Capitalismo e Socialismo: Globalización, factores de localización industrial, turismo, agricultura e gandería

Capitalismo e socialismo: diferenzas

En que se diferenzan o sistema capitalista e o socialista. No sistema socialista, a actividade económica está organizada polo Estado, polo que tamén se coñece como economía planificada. No sistema capitalista, a actividade económica está regulada polo mercado, a través da lei da oferta e da demanda. Por este motivo, tamén se coñece como economía de mercado.

Globalización: definición, impulsores, causas e consecuencias

Explica en que consiste a globalización, cales son os seus axentes impulsores e as súas causas e consecuencias. A globalización consiste na crecente integración das economías nacionais nunha economía de mercado global. Entre os impulsores da globalización destacan a Organización Mundial do Comercio (OMC), o Fondo Monetario Internacional (FMI), o Banco Mundial, o G-8 (grupo dos sete países máis industrializados máis Rusia), o G-20 (grupo dos países máis industrializados máis países emerxentes) e as multinacionais. As multinacionais son tamén un poderoso axente da globalización.

As multinacionais compran materias primas, instalan as súas fábricas e venden os seus produtos onde no mundo é máis rendible.

Causas da globalización

As causas da globalización son moi variadas. Estas inclúen o progreso das telecomunicacións, a mellora dos transportes, a difusión da ideoloxía neoliberal e a xeneralización do sistema capitalista.

Consecuencias da globalización

As consecuencias da globalización afectan á produción, ao consumo e aos intercambios. A produción organízase a escala planetaria. O consumo uniformízase a través da publicidade e dos medios de comunicación. Os intercambios de mercancías, capitais, servizos e información universalízanse debido á mellora dos transportes e das telecomunicacións.

Cinco factores de localización industrial

Cita e explica os cinco factores de localización industrial. Os factores de localización industrial determinan a instalación e desenvolvemento das actividades industriais nunha determinada zona.

Factores naturais

Entre os factores naturais destaca a existencia de materias primas e fontes de enerxía, fundamentais para reducir custos de transporte e de producción.

Factores económicos

Os factores económicos inclúen a dispoñibilidade de boas infraestruturas, medios de transporte eficientes, servizos e solo industrial adecuado, así como a proximidade a mercados de consumo e a industrias complementarias, que favorecen as sinerxías produtivas.

Factores sociais

No ámbito social, é esencial contar cunha man de obra adecuada, xa sexa barata ou cualificada, e cun clima social favorable, caracterizado pola baixa conflictividade laboral e o apoio da comunidade.

Factores políticos

Os factores políticos comprenden o respaldo estatal a través de vantaxes fiscais ou comerciais e unha estabilidade política que atraia investimentos.

Factores ambientais

Por último, os factores ambientais refírense á permisividade en regulacións ambientais e á calidade do medio ambiente, elementos que poden influír na imaxe pública das industrias e nos seus custos operativos.

Efectos do turismo: vantaxes e desvantaxes

Explica cales son os efectos do turismo e sinala as súas vantaxes e desvantaxes. O turismo ten efectos positivos e negativos nas zonas de destino.

• Económicos: xera emprego, ingresos e desenvolvemento económico. Pero tamén fomenta a temporalidade e o aumento dos prezos e do custo do solo.
• Demográficos: atrae poboación para traballar no sector e frea a emigración de determinadas zonas. Por outra banda, os numerosos visitantes poden desbordar os servizos.
• Sociais: pode axudar a modernizar as zonas turísticas, pero tamén provocar a perda da identidade e dos costumes locais.
• Ambientais: favorece a rehabilitación dalgunhas áreas; pero tamén pode alterar a paisaxe, contaminar o medio ambiente, aumentar os residuos e sobreexplotar a auga ou o solo.

Actividades agrarias: agricultura e gandería

● Agricultura: É a actividade dedicada ao cultivo da terra para obter vexetais. Proporciona alimentos para as persoas (trigo, produtos de horta), forraxes para o gando (millo, alfalfa) e materias primas para a industria (liño).

● Gandería: É a actividade dedicada á cría de animais para o seu aproveitamento polos seres humanos. Esta actividade proporciona alimentos (carne, leite, ovos), fertilizantes, materias primas para a industria (coiro, la) e, en certos casos, forza de traballo.