Ebaketa-erreminten Materialak eta Mekanizazio Prozesua

Ebaketa-erreminten Materialak eta Prozesuak

Ebaketa-erreminten materialen ezaugarriak

Ebaketa-erreminta baten materialak honako ezaugarri hauek nabarmendu behar ditu:

• Gogortasuna: Gogorra izan behar du, higadura deformatu gabe jasateko.
• Zailtasuna: Zaila izan behar du, nekea onartzeko gai izanik hautsi baino lehen.
• Egonkortasun kimikoa: Egonkorra eta ez-erreaktiboa izan behar du piezaren materialarekin.
• Talka termikoarekiko erresistentzia: Tenperaturaren bat-bateko aldaketak jasateko gai izan behar du.

Ebaketa-materialen talde nagusiak

• Metal gogorrak: Gogortasunaren eta zailtasunaren arteko oreka ona dute.
  • HW: Estali gabeko metal gogorra. Ez da asko erabiltzen, azkar gastatzen baita.
  • HT: Cermet motako estali gabeko metal gogorra. Higadurarekiko eta deformazioarekiko erresistentea eta zaila da. Akabera-operazioetarako erabiltzen da, altzairu herdoilgaitz, gozo eta burdinurtu nodularretan.
  • HC: Estalitako metal gogorra. Plakatxo erabiliena da. Gogortasuna eta zailtasuna oso ondo konbinatzen ditu. Hainbat estaldura aplika dakizkioke.
• Zeramikak: Besteekin konparatuz, gogorragoak dira, higadurarekiko erresistenteagoak eta ebaketa-abiadura handiagoak ahalbidetzen dituzte.
  • CA: Aluminio oxidoz osatutako zeramika. Kimikoki oso egonkorra da, baina ez ditu ondo jasaten bat-bateko tenperatura-aldaketak.
  • CM: Zeramika mistoa, gehienbat aluminio oxidoz eta beste osagai batzuez egina. Zailtasuna eta eroankortasun termikoa hobeak dira.
  • CN: Gehienbat silizio nitruroz osatuta dago. Zailtasun handia du eta burdinurtu grisak mekanizatzeko erabiltzen da. Kimikoki ezegonkorra denez, bere erabilera mugatua da. Estali gabe erabiltzen da.
• PDC Diamante Polikristalinoa: Ezagutzen den materialik gogorrena da eta urradurarekiko erresistenteena. Higadurarekiko erresistentzia ona du. Tenperatura altuetan ezegonkortasun kimikoa du, horregatik material ez-ferritikoetan bakarrik erabiltzen da. Gainazal-akabera onak lortzeko eta superakabera operazioetan ere erabiltzen da.
• Boro Nitruro Kubikoa (CBN): Ebaketa-erremintetan erabiltzen da. Abiadura handitan lan egiteko aukera ematen du, oso erresistentea delako. Zailtasun handia du eta tenperatura-aldaketak ondo onartzen ditu. Altzairu gogortuetako akabera-operazioetan erabiltzen da.
• Altzairua: Gaur egungo altzairu lasterrak HSS (High Speed Steel) dira. Hauek aleazio handiak dituzte (Co, Mo, W), eta horregatik 600 ºC-raino egonkorrak dira. Gutxi erabiltzen dira, potentzia txikiko makinetarako direlako.

Plakatxoen forma eta izendapena

Plakatxoaren puntan zenbat eta angelu handiagoa izan, sortzen diren indarrak orduan eta errazago xurgatuko dira eta erresistentzia nahikoa lortuko da; hala ere, makinak potentzia handiagoa beharko du eta bibrazioak handiagoak izango dira. Angelu txikiarekin kontrakoa gertatzen da, baina erreminta gehiago berotuko da. Erradio egokia izatea ere garrantzitsua da. Plakatxoen izendapena ISO kode baten arabera egiten da.

Mekanizazio-kostuan eragiten duten faktoreak

Pieza baten kostu osoa kalkulatzeko, hauek hartzen dira kontuan:

Kostuaren kalkulua

• Lehengaiaren kostua
• Orduko makina-kostua
• Pieza akastunen kostua
• Makinan inbertitutako kapitala
• Langilearen ordainsaria

Kostuak aurrezteko gakoak

• Material egokiak aukeratzea
• Kalitate oneko erremintak erabiltzea
• Makina azkarrak, sendoak eta zehatzak baliatzea
• Ebaketa-parametro egokiak zehaztea

Mekanizazio-prozesuan kontuan hartzeko faktoreak

• Zer materialekin egingo den pieza.
• Zer makina mota erabiliko den.
• Zer erreminta eta tresna erabiliko diren.
• Aplikatu beharreko araudia ezagutzea, bereziki plano, material eta produktuen fabrikazioari buruzkoa.

Mekanizazio-prozesuaren sekuentzia

• Fasea: Egingo den operazio nagusia (adibidez, torneaketa).
• Azpifasea: Piezaren posizio berean egiten diren eragiketa-multzoa.
• Mekanizazio-eragiketa: Piezaren gainazal bat aldatzen duen ekintza (adibidez, zilindraketa).

Mekanizazio-prozesuaren definizioa

Mekanizazio-prozesua zehaztapen eta ezaugarri jakin batzuk dituen pieza bat lortzeko egiten den eragiketen, azpifaseen eta faseen segida ordenatua da. Prozesu honen analisia egiteko, oinarrizko hainbat faktore hartu behar dira kontuan, hala nola erabiliko den materiala.