Documentos Fundamentais na Organización e Xestión dun Centro Educativo

Sinais de identidade

Inclúen todo o conxunto de principios ideolóxicos e valores pedagóxicos que o centro adopta como propios, conformando a súa filosofía e misión.

Obxectivos xerais

Representan as metas ou finalidades que o centro se propón conseguir. Os obxectivos xerais do Proxecto Educativo de Centro (PEC) convén diferencialos en diferentes ámbitos:

• Obxectivos de carácter educativo.
• Obxectivos relativos aos recursos humanos.
• Obxectivos de goberno institucional.
• Obxectivos no ámbito económico e administrativo.

Estrutura organizativa

É a maneira de organizar o funcionamento dun centro. Inclúe as relacións de xerarquía e os fluxos de comunicación. Preséntase habitualmente a través dun organigrama. Os elementos que a constitúen virán dados polas necesidades específicas do centro.

Plan de convivencia

É o documento no que se establecen os principios, os obxectivos e as actuacións encamiñadas a mellorar a convivencia entre os membros da comunidade educativa. Está orientado a catro liñas de actuación principais:

• Convivencia entre iguais.
• Relación educador-educando.
• Convivencia e interculturalidade.
• Convivencia nas diferenzas de xénero.

Proxecto lingüístico

Documento no que se explican todos os aspectos relacionados co tratamento, a ensinanza e o uso das linguas. Debido ás novas necesidades e á realidade plurilingüística das aulas actuais, este proxecto é necesario para todos os centros.

En Galicia existe un bilingüismo entre o castelán e o galego, establecido sobre a base dos cómputos legais. Na etapa de Educación Infantil utilizarase a lingua materna predominante entre o alumnado.

O proxecto de calidade

Integra o conxunto de normas e pautas que o centro establece para articular o seu funcionamento e organización, co obxecto de mellorar a satisfacción das necesidades e expectativas das persoas ás que atende. O primeiro paso para a súa implantación consiste en identificar os procesos básicos:

• Procesos estratéxicos
• Procesos clave
• Procesos de apoio: serven de soporte aos procesos clave e completan a súa achega.

Determinación de indicadores de calidade

Son ítems facilmente identificables que permiten medir a calidade dos diferentes aspectos e procedementos. Estes pódense articular a través de escalas de estimación, de ordenación ou tests.

Proxecto de xestión

É o documento que recolle a xestión económica e a administración dos recursos materiais e humanos dun centro. Dotará o centro de autonomía para:

• Xestionar e administrar os seus recursos, responsabilidade propia da dirección do centro.
• Formular requisitos de titulación e capacitación profesional respecto a determinados postos de traballo do centro.
• Adquirir bens, contratar obras, servizos e subministracións.