Enpresaren Oinarriak: Kudeaketa, Ingurunea eta Erantzukizuna

Enpresaburuaren Eginkizunak

Enpresaburuaren rolak eta funtzioak enpresa baten kudeaketan:

• Bazkidea: Enpresa sortzean kapitala jartzen duena.
• Enpresaburua: Enpresa aurrera eramaten duena, bazkideek kontratatzen dutena edo bazkideek hartzen duten postua.

Enpresaburu baten funtzio nagusiak:

1. Planifikatu: Egoera ekonomikoa aztertu eta ondoren, ekintza-plan bat egin.
2. Antolatu: Aurreko plana betetzeko, baliabideak eta zereginak antolatu.
3. Kudeatu: Bakoitzari zer egin behar duen esan eta lanak koordinatu.
4. Kontrolatu: Planean ezarritako helburuak betetzen diren edo ez kontrolatu.

Enpresaren Ingurunea

Enpresaren ingurunea bi motatan sailkatzen da: espezifikoa eta orokorra.

Ingurune Espezifikoa

Enpresari zuzenean eragiten dioten faktoreak dira, eta enpresak, aldi berean, faktore horiek kontrolatu ditzake neurri batean.

1. Bezeroak: Ezagutu egin behar dira eta horrela ahalik eta ondoen tratatu, ahalik eta azkarren kobratzeko.
2. Lehiakideak: Lehia ezagutu behar da: zein diren, zer egiten ari diren, etab.
3. Lan-merkatua: Langileak ezagutu behar dira: zein motatakoak diren, kontratatzeko erraztasuna, etab.
4. Banatzaileak: Enpresak jakin behar du zein enpresari saldu bere produktua, zeini banatu, etab.
5. Hornitzaileak: Lehengaiak lortzeko zein enpresa diren jakin behar da.
6. Finantzaketa-erakundeak: Bankuak enpresaren jarduera aurrera eramateko faktore garrantzitsuak dira, dirua nondik lortu aztertzeko.

Porterren Bost Indarrak

Enpresaren jarduera aurrera ateratzeko bost arlo kontrolatu behar dira:

1. Bezeroekin negoziatzeko ahalmena: Beti jakin behar da zeinek duen botere gehiago. Bezeroen eta enpresen artean botere borroka dago, eta boterea izateak abantailak ekartzen ditu.
2. Hornitzaileen negoziatzeko ahalmena: Bezeroekin egindako azterketa bera egin behar da hornitzaileekin.
3. Lehiakide berrien mehatxua: Lehia ezagutu behar da, baita lehiakide berriak sortzeko aukera edo arriskua ere.
4. Ordezko produktuen mehatxua: Ordezko produktuak sortzeko arriskua aztertu.
5. Lehiakideen arteko lehia: Lehiakideen arteko lehia nolakoa den jakitea.

Ingurune Orokorra

Enpresa guztiei eragiten dieten aldagaiak dira, eta enpresak ezin ditu kontrolatu.

1. Politikoa: Gobernuak hartzen dituen erabakiak.
2. Ekonomikoa: Ekonomiarekin erlazionatutako erabakiak (adibidez, inflazioa).
3. Soziokulturala: Bizimodua aldatzen da, eta beraz, eragina izango du.
4. Teknologikoa: Teknologiaren aldaketek eragin handia izango dute.
5. Ekologikoa: Kutsadura-mailak, klima-aldaketak, etab.
6. Legezkoa: Legezko neurriek eragin handia izango dute.

AMIA Azterketa (SWOT)

Enpresak egiten duen azterketa bat da, berari buruz informazioa lortzeko eta etorkizuneko erabakiak hobeto hartzeko. Lau arlo nagusi aztertzen ditu:

• Ahuleziak
• Mehatxuak
• Indarguneak
• Aukerak

Erantzukizun Sozial Korporatiboa (ESK)

Enpresa batek gizarte eta ingurumen kezkak aktiboki eta borondatez integratzea da bere negozio-operazioetan eta interesdunekin dituen harremanetan.

1. Enplegua: Sozialki arduratsuak diren enpresak beren langileen ongizateaz arduratzen dira (soldata, lan-baldintzak, ordutegiak, etab.).
2. Hornidura-katea: Hornitzaileek baldintza egokietan lan egitea eta kalitate ona bermatzea.
3. Ingurumena: Ingurumen-inpaktua murriztu nahi dute eta ingurumena babesteko lana egiten dute.
4. Enpresen Etika: Enpresek zintzotasunez eta etikaz jokatzeko konpromisoa hartzen dute.
5. Komunitatea: Enpresek tokiko komunitateei laguntzen diete eta bizi-kalitatea hobetzen laguntzen dute.

Gizarte eta ingurumen-erantzukizunak enpresak naturarekiko egiten duen lana kontrolatzea dakar, natura zainduz eta kutsadura minimizatuz. Gainera, pertsonen ongizateaz arduratzen badira eta sozialki arduratsuak badira, bezero gehiago erakarriko dituzte. Hala ere, gogoan izan behar da prezioa aldagai nagusia izaten jarraitzen duela kontsumitzaileentzat.