Enpresaren Funtzioak, Elementuak eta Sailkapena

Ekoizpenerako behar diren baliabideak lortu eta behar den modura erabili ondoren, ondasunak edo zerbitzuak sortu eta saltzen dituen erakundea da.

Funtzioak

1. Ekoizpen-faktoreak edo baliabideak erosi.
2. Ondasun edo zerbitzuak saldu.

Zergatik

1. Dirua

   Edozein ondasun edo zerbitzu ekoiztu eta eskaintzeko, baliabide egokiak erosi behar ditugu, eta honek diru asko suposatzen du.

2. Ekoizpenaren Antolakuntza

   Ondasunak eta zerbitzuak ekoiztu eta eskaintzeko, ez da nahikoa baliabide egokienak izatea; hauek behar den bezala zuzendu, erabili eta kudeatu behar dira erosleak eskatzen dituzten ondasun eta zerbitzuak ekoiztu eta eskaintzeko.

3. Ondasun Merkeak eta Kalitatezkoak

   Gaur egun, erosleok produktu merkeak eta kalitatezkoak nahi ditugu, eta helburu hau lortzeko, irtenbide bakarra dago: produktu ugari ekoiztea; horrela, produktu bakoitzaren kostua oso txikia izango delako, eta ondorioz, salmenta-prezioak ere bai.

Enpresen Elementuak

1. Kapital-Ondasunak

   Enpresek beren jarduera egin ahal izateko dauzkaten ondasunak dira.

   1. Aktibo Korrontea

      (dirua, adibidez)

   2. Aktibo Ez-Korrontea

2. Gizataldea

   Enpresarekin lotura zuzena duten pertsona guztiak dira: jabeak, langileak, zuzendariak.

3. Antolaketa

   Enpresaren agintaritza-, koordinazio- eta komunikazio-harremanen multzoa da.

4. Ingurunea

   Enpresaren jarduna baldintzatzeko moduko kanpo-faktore guztiak dira.

   1. Ingurune Orokorra

   2. Ingurune Espezifikoa

Organigrama

Enpresa baten egitura erakusten duen adierazpen grafikoa da.

Zuzendaritza: Hornikuntza, Ekoizpena, Merkataritza eta Marketina, Giza Baliabideak, Finantzaketa eta Inbertsioak.

Sailkapena

Sektorearen Arabera

1. Lehen Sektorekoak

   Nekazaritzako, basogintzako, meatzaritzako eta arrantzako jardueretan aritzen diren enpresak dira.

2. Bigarren Sektorea

   Industriari eta eraikuntzari lotutako jardueretan aritzen direnak.

3. Hirugarren Sektorea

   Materialak ez diren ondasunak sortzen dituzten enpresak; turismoa, garraioa eta hezkuntza dira enpresa garrantzitsuenak.

Jabegoaren Arabera

1. Enpresa Publikoak

   Enpresaren jabea erakunde publikoa da. Enpresa hauen helburu nagusia giza intereserako zerbitzuak ekoiztea da.

2. Enpresa Pribatuak

   Enpresaren jabea pertsona fisiko pribatua da, eta jabearen helburuak irabaziak dira.

Tamainaren Arabera

1. Enpresa Handiak

   250 langile baino gehiago dituztenak dira, enpresa multinazionalak.

2. Enpresa Txikiak

   250 langile baino gutxiago dituzten enpresak dira.

Izaera Juridikoaren Arabera

Helburuak

Kostuak ahalik eta txikienak izaten ahaleginduko dira, kostuak gutxitzean mozkinak handitzen dituztelako.

1. Merkatuan salmentak bultzatzea.
2. Gizarteak behar dituen hainbat ondasun ekoiztea.
3. Kalitatezko lanpostuak sortzea.
4. Merkatuan liderra bihurtzea.

Ekoizpen-Kostuak

Kostu Finkoak

Enpresak, existitzeagatik soilik, badauzka kostu batzuk, ekoizpen-bolumenarekin zerikusirik ez dutenak; lokalaren alokairua, adibidez.

Kostu Aldakorra

Ekoitzitako kantitatearen araberako kostuak dira; hau da, enpresak ezer ekoizten ez badu, ez du kostu aldakorrik izango; makineriaren mantenua, adibidez.

Guztizko Kostua

Kostu guztien batura da.