Climas e Paisaxes de España e Galicia

Lorem ipsum dolor sit amet, consectetur adipiscing elit. Vestibulum a ante ut purus aliquam pellentesque. Suspendisse potenti. In sit amet risus quam, et egestas mauris. Nunc feugiat risus ut est facilisis condimentum. Sed et turpis velit, sit amet pharetra lacus.

O Clima de España

España está situada na zona temperada do hemisferio norte. A consecuencia disto, o seu clima é temperado, pero varía segundo a distancia ao mar e a altitude. Hai seis tipos de clima: o oceánico, o continental, o mediterráneo, o semidesértico ou seco, o de montaña e o subtropical.

Clima Oceánico

É o clima característico de Galicia, costa Cantábrica e Pireneos occidentais. Defínese por:

• Temperaturas suaves.
• Veráns frescos.
• Precipitacións abundantes.
• Paisaxes verdes.

Clima Continental

É o clima propio da meseta, val do Ebro, interior de Cataluña e nordés de Andalucía. Defínese por:

• Temperaturas extremas, moi baixas en inverno e altas en verán.
• Precipitacións escasas e irregulares; en inverno adoitan ser en forma de neve.

Tamén se coñece como clima mediterráneo de interior.

Clima Mediterráneo

É o clima típico das rexións próximas ao mar Mediterráneo: a costa atlántica andaluza, levante peninsular, Illas Baleares, Ceuta e Melilla. Defínese por:

• Temperaturas altas, con invernos temperados e suaves e veráns calorosos que adoitan ser secos.
• Precipitacións escasas e irregulares.

Clima Semidesértico ou Seco

É o clima típico do sueste da Península Ibérica, nas provincias de Alacante, Murcia e Almería. Defínese por:

• Temperaturas elevadas.
• Precipitacións escasas, que se concentran nos meses fríos.

Clima de Montaña

É característico das zonas máis elevadas dos sistemas montañosos: Pireneos, Sistema Central, as Cordilleiras Béticas e a Cordilleira Cantábrica. Defínese por:

• Temperaturas baixas no inverno e frescas no verán.
• Precipitacións ao longo de todo o ano (máis abundantes no inverno).

Clima Subtropical

É característico das Illas Canarias. Defínese por:

• Temperaturas altas durante todo o ano.
• Precipitacións escasas, máis frecuentes no norte das illas.

Os Climas de Galicia

Galicia está situada na zona temperada.

Clima Oceánico Costeiro

É o clima propio da costa de Galicia. Temperaturas máis suaves que no interior. Os veráns son máis calorosos segundo imos cara ao sur. Precipitacións abundantes todo o ano e o verán do sur é máis cálido que o do norte.

Clima Oceánico Interior

É característico das chairas do interior. Veráns cálidos e invernos fríos. Precipitacións abundantes. Canto máis ao sur, máis seco é o verán.

Clima Oceánico Mediterráneo

Dáse nos vales do río Miño e do Sil. Temperaturas frías no inverno e altas no verán. Precipitacións menores que no resto de Galicia.

Clima Oceánico de Montaña

Propio das serras galegas. Invernos fríos e veráns suaves. Precipitacións moi abundantes durante todo o ano agás nos meses de verán. É habitual que no inverno neve.

Tipos de Paisaxes

A paisaxe é calquera área da superficie terrestre que pode ser alterada por diferentes causas: o clima, o relevo, a vexetación e a influencia dos seres humanos. Os elementos que a compoñen son abióticos (elementos non vivos como as montañas), bióticos (elementos vivos como a fauna propia dese lugar) e antrópicos (a acción do home).

Existen diferentes tipos de paisaxe:

• Natural: É produto da interacción do clima, temperatura, chan, relevo, vexetación e fauna.
• Humanizada: Trátase dunha paisaxe natural transformada polos homes.

En función da proximidade do mar, as paisaxes poden ser de interior (montañas e chairas) ou de costa (cabos, baías, golfos, rías, illas...).

As Paisaxes de España

Paisaxe Oceánica

A vexetación é moi abundante e variada.

Características:

• Bosques frondosos, cun arboredo autóctono de folla caduca, como son os carballos e castiñeiros.
• No sotobosque, son típicos os fentos, mofos, toxos e xestas.
• Os prados son grandes extensións de herba que rodean o bosque e están verdes todo o ano.

A influencia do ser humano:

• Localízanse as principais vías de comunicación e as cidades máis importantes.
• Importantes portos comerciais, pesqueiros e deportivos.
• Os habitantes desta zona dedícanse sobre todo á industria, aos servizos e ao turismo.
• No mundo rural, a poboación distribúese en casas de campo en pequenas aldeas.

Paisaxe Continental

Características: Vexetación moi variada aínda que reducida como consecuencia da escaseza de auga. Árbores típicas: olmo e chopo, coníferas e arbustos, entre outras.

A influencia do ser humano reflíctese da seguinte maneira:

• Cidades pouco poboadas pero ben comunicadas.
• As principais actividades económicas son a industria e o sector servizos.
• No mundo rural as poboacións concéntranse en vilas pequenas ou medianas.

Paisaxe Mediterránea

Características: A vexetación varía dependendo da zona. Son características e predominantes as árbores de folla perenne. As máis habituais son os piñeiros, carballos, castiñeiros, aciñeiras e sobreiras. No sotobosque podemos ver breixo, arbustos aromáticos (romeu, xesta, tomiño). Cando o bosque mediterráneo se deteriora por algún motivo atopámonos coa garriga e os maquis.

A influencia do ser humano:

• Zonas altamente poboadas, con moita poboación.
• As comunicacións son boas e modernas.
• A actividade económica máis importante é o turismo.
• Nas zonas rurais creáronse grandes zonas de regadío.

Paisaxe Semidesértica ou Seca

Dáse nas zonas máis secas de España. A vexetación máis habitual é o esparto, o palmito e as chumbeiras.

Paisaxe de Montaña

A vexetación varía en función da altitude e a orientación.

A influencia do ser humano:

• A xente vive en pequenas aldeas ou vilas.
• As principais actividades económicas son a gandaría e a explotación forestal.

A Paisaxe das Illas Canarias

Posúen unha gran cantidade de especies vexetais que son endémicas, non crecen en ningún outro lugar do mundo.

A influencia do ser humano:

• A costa está moi poboada.
• No rural hai moitos asentamentos.
• O turismo é a actividade económica máis importante.

As Paisaxes de Galicia

Galicia é moi variada e rica en diversidade. No clima oceánico costeiro e de interior a vexetación é abundante e variada. Na zona do litoral predomina o bosque atlántico, que está composto na súa maioría de árbores de folla caduca (carballos, bidueiros, castiñeiros, freixos, ameneiros e salgueiros, entre outros). A día de hoxe hai árbores que non son autóctonas, como o eucalipto e os piñeiros. No interior abundan os castiñeiros e carballos. No relativo ao clima oceánico mediterráneo, caracterízase por ter especies mediterráneas como a sobreira e a abeleira. A paisaxe natural do clima oceánico de montaña dáse nas serras sudorientais, cunha mestura do bosque atlántico e do mediterráneo: acivro, piñeiro silvestre, érbedo, sobreira, rebolo, teixo, etc.