Cunqueiro, Fole e a Nova Narrativa Galega

A narrativa de Álvaro Cunqueiro

Obras

Novelas

• Merlín e familia
• As crónicas do sochantre
• Se o vello Sinbad volvese ás illas

Libros de relatos

(Describen a forma de ser das xentes galegas do rural)

• Escola de menciñeiros
• Xente de aquí e acolá
• Os outros feirantes

Características

1. Orixinal mestura de realidade e fantasía.
2. Técnicas propias da narración realista:
   • A) Recursos da tradición oral: digresións, apelacións a un auditorio...
   • B) Aparencia de realidade:
     • Ambientes familiares, lugares da Galicia da época.
     • Referencias a feitos e personaxes históricos.
3. Dous tipos de personaxes:
   • A) Da realidade cotiá nos libros de relatos.
   • B) De vellos mitos doutras culturas e literaturas: Merlín (mitoloxía celta), Sinbad (literatura árabe).
4. Presenza do humor.

A obra narrativa de Ánxel Fole

Etapas e características

1. 1ª etapa (anos 50):

   • Espazos rurais do sueste de Lugo (O Courel, Quiroga e O Incio).
   • Historias enmarcadas: un grupo de personaxes reúnense e cada un deles vai contando as súas historias.
   • Obras: Á lus do candil, Terra brava.

2. 2ª etapa (anos 70 e 80):

   • Espazos urbanos.
   • Maior presenza do humor.
   • Obras: Contos da néboa, Historias que ninguén cre.

Características da narrativa de Fole

• A) Os seus relatos inscríbense dentro do realismo popular e tira da literatura oral os seus argumentos e técnicas narrativas. Aínda que o fantástico e misterioso está moi presente, o autor tenta coas súas narracións facer unha descrición precisa das xentes da Galicia rural.
• B) Reproduce a lingua falada nos territorios onde sitúa as historias, cos seus dialectalismos e formas coloquiais.
• C) Recrea as crenzas, lendas e mitos que pervivían na Galicia rural da súa época; de aí que nos seus contos se nos relaten maleficios e outras accións máxicas, premonicións e aparicións de defuntos, visións da Santa Compaña e lendas coma as de tesouros ou lobos.
• D) O misterio, a maxia, o medo, o humor e a descrición da paisaxe teñen tamén gran importancia na súa obra.

A Nova Narrativa Galega

Que foi?

Foi un movemento renovador da narrativa que se produciu entre 1954 e 1970.

Características

• No tempo úsanse os saltos temporais, con avances e retrocesos, e o contrapunto (a narración de feitos que ocorren simultaneamente).
• No tocante aos espazos, predominan os urbanos imprecisos ou claustrofóbicos, aínda que se poden chegar a describir minuciosamente e algúns presentan valor simbólico, pasando a resultar hostís e desacougantes.
• Novos narradores:
  • En primeira persoa.
  • Narrador escéptico ou pouco fiable.
  • Narrador que actúa coma unha cámara cinematográfica.
• Técnicas narrativas innovadoras:
  • Monólogo interior.
  • Perspectivismo (varios narradores).
• Introducen temas novos como a violencia, a soidade e a angustia ante o absurdo da vida, o subconsciente cos soños e pesadelos, a rebeldía, a loita pola independencia de Galicia...
• Os protagonistas son antiheroicos: seres violentos, fracasados ou á beira da loucura; tamén se poden encontrar protagonistas colectivos.