dira: 800 mm-tik 500 mm-ra bitartekoak badira, moderatutzat hartzen dira; eta 500 mm-tik beherakoak badira, urritzat.
• Prezipitazioek banaketa irregularra dute. Usa lehora izaten da (Azoreetako antizikloia). Udazkena eta udaberria dira euri gehieneko sasoiak, Atlantikoko eskualdean izan ezik, bertan negua da.
• Prezipitazioak ekaitz moduan erortzen dira oso sarritan.
• Tenperaturak aldatu egiten dira latitudearen eta itsasoarekiko distantziaren arabera.

2.1. Itsasaldeko Klima Mediterraneo

• Lau eskualdeak hartzen ditu: Mediterraneo aldeko kostaldea (hego-ekialdea izan ezik), Atlantikoaren hegoaldeko kostaldea, Ceuta eta Melilla.
• Prezipitazioak moderatuak edo urriak izaten dira; urtean 800 mm eta 300 mm artean egiten du euria.
• Atlantikoaren hegoaldeko kostaldean, prezipitazioak ugariak izaten dira. Klima mediterraneo subozeanikoa.
• Mediterraneoko kostaldean, prezipitazioak urriagoak izaten dira.
• Tenperatura-bitartea moderatua da. Uda beroa izaten da eta negua leuna.

2.2. Klima Mediterraneo Kontinental

• Penintsularen barnealdea hartzen du, Ebro ibaiko haranaren erdialdea izan ezik.
• Prezipitazioak moderatuak edo urriak izaten dira (800-300 mm).
• Penintsularen mendebaldean, prezipitazioak ugariagoak dira. Maximoak neguan eta udazkenean izaten dira.
• Gaztelako eta Ebroko sakonuneen erdiadean, prezipitazioak ugariagoak izaten dira. Maximoak, udaberrian ematen dira.
• Tenperatura-bitarte handia du:

• Iparraldeko goi-lautadan, eta Guadalajarako, Terueleko eta Cuencako lur-garaietan, uda freskoak eta negu hotzak.
• Hegoaldeko goi-lautadan eta Ebro ibaiko haranaren ertzetan, udak beroak eta neguak hotzak.
• Extremaduran eta Andaluziaren barnealdean, uda beroak eta negu leunak.

2.3. Klima Mediterraneo Lehor, Subdesertiko edo Estepakoa

• Penintsularen hego-ekialdea eta Ebro ibaiko haranaren erdialdea hartzen du.
• Prezipitazioak oso urriak izaten dira (30-150 mm).
• Tenperatura, 17ºC-18ºC-koa izaten da urte osoan eta neguak leunak dira hego-ekialdeko kostaldeko estepa beroan.
• Besteetan, 17ºC-tik beherako tenperaturak izaten dira urtean zehar eta negu moderatuak edo hotzak izaten dira.

3. Mendialdeko Klima

• 1000 m-tik gorako altitudea duten mendiko lurraldeak hartzen ditu.
• Prezipitazioak oso ugariak dira: urtean 1000 mm-tik gora euri egiten du.
• Tenperaturaren batezbestekoa oso baxua da eta negu hotzak izaten dira; horregatik, elur moduan erortzen da.
• Klima ozeanikoaren eraginpeko mendietan, prezipitazioak oso ugariak dira eta uda freskoa izaten da.
• Klima mediterraneoaren eraginpeko mendietan, prezipitazioak urriagoak dira eta uda beroa izaten da.