Desenvolvemento económico e social en España na década de 1970

1.3. Os plans de desenvolvemento

Entre 1964 e 1975 puxéronse en marcha 3 plans de desenvolvemento económico e social cun marcado carácter industrial: - O 1º (1964-1967) non cumpriu os seus obxectivos.

• O 2º (1969-1971) dedicado á agriculura, á vivenda, á educación e aos transportes.
• O 3º viuse interrompido pola crise do petróleo no 1975.

O obxectivo dos plans era superar as deficiencias estruturais en xeral e favorecer as zonas menos industrializadas a través dos polos de desenvolvemento e doutras iniciativas. Os plans impulsaron o crecemento económico sen alcanzar os resultados esperados.

CRECEMENTO ECONÓMICO E CAMBIO SOCIAL

Un desenvolvemento económico acelerado

O desenvolvemento económico español da década de 1970 foi basicamente industrial. O ritmo do crecemento foi excepcional, cualificado de “milagre español”.

Os factores que interviñeron nese desenvolvemento son a contención dos salarios, a competividade dos produtos, a mellora da produtividade e o uso de novas tecnoloxías. A transformación da agricultura proporcionou unha man de obra abundante.

Coa instalación de multinacionais España colocouse entre as maiores potencias industriais. A súa estabilidade dependeu dalgúns factores externos:

• Exportación de produtos agrícolas e manufacturados.
• Modernización tecnolóxica e o investimento estranxeiro estimularon as industrias.
• Aumento do turismo europeo, atraído polo clima, a praia e os prezos.- O diñeiro que enviaron os emigrantes desde os países europeos.

Aumento de poboación e movementos migratorios

As mellores condicións económicas favoreceron o aumento de poboación, coñecido como “baby boom”.

Houbo moita man de obra, pero nin a industria nin os servizos puideron absorber toda esa man de obra dispoñible, polo que as autoridades políticas permitiron a emigración como unha solución.

Alemaña, Francia, Suíza ou Bélxica foron os países de maior emigración. Co fin de axudar, asesorar e controlar os emigrantes, creouse o Instituto Nacional de Emigración (1957) e promulgouse a Ley de Ordenación del Emigrante (1962).

O movemento migratorio influíu no desenvolvemento urbanístico. No 1970 o 66% da poboación española vivía en núcleos urbanos. A demanda de vivendas dinamizou o sector da construción.

Cambio social e comportamentos socioculturais

Cambiou a estrutura social. Formouse unha influente burguesía urbana e extendéronse as clases medias. O movemento obreiro fíxose máis reivindicativo fronte ás empresas e ao sistema político.

Pasouse a unha España urbana máis aberta, plural e libre.

Houbo melloras sociais como a ampliación a cobertura da Seguridade Social, aumento da poboación escolarizada e obrigatoria…

Co aumento do emprego e dos salarios cambiaron os costumes:

• A muller estaba máis formada, independente e incorporada ao mundo laboral.
• Houbo comportamentos morais diferentes como unha alimentación mellor, abandono das prácticas relixiosas…
• Aumentou a demanda de bens de consumo. O televisor foi a ventá aberta á propaganda.
• Uso do automóbil, o “seiscentos”. Produciu un gran impacto social.
• As asociacións veciñais tiveron gran protagonismo reivindicativo fronte ao réxime.