Conceptos Fundamentais: UE, Comercio, Sistemas Políticos e Renacemento

Obxectivos da Unión Europea (UE)

• Lograr un crecemento intelixente, baseado no coñecemento, a innovación e a tecnoloxía.
• Crecemento sostible que conxugue o crecemento económico cun uso racional dos recursos naturais e o respecto polo medio ambiente.
• Crecemento integrador, baseado nun alto nivel de emprego e en evitar desigualdades sociais entre os diferentes territorios europeos.

Institucións Europeas

1. Consello Europeo

   Establece as prioridades xerais da UE. Está formado polos xefes de Estado ou Goberno dos países membros e reúnense 4 veces ao ano.

2. Comisión Europea

   Representa os intereses do conxunto da UE, propón e aplica as leis e xestiona o orzamento común. Está formada por comisarios encargados das diferentes áreas da política comunitaria.

3. Consello da UE

   Representa os estados membros e aproba as leis e o orzamento xunto ao Parlamento Europeo. Está formado por un ministro de cada Estado.

4. Parlamento Europeo

   Representa a cidadanía da UE, aproba as leis e orzamentos xunto ao Consello da UE. Está formado por parlamentarios, elixidos pola cidadanía europea.

5. Tribunal de Xustiza

   Xulga as disputas entre estados e garante o cumprimento das leis europeas. Está formado por xuíces independentes.

Tratados Fundamentais da UE

1. Tratado de Roma (1957)

   Francia, Italia, Alemaña, Bélxica, Países Baixos e Luxemburgo crearon a Comunidade Económica Europea (CEE), entrando en vigor en 1958.

2. Tratado de Maastricht (1992)

   A CEE transfórmase na UE. Creouse o euro, os Fondos de Cohesión e a Política Exterior e de Seguridade Común (PESC), entrando en vigor en 1993.

3. Tratado de Ámsterdam (1997)

   Nace Europol, créase a figura de ministro de Exteriores da Unión e increméntase o control do Parlamento sobre a Comisión, entrando en vigor en 1999.

4. Tratado de Lisboa (2007)

   Modifica os tratados anteriores. A súa finalidade é facer máis democrática e máis eficiente a UE, entrando en vigor o 1 de decembro de 2009.

Elementos Fundamentais do Comercio

1. A Oferta e a Demanda

   O vendedor que oferta o ben ou servizo e o comprador interesado en adquirilo.

2. As Mercadorías

   Bens e servizos cos que se comercia.

3. O Pagamento

   Pola mercadoría adquirida. Antigamente usábase o troco; na actualidade empréganse os cartos e outros medios como cheques, letras, tarxetas de crédito, etc.

4. O Mercado

   Lugar onde se realiza a compravenda. Pode ser un mercado concreto, se a mercadoría está presente (como unha tenda); ou o mercado abstracto, se a mercadoría non está presente (como a bolsa).

Principais Áreas de Comercio Internacional

• A Unión Europea e os Estados Unidos.
• Países Emerxentes: China, India e Brasil.
• Resto de países: Rusia, América Latina, Oceanía, África subsahariana.

Tipos de Comercio Interior

1. Comercio por Xunto (Almacenista)

   Cómpralles directamente aos produtores grandes cantidades de mercadorías que logo lles vende a outros comerciantes ou empresas. Concéntrase en mercados centrais.

2. Comercio polo Miúdo (Minorista)

   Véndelles directamente aos consumidores en diversos establecementos comerciais.

3. Comercios Tradicionais

   Tendas especializadas, mercados municipais e mercados pequenos, caracterizados por escasa rotación de produtos e atención personalizada.

4. Grandes Superficies Comerciais

   Supermercados, hipermercados e grandes centros comerciais, de gran tamaño, con variedade de produtos e autoservicio.

Réximes Políticos (Século XVII)

Sistemas Económicos

O Renacemento