Conceptos Esenciais de Física: Propagación de Ondas, Luz e Son

Conceptos Fundamentais sobre Ondas

Ondas: As ondas son unha forma de propagación de enerxía dun punto a outro do espazo que non vai acompañada dun desprazamento de materia.

Frecuencia: É o número de oscilacións dunha partícula por segundo. A súa unidade é o hertz (Hz).

Lonxitude de onda: É a distancia que existe entre dúas cristas. A súa unidade é o metro (m).

A Luz e a Súa Propagación

Fontes Luminosas

Os corpos que emiten luz chámanse fontes luminosas e pódense clasificar en dous tipos:

• Naturais: Como o Sol, as demais estrelas e os lucernas (ou lucecús).
• Artificiais: Como as lámpadas, as candeas acesas e as lanternas.

Emisores secundarios de luz: Son os corpos que absorben parte da luz que lles chega e reflicten outra parte en todas as direccións.

Clasificación dos Corpos Segundo a Absorción de Luz

Segundo a súa capacidade de absorción, os corpos poden ser:

• Transparentes: Deixan pasar a luz e pódense ver os obxectos a través deles con nitidez, xa que non dispersan a luz que lles chega. Exemplos: a auga ou unha lámina de vidro.
• Translúcidos: Deixan pasar só unha parte da luz que reciben, pero non permiten ver con total claridade, posto que dispersan parte da luz que lles chega. Exemplos: papel vexetal ou vidro esmerilado.
• Opacos: Son os obxectos que non deixan pasar a luz e, polo tanto, non pode verse a través deles, xa que reflicten ou absorben toda a luz que reciben. Exemplos: un anaco de madeira, unha peza de cerámica ou un anaco de metal.

Fenómenos de Propagación

Raio luminoso: É cada unha das direccións na que a luz se propaga a partir dun foco luminoso.

Feixe de luz: É o conxunto de raios luminosos.

Velocidade de propagación da luz: Depende do medio no que se propague. Arredor dos 300.000 km/s.

Sombra e Eclipses

Sombra: Prodúcese cando un obxecto opaco se interpón nun raio de luz e detrás del créase unha silueta escura.

Penumbra: Se o foco de luz é moi grande ou se encontra próximo ao obxecto, a sombra non ten contornos nítidos e ao seu arredor aparecen zonas de penumbra.

Tipos de Eclipses

Eclipses: Prodúcense cando un astro se oculta parcial ou totalmente porque se interpón outro que impide que o vexamos. Poden ser:

• Parciais: Se se oculta unha parte do astro.
• Totais: Se queda oculto todo o astro.
• Anulares: Se se ve un anel do astro ocultado.

Eclipse de Sol: A Lúa interponse entre o Sol e a Terra.

Eclipse de Lúa: A Terra encóntrase entre o Sol e a Lúa.

Interacción da Luz coa Materia

Reflexión da luz: É o cambio de dirección que experimenta un raio luminoso ao rebotar contra a superficie dun corpo.

Espello: É un corpo opaco cunha superficie lisa e pulida capaz de reflectir regularmente a luz que recibe.

• Espellos planos: Son superficies planas.
• Espellos curvos: Son superficies curvas (espellos cóncavos e espellos convexos).

Refracción da luz: É o cambio de dirección que experimenta un raio luminoso ao pasar dun medio a outro no que a súa velocidade é distinta.

Lentes e Espectro

Lentes: Son corpos transparentes que poden formar imaxes refractando a luz. Hai lentes que concentran os raios da luz e outras que os dispersan.

• Lentes converxentes: Fan que os raios de luz se concentren nun punto que se denomina foco.
• Lentes diverxentes: Son máis grosas nos extremos ca no centro. Fan que os raios de luz se separen.

Luz infravermella: Radiación cunha lonxitude de onda superior á vermella.

Ultravioleta: Ten unha lonxitude de onda menor cá violeta.

O Son e as Súas Calidades

Calidades do Son

Intensidade:

É a cantidade de enerxía que chega ao noso oído por unidade de tempo. Segundo a súa intensidade, os sons poden ser débeis (se levan pouca enerxía) ou fortes (se levan moita).

Ton:

Está determinado pola súa frecuencia e mídese en hertzs (Hz). Segundo o seu ton, poden ser graves (cando a frecuencia é baixa) ou agudos (cando a súa frecuencia é alta).

Timbre:

É a calidade que nos permite distinguir os sons de igual intensidade e ton producidos por dúas fontes sonoras diferentes.

Fenómenos Acústicos

Eco: Repetición dun mesmo son reflectido.

Reverberación: O son reflectido non se distingue claramente do directo, senón que os dous se mesturan e se confunden.

Espectro Sonoro

Infrasons: Ondas por debaixo de 20 hertzs.

Ultrasons: Ondas por riba de 20.000 hertzs.