Ekonomia eta Industriako Oinarrizko Kontzeptuak

Lehengaia

Naturako elementuak dira zuzenean kontsumitzeko, produktuak sortzeko eta energia beharrak asetzeko erabiltzen ditugunak.

Energia Iturria

Eraldaketa-prozesu baten ondoren industria-prozesuak eta garraioak behar duten indarra ematen duen eta gure eguneroko behar ugari asetzen dituen natura-baliabidea.

Baliabide Berriztagarriak

Ez dira agortzen, edo denbora laburra behar da kontsumitu ondoren berriztatzeko. Adibidez, ura.

Baliabide Berriztaezinak

Oso kantitate mugatuan daude naturan, edo haien sortze-prozesua motelagoa da kontsumoa baino. Adibidez, petrolioa.

Energia Iturri Konbentzionalak

Energia lortzeko modu tradizionalei energia-iturri konbentzional esaten zaie. Adibidez, petrolioa, gas naturala eta elektrizitatea.

Energia Alternatiboak

Energia berriztagarriak dira, eta gutxiago kutsatzen dute energia konbentzionalek baino.

Industria Jarduera

Lehengaiak produktu landu bihurtzen dituzten prozesu eta teknika guztiak dira.

Lanaren Banaketa (Kateko Lana)

Produktu osoa egin ordez, langileak ekoizpen-kateko lan jakin eta zehatz bat soilik egiten hasi ziren, hau da, lanaren banaketa gertatu zen.

Industria Iraultza

Baserri-jardueretan oinarritutako ekonomia tradizionaletik industrian eta makinetan oinarritutako ekonomiara aldatzea eragin zuen.

Goi Teknologiako Industria

Mikroelektronikaren, informatikaren, telekomunikazioaren, bioteknologiaren eta material berrien arloetan jarduten dira.

Bioteknologia

Zelula biziak erabiltzen dituen teknologia, produktu berriak lortzeko edo jada dauden produktuen ezaugarriak hobetzeko. Elikaduran eta farmakologian erabiltzen da.

Logistika

Enpresa baten produktuen banaketa antolatzeko baliabideen eta metodoen multzoa.

Marketina

Produktu baten eskaria areagotzeko erabiltzen diren printzipioen eta jardunbideen multzoa.

Mundu Merkatua

Enpresa askoren ekoizpena mundu-merkaturako da. Merkatu handi hori hornitzeko gai izateko eta produktuak enpresa lehiakideek baino merkeago saltzeko.

Multinazionala

Enpresa handi horietako asko multinazionalak dira. Herrialde askotan jarduten dute.

I+G (Ikerketa eta Garapena)

Ikerketa eta garapen prozesuetan inbertitzea ezinbestekoa da enpresa gehiagorentzat gaur egun.

Industriaren Tertziarizazioa

Gaur egungo industria oso lotuta dago 3. sektorearekin. Hori dela eta, industriaren tertziarizazioa gertatzen ari dela esaten da. Enpresek baliabide asko erabiltzen dituzte publizitaterako, ikerketarako, logistikarako…

Industrialdea

Fabriken eta biltegien instalazioetako eremuak izaten dira. Industrialdeak hirietatik kanpo kokatzen dira, komunikazio oneko eremuetan.