Electrónica Básica: Amplificadores, Fontes, Transformadores e Rectificación

Circuitos Amplificadores: Conceptos e Tipos

Os circuitos amplificadores son circuítos electrónicos analóxicos que teñen como función aumentar a amplitude dun sinal electrónico, incrementando a magnitude que a define pero mantendo a forma da onda. A función contraria é a "atenuación" do sinal.

Conceptos Clave en Amplificación

• Ganancia

  Serve para indicar, nun dispositivo, circuíto ou aparello, a relación entre unha magnitude representativa do sinal de saída e a correspondente do sinal de entrada. É unha magnitude adimensional, aínda que ás veces se expresa en decibelios.

• Ancho de Banda

  É a marxe de frecuencias dentro das que o seu funcionamento é óptimo e non descende duns límites prefixados (gráfica de sombreiro).

Clasificación dos Amplificadores por Frecuencia

• Amplificadores de Baixa Frecuencia ou de Audiofrecuencia

  Amplifican sinais de frecuencias comprendidas dentro da marxe audible, reproducindo o sinal de entrada cunha gran precisión.

• Amplificadores de Alta Frecuencia ou de Radiofrecuencia

  Amplifican sinais de frecuencias elevadas e empréganse na recepción e amplificación de sinais radioeléctricas propias dos sistemas de telecomunicacións.

O Par Darlington

O par Darlington consiste na asociación de dous transistores enlazados de xeito que os seus colectores permanecen unidos e o emisor do primeiro transistor está conectado á base do segundo. O conxunto proporciona unha elevada ganancia.

Fontes de Alimentación de Corrente Continua

Unha fonte de alimentación de corrente continua é unha unidade de alimentación que proporciona tensión continua, ou unha gama delas, a partir da rede de subministro eléctrico mediante un proceso de varias etapas.

Tipos de Fontes de Alimentación de CC

• Fonte de Alimentación Estabilizada

  É unha fonte de alimentación de CC na que o valor da tensión de saída permanece constante, de xeito automático, nun determinado valor ou nunha estreita marxe arredor do mesmo, independentemente das variacións da tensión alterna de entrada.

• Fonte de Alimentación Regulable

  Similar á anterior, o seu funcionamento débese á utilización dunha realimentación que mide, en cada momento, o valor da tensión de saída e, en función do seu valor, actúa ou non sobre o regulador, de xeito que o valor da tensión de saída permanece practicamente constante.

O Transformador: Funcionamento e Partes

O transformador é un dispositivo que transforma tensións e correntes variables que recibe na súa entrada, noutros valores distintos da mesma frecuencia.

Partes dun Transformador

• Núcleo Ferromagnético

  Formado por chapas delgadas illadas electricamente entre si por medio de vernices co obxecto de minimizar as correntes de Foucault.

• Dúas Bobinas

  Ou enrolamentos independentes de fío de cobre debanado e suficientemente grosos para reducir no posible o efecto Joule. Entre as bobinas disponse unha capa de material illante para illar unhas bobinas das outras.

Rectificación e Filtrado de Sinais

Rectificación

Mediante a rectificación conséguese evitar os cambios de polaridade que presenta a tensión alterna con cada semiciclo, logrando que esta sexa sempre positiva. Polo tanto, podemos dicir que un rectificador é capaz de transformar corrente alterna en continua.

A rectificación que se produce mediante un só díodo chámase rectificación de media onda, quedando sen aproveitar a metade dos ciclos do sinal de corrente alterna e obténdose unha tensión continua pulsante, é dicir, variable.

Filtrado

A etapa de filtrado ten como misión reducir as variacións da tensión rectificada, aproximándoa a unha tensión continua pura.